أنت مكبر الموضوع يا أخي وصدقني أنت للأسف أعطيت البنت أنطباع أنك غير راضي عنها ومش عجباك
يعني وصلت لها أهتمامك بطريقة خاطئة بتشديدك على أسئلة خاطئة مثل قولك:
أنت عاوزاني وإلا لا ...أنا أفكر بالإنفصال

يعني طبيعتها ماينفعش معها الكلام دا نهائي لأنها خجولة وفيها حياء كبير وصغيرة بالسن وتشعر أنك متفوق
عليها ومش قادرة تملى عينك وخايفة تنهز صورتها لو هي تكلمت أو تعمل حاجة خطأ أو تصرف يخليك
تنتقدها لأنها حاسة أنك دقيق معاها وتلاحظ كل حاجة وتفسر مشاعرها وتفسيراتك للأسف خطأ


أبوها قلك أنها تعبت نفسيتها خالص بسبب سؤالك الأولاني يعني هي تحبك وأنت حطمتها

لازم تحتويها أكثر وتعذر حياءها وسكوتها لساتها صغيرة على تعلم فنون الحب والكلام وتبادل الأعجاب
والإهتمام معاك علمها بالرآحة وحبه حبه

حسسها أنها ماليه عينك وقلبك وعجباك خليها تكون معاك واثقة من نفسها


على فكرة أنت مستعجل خالص ومندفع خالص بمشاعرك هدي شوية وخذ الأمور بروية
ولاتنتظر النتائج تجي في خلال شهر شهرين البنت فيها حياء كبير وصغيرة وأنت أول رجل بحياتها
خليها تتعود عليك وتثق فيك وحسسها بالآمان

وبلاش حكاية التطنيش خطيبتك ماينفعش تطنشها راح تتحطم نفسيتها بتنطيشك وتكرهك
ولو هي مش مهتمه فيك ماخلت أمها تتصل وتسأل عنك
و خذ في بالك هي تخجل منك وهذا الأمر يخليها تجعل أمها تنوب عنها بالسؤال عنك
لأنها عاوزه تتطمن عليك ومش قادرة من خجلها

بقولك على طريقة تفك الخجل منها وتخليها تأخذ وتعطي معاك

لما تبعت لها رسالة خليها على هيئة سؤال بسيط

مثلاً: وحشتيني ماوحشتكيش....؟!

هالرسائل بتشد انتباهها وتحفزها للإهتمام بيك وخليك معها بالرسائل فترة لحد ماتحس أنها بدأت تتغير
وتأخذ حريتها بالكلام معاك بالرسائل وبعدين كثف المكالمات ولاتصدم البنت بالغزل مباشرة بل وضح
لها حبك وإهتمامك بالتدريج لحد ماتحس أنها بنفسها عاوزة تأخذ راحتها معاك

والله الشعور دا وصلنى فى كثير من الااحيان حتى انى تداخلت معى الامور وفقدت التصرف تماماً ولم اعد اعرف ماذا افعل ...... كل ما اجى افكر اقولها على شىء اخاف تفهمنى غلط اروح اسكت وما عدت عارف اتكلم ازاى ودا من الاشياء اللى كانت بتخليينى كأنى بدور حوليين نفسى وزودت الضغط على نفسى جداً لدرجة ان كل شىء اكبس بنفسى وما ابوح .... والان لا اعرف كيف اتصرف خصوصاً بعد اتصال والدتها الاخير

ربنا يحفظك اختى ان شاء الله اعمل بنصيحتك باذن الله

انا فكرت انى فى يوم اعتذرلها عن الكلمتيين دول ... بس مش عارف هل الاعتذار وارسال الهدايا سيصلح الامر ام انساة ولا اعد اتحدث فية ....لانى احس انها من النوع اللى تخزن وما تنسى الشىء بسهولة

الموقفين راحو فبلاش تفتح سيرتهم تاني وخصوصاً الإيام دي
خليهم لحد ماتتوثق علاقتكم ببعض أكثر

الآن حاول تبعث لها رسالة حلوة وتكون عفوية تعبر فيها عن مشاعرك
باليومين إلي فاتو

مثلاً: أكتب لها

(ممكن أكون اليومين إلي فاتو ما أتصلتش بيكِ ويمكن فكراني مش مهتم بس قلبي معاك وشغلالي بالي
بس مستقبلك يهمني وماكنتش عاوز أشغلك عن أمتحناتك بس مش قادر أصبر بدون ما أسمع صوتك )

وأطلب منها تسمح لك تتصل بيها وكلمها

عشان تعدل الموقف إلي فات وتصلحه

الحمد لله بعثت برسالة شبيهة وما فى اى رد حتى الان

جومانة كفت ووفت ..
لا تنتظر منها اي مبادرة في الوقت الحالي ..
اعمل خير و ارميه البحر

