طيب قد يكون من الرجال اللي فعلاً اهم شيء عنده الطبخ ؟
مايهمه المساج وتدليك الرجول وشحن الجوال الخ .. بس يهمه اكل حلو ؟

ممكن تطلعين له الحين وتكلمي معاه بوضوح .. حبيبي ماعندي مشكلة عشانك وعشان حياتنا بضغط ع نفسي خصوصا اني الحين بوضع حساس ووحم .. فـ ابغى تعذرني شوي بالامور الثانية مثل الكوي والغسيل .. وبخصص وقتي وجهدي للطبخ عشانك وعشان حياتنا ..

ومري صيدلية واشتري لك كرتون ماسك ب30 ريال عن ريحة الدجاج والكشنة وغلقز سميك واطبخي براحتك .

عارفة شيء متعب الخ .. بس لاجل حياتك الزوجية اضغطي ع نفسك وجربي

ممكن تكتبين لي ايش الاكلات اللي ماتضبطينها بالضبط ؟

__________________
سبحان الله وبحمده ، سبحان الله العظيم

بعلمك كيف يكون حب الذات وحسن التصرف في
موقف الطبخ
طبخت ثم أتى بنص الطبخه وقال زيدي عندي شخص هنا اقول عذرا حبيبي الطبخه شارفت عالانتهاء
هنا انا أحب نفسي صح طبخت له لكن مو معناته يحملني شيء فوق طاقتي باللحظة الاخيره لو من البدايه ذكر لك بأنه يوجد شخص كان حسبتيه واخرجتي لهم طعاما لذيذا
ماذا استفدتي من زياده الكميه وانت لم تتقنيها من قبل ؟ هل شكرك !!او عاب أكلك
حسن التصرف اما ان تذكري له بأن يجلب اكل من الخارج للضيف مع تقديم البرياني
او تعملي طبق أرز ابيض عالسريع لتكثر الكميه وتضعيه بالصحن ومن فوقه البرياني
سيكون شكله جميل خاصه ان البرياني ملون مابين الأبيض والأصفر والأحمر

__________________

والله ماكان كذا هو يحب المطاعم وحتى لما كنت اقول لعمتي - امه - ان كرهت المطبخ وكيف فلان والخ قالت مو من حبه لأكل البيت ماياكل هنا الا بالاسبوع مره لاتشيلين همه والخ ..طيب ليش قلب علي فجأه .. اضبط كل شي الا الرز وهو يبي اسويه مثل المطعم او مثل اهله .. و اهله قلتلكم طبخهم 3 من 10 وحتى الرز لما اسويه يمدحونه بس هو مايمدح ويجلس يقول ناشف .. ثاني يوم اكثر الزيت شوي يقول زيت وعلى هالحال المشكله مرتين او ثلاث اللي مدح طبخي فيهم وكل مره يقول اول مره تضبطينه كذا وياكل كثير وثاني يوم اجرب شي ثاني لان هو يحب التنويع بالكبسات ..انتي ماتعرفين تطبخين انتي ولا مره ضبط معاك والخ .. انا تعبت وماراح احاول خلص تعبت والله وبحافظ على جنيني يكفي ضغطت ع نفسي كثير عشان زوجي اللي مايبين بعينه شي

مشكلتك انك علمتيه على نقطه ضعفك
وانتي بالنسبه لجيلك اصلا طباخه ماهره
والطبخ لانك تطبخي متوتره خلاص ما يضبط اصلا
دافعي عن طبخك
واذا ضايقك بالوقت زي سالفه البرياني قولي ماراخ يضبط وانت تحمل المسئوليه

آْنَـْتي زوجه رائعه

وانا اقرأ موضوعك شعرت انك زوجه حنونه ودوده

حبيبتي مثل ماقالت سكر ينقصك حب نفسك والثقه

لن يمنع زوجك من الزواج الثاني طبخك الجميل

لا وألف لا

سيمنعه تقديرك لنفسك وحبك لها وانك زوجه تحترمين نفسك وتقدرينها

شكرا لك اقولها لك نيابة عن زوجك

فاهتمامك به ينقص كثير من الأزواج في مجتمعاتنا

ممكن اقولك تكنيك بسيط ممكن يساعدك

((عيش ابوكاس))

روعه اذا زدتي الماء او انقصتيه لايمكن يتعجن او يحبب

الى جانب اشتري جدر ايكيا فيه مقياس داخلي مثل زجاج رضعة الطفل تحفظين الكميه وخلاص .

