ما اظن انه عايف، تصرفاته و كلامه مال واحد طفشان و يريد ان يصلح الوضع و لكن ما يعرف كيف!
حاولي تغيرين اسلوبك(لمدة طويلة مو يوم و يومين) لا تدققي بالامور لا تحاسبيه و لا تنقدينه بل شجعيه و اثني عليه بعد مدة تلقائيا هو راح يتغير معك ربي يصلحكم |
زوجك ياكنافه يحس بالنقص ... وقاعد يكملها بالمشاكل .. يبي يحس نفسه له كلمه ...
شي واحد رح يخليه يتغير بس انتي لازم تتغيري ... يعني اذا قال شي خليك سااااكته ساكته مع نظرة انكسار ... صحيح انه صعب عليك بس رح تتعودي ... اذا رجعتي البيت خليك هاديه ... اذا قالك شي قولي له براحتك ... جالسه انصحك وانصح نفسي برضو لأني رجعت لطبعي القديم .. ليتنا نقدر نمثل للنهايه ... |
بكل مشكله يقول مو انا اللي تمشيني مره
طيب هالمره اللي محتقرها مامشتك هذاك سحبت عليها ورحت تتمشى بالعيد ماقلت له شي وتركته على هواه ان دق رديت على قد السؤال وخلاص ايش يبي اكثر ماني فاهمه |
انتم يمكن حد عامل لكم سحر والعياذ بالله ..
كل بيت في مشاكل .. هذا شي طبيعي .. بس مب كل دقيقه .. والاغرب انكم الى الان مستمرين .. اتوقع انكم ماخذين الموضوع عناد .. هو كان يدري انك زعلانه من سفرته .. فلما رجع عمل روحه هو اللي زعلان عشان يتفادى النكد .. طبعا ما ادري شو مبرراته .. اتمنى انك ما تكوني نكديه لذلك يحاول يتهرب منك حتى ما يتصادم وياج بنقاش حاد بلا فائده .. استمراريتكم رغم كثرة المشاكل دليل على انكم تحبون بعض وما عندكم استعداد تخسرون بعض .. بس مشكلتكم ما تبون تحلون مشاكلكم .. بتقضونها زعل كم يوم ثم تردون تتمشكلون مره ثانيه والمشاكل تتراكم ولا تحل .. ضروري تطلعين انتي وياه لحالكم خارج البيت في جو هادي وتضعون النقاط على الحروف .. انا قبل اكتب خذيت لفه ع مواضيعج وشفت ان اغلبها فضفضه وما استفدتي من نصايح الاعضاء .. وتختمين الموضوع بــ قفلوا الموضوع خلاص .. !! ومطبقه ها الشي مع زوجك .. خلاص قفل الموضوع وخل نبدا مشكله جديده .. واعتقد انك المتضرر الاكبر لانه زوجك متى ما طفش راح يطلع مع اصدقائه وانتي بتمين تاكلين بنفسك وما درى ولا سال عنك .. بعدين هو يقول عنك كذابه وانتي تتحسبين عليه وتدعين عليه ومادري شو .. هالكلام ما راح يحل لكم مشكله .. ولا تعصبين من الاعضاء اللي يلقون اللوم عليج .. تراهم يبون مصلحتج .. وانتي حلقة الوصل الوحيده بينكم .. زوجك مب موجود معنا عشان نقدر نكلمه ونفهم منه .. نحن نسمع من طرف واحد .. اللي هو انتي .. ربي يصلح حالكم .. حطوا في بالكم ان الحياه حلوه وبنفس الوقت قصيره .. لا تضيعونها بالزعل .. الدنيا ما تسوى .. |
طيب هل يكون ردج علي كلماته القاسيه بدلع وغنج
وانج ماتتحملين الصوت العالي وكثرة المشاجرات وقلبج الصغير مايتحمل تقولينها بتغنج ودلع هل جربتي هالشيء ايضا زوجج مشتاق لج بس مو عارف وشلون يقول وواضح انه ماعنده ثقه بنفسه والدليل مو واثق من طيبتج وجالس يتهمج انج تمثلين الطيبه لانه هو مو واثق من نفسه علاجه تغنج وتدلعي عليه لاتبادلينه الصراخ والمشاجره << بتقولين ليش ماابادله نعم على اساس انج رقيقه وقلبج مايتحمل ايضا امدحيه حتى لو بالكذب اهم شيء ارفعي من معنوياته وشوفي اتوقع تجيب نتيجه ـ |
خير الامور اوسطها .. في الحياه الزوجيه ما ينفع نظام يا ابيض يا اسود ..
لازم تتناقشون في حل كل مشكله تواجهكم .. لا العصبيه الزايده ولا السكوت التام راح يحل لكم مشكله .. |
طيب كيف ابين له ان كلامه جرحني؟ ياليت تعطيني نصيحتك كرجل |
اختي اولا زوجك حساس و الشخص الحساس يحتاج تعامل بحدية قليلة
بيني ان كلامه يجرحك بالسكوت و اضهار الحزن و الانكسار بنبرة الصوت و نظرة العين هذه الطريقة هي من تكسر الرجل اما الكلام و المعاتبة ند لند سيزداد اكثر و ياخذهاوكعناد و تحدي |
مواقع النشر |
ضوابط المشاركة |
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|