اتصل عليها كلمها من وقت للثاني
يوم الاجازة اطلعوا سوا (اذا مسموح ) او حتى ظل في البيت
وخلي قعدتكم بعيدا عن اللوم و العتاب و ذكر مافات
امزح و اتكلم .. خلي جو الفرفشة هو السائد ..
اطلعو انت و هي و اخوانها مثلا رحلة لاي مكان .
حاول تكسبها شوي شوي .. وان شاء الله الله تطلع من خجلها بالتدريج
المهم لا تمل .. و اعطيها عذر لصغر سنها
والله يوفقكم و يسعدكم

__________________
سبحان الله... الحمدلله ... لا اله الا الله .. الله اكبر
سبحانك لا اله الا انت اني كنت من الظالمين
استودعكم الله

باذن الله .... ربى يحفظكم

انا حالياً معاها تمام بس حاسس ان هى مش تمام اكلمها ما ترد على الا بالقطارة يعنى اخر اتصال دار بينا ..... السلام عليكم .....عليكم السلام .....اخبارك يا فلانة عاملة اية ....الحمد لله (وانا لا اسمع شىء من صوتها ) كأنها لا تريد ان ترد اصلاً .....اخبار المذاكرة ....الحمد لله (نفس الاولانية ) ....انا عارف انك مشغولة بس حبيت اطمئن عليكى كنت هرن عليكى الصبح بس خلصت رصيد عموماً انا كنت عايز اسمع صوتك بس ..اتغديتى ولا لسة ....لا لسة ....اجى اتغدى معاكى ....اتفضل ...(والله كأنها تقول لى مش عايزيين )....تعالى انتى اتغدى معايا....( مش فاضية ) ..مش عايزة اى حاجة ..( شكراً) ... يلا سلام عليكم .............................


جد والله يا جماعة انا هيحصللى حاجة حاسس ان الموضوع مش مظبوط خصوصاً ان معاملتها لى فى اول الخطوبة كانت غير كدة يعنى كانت احسن شوية ....انا قلت اصبر لكن والله طريقة الكلام دى وغيرها لانى بحاول كل يوم انى اقرب لها لكن هى احس منها كأنها بتصدنى ....
كل ما تعاملنى بالطريقة دى افتكر الكلام اللى قلته لها قبل كدة واقعد أأنب نفسى
وهى كانت حكيت لى قبل ان اول ما اتقدمت انا ابوها قال لها قالت له انا مش بفكر فى الخطوبة والاشياء دى حالياً ومش عايزة اتخطب وبكيت ابوها قالها هو فية شىء مش عاجبك قالتللة لا بسانا مش بفكر فى الخطوبة ولا الكلام دة خالص حالياً ....حتى انا لما جيت قللتلها كنتى تتمنى فارس احلامك يكون شكلة ازاى قاللتلى انا مكنش فى دماغى اى شىء من دة اصلاً ....عموماً هى لما ذكرتللى الكلام دة انا اتقفلت وصوتى اتغير معها بالتليفون حتى هى قاللتلى انت بتبكى ....قللتلها ولا يهمك وانا ما كنت ببكى ولا شىء قالت انا كنت رافضة المبدأ ذات نفسة مش انت بعينك بس بابا قاللى اسمعى كلامى ومش هتخسرى ....قللتها يعنى انتى مخطوبة لية علشان والدك قالك الكلمة دى ولا علشان انتى مقتنعة بى شخصياً ...قال عشان الاتنين .....انا انصدمت بس عادى استحملت الامر لانها حكيتتلى الكلام دة بعد العقد .......انا كنت احس انها بعد الخطوبة مباشرة كانت معاملتها احسن معايا كانت بتاخد وتدى فى الكلام نوعاً ما هو بس موضوع النظر وحتى الان ما تنظر لى وجهاً لوجة ولا تنادينى باسمى ودا ضايقنى لكن انا الان لا محصل لا مية ولا نار وحتى الشىء اللى كان موجود ضاااااااع ترد على الان بجفاء فظيع مع انى اعتذرتلها عن المواضيع اللى فاتت كلها واهديتها هدايا كتير مثل بعد الزعلة مباشرة (بوكية ورد كتبت علية ...لاغلى وردة بحياتى .....وبعدين جبت طقم ساعتين فخم جداً وغالى حوالى 300 جم ...حتى انى اتلحيت عليها البسها الساعة رفضت تماماً ....جبتلها عبايتين من اغلى العبيان بحوالى 500 جم ............والله احترت اعمل اية .....بس فى شىء انا عملتة ومحتار فية انا اعطيتها موبايللى فى يوم من الايام كان موبايلها خرب وموبايللى كان c5-3 بس اعطيتها اياة بدون ما افكر لانى الحمد لله لا عندى ارقام نساء ولا رسائل من نساء ولا اى شىء منهذا القبيل وانا مطمئن من نفسى بس كان علية الرسائل اللى هى بعتتهالى وكنت مسجل اسمها ب ((حياتى )) يمكن الموضوع دة اثر معاها فى شىء انا مش عارف دلونى ...........السلام عليكم