والدجاج طبخه سهل وتنظيفه كذلك

انا اشعر انك فنانه بالطبخ ولكن تنقصك الثقه بما تصنعينه

وفعلا مثل ماقالت سكر لاتسألينه عن رأيه ابدا .

__________________
اللهم ألهمني الرشد

اغلب الظن انه سمع من اصحابه كلام "اياك تعودها على اكل المطاعم /خلها تتربى و هي اللي تطبخ
لا تدلعها حتى ما تطلع عيونك ......الخ الخ من هذا الكلام
انتي خليكي واثقة من نفسك و شوفي اليوتيوب و اقري كتب الطبخ
جربي لما يروح الدوام بمقادير صغيرة
يعني لو مكتوب كوب حطي نص كوب
اقسمي المقادير على 2 حتى يسهل عليك التحكم فيها
اسالي امه عن الاكلات اللي يحبها و حضريها بيوم هو يكون مشغول و ما يرجع بدري للبيت

اصبري و كملي اللي بديتي فيه
الطبخ نفس قبل كل شي فاذا مدحك اهله و هو انتقد
لا تهتمي لنقده لانه يعتقد اذا مدحك رح تتكاسلي و تفتر همتك

كان الله في عونك و ثبت حملك

يوم الا تروحي بيت اهلج خلي الماما تعلمج كل مره طبخه...لا تضغطين ع نفسج وايد وخلي ثقتش بالله كبيره

ع فكره اول ماتزوجت مااعرف ولاشييي انتي بالنسبه لي فنانه معجنات ومكرونات وحلويات وزوجي بالمقابل طباخ ماهر وهو الاعلمني يشرح لي واطبق لحدما سبقته الحين انا الااعلمه

ياعمري انت اقولها لك من دون مجاملة زوجة ممتازة بالنسبة للطبخ طالما انت مثل ماذكرتي فانتي تتقدمين بشكل مستمر ..لا يستحق الامر ان تؤذي نفسك بسببه ولا اي انسان يستحق ذلك.. استمري على الاسلوب اللذي تنتهجينه حاليا وهو القيام بالواجبات والاساسيات لان زوجك سيشعر حينها بأن فيه شي مخليك متغيرة وراح يسألك وقتها افرضي شخصيتك انه انتي ترفضين كذا وكذا وتبين بوضوح الاحترام لانك انسانة قبل تكونين خادمة ومادمت تقومين بالمعقول فليس مطلوب منك اكثر..يوم يقولك بتزوج بسبب الطبخ لاتهتزي ابدا انت مصدقة انه بيتزوج عشان ذا الشي وانت ماشاء الله بتطوري نفسك دايم هو بس يستفزك وباين انه ملاحظ تأثير ذا الشي عليك..فاحرقي عليه هالورقة اللي بيلعب فيها وطنشي وابتسمي وبس بطلي تعذبي نفسك عشان غيرك

مو متزوج ولاشي بس على باله اذا هدد انك بتفحطين،، مشكلة بعض الرجال يحسبه متزوج شيف اطبخي لفلان واطبخي لعلان ،،، ليش مايجيب اكل العزايم من برا،،،وانتي تلقين كل شي ب انستقرام حسابات طبخ تطبخ بطرق سهله ..اهم شي لاتبينين له انك بتموتين عشان ماتعرفين تطبخين لاتكونين ضعيفه ويهم فيك ،،خلي حجتك قويه واذا احتد النقاش قوليله دام الشرع حلل اربع ترا الشرع بعد مايطلب مني طبخ ولا انا ملزمه فيه واقرا عن هالشي وهذا تفضل مني وبحث عن الاجر ،،وابداً لاتكونين امامه غير واثقه بنفسك وشغلك ولاتكررين على مسامعه ماعرف ماعرف ..بالعكس قولي تعلمت والكل يمدح شغلي ،،