لاتنسي انه الحمل يأثر كمان على نفسية الحامل و يخليها حساسة اكثر ..
و تضخم الامور اكثر .. و مرات تكره زوجها بدون سبب ..

ذكرتيني ياأختي بزوجي لما أكتشفت إنه يدخن كانت ردت فعلي مشابهه لردت فعلك
وكم أعطاني من الوعود و آللحين لي سنتين متزوجه وماتركه حاولت ولكن الهدايه بيد
ربي ليس بإيدينا ،،آسأل الله أن يصرف زوجي وزوجك عن هذي الأشياء المقرفه..

مفسدة التمباك اخف ضرر بكثير من مفسده الطلاق وبقولك حاجه الشمه او التمباك اخف واهون مليون مره من التدخين....

انا لما قلتي الشمه قلت لاحول ولاقوه الا بالله اكيد يشم هروين!!!! طلع التمباك والتمباك الي يتعاطونه اكثر من المدخنين خصوصا العماله الاجنبيه

نصيحه مني كرجل زوجك مافيه شي يعيبه والتمباك ليس بعذر شرعي يوجب الطلاق او التفرقه حتى لو ذكر هالشي قدام القاضي عليك بالدعاء وان شاءالله بيتركه مع الايام

خليه يعالج بمركز ادمان او بمستشفى خاص راح يساعدونه لين يتخلص من هالبلاء
ولا راح يحاسبونه نهائيا لانه مريض وهو جا بنفسه

علاج المشكله مررره سهل

لما تشمي منو ريحه اللي يستخدموا وحتى لو ما شميتي منو ريحه قوليلو ابعد ريحتك البلاء اللي تستخدموا
صدقيني حيأنبوا ضميره وحيستحي على نفسه ويفكر جادا لتركها

هدي من روعك
استهدي بالله
يا غاليه بداية العلاج اللجووؤ إلى الله وكثرة الدعااا والاستغفار والتسبيح والحمد
والابتعاد عن المعاصي كلنا ذو خطأ لكن خير الخطائين التوابين >بمعنى الحديث
ثم ابدئ بنصحه من حيث تبيين حكمها واللين في القول والحكمه والصبر ع ذلك
ثم اخبريه باضراره عليه وعلى أسرته
وبين له حبك واهتمامك به وحرصك ع هدايته
اصبري وتفائلي خيرا
لعل هدايته وصلاحه ع يديك

أسأل الله أن يبغضها إليه ويهديه ويقرعينك بصلاحه ويهدي جميع شباب المسلمين

انتي بوصفك و تعليقك على ما تعانين و مدى تقرفك من هذا الشي استطعتي توصيل ما تحسين به إلينا و جعلتينا ونحن بعيد نقرف من ما يتعاطاه إذن انتي قادرة على إيصال هذا الإحساس و الشعور لزوجك و جعله يكره و ينبذ هذا الشي كما استطعتي إيصال الإحساس لنا من خلف الشاشة قادرة و بقوة على ان تجعليه يقرف و يكره ما يتعاطى اذا أراد تقبيلك أو تقرب منك قولي بصوت عالي وعععععععععع و طيري ركض للحمام ( أكرمكم الله ) و قفليه عليكي و مثلي انه انتي تستفرغي ( أكرمكم الله ) طلعي صوت خليه يسمع ... شرط تلاقيه على الباب يفرفر ... افتحي ... طق طق افتحي ... و انتي زيدي و لا تفتحي ... و أعطيه كم ااااااه بصوت خليه ينفجع ... خلي الضمير يلعب فيه تأنيب ... و اطلعي ، و انتي مدروشه و عيونك يا دوب مفتحه نص و يدك على بطنك و الثانية على رأسك على جبهتك ... و امشي مشية و حده دايخه و اااااه ... اااااااه ... و روحي للسرير ، اجلسي مش تنامي ... على نفس وضع يدينك ... و عطيه كم اااااه طبعاً اذا جا بيقرب منك قولي شويه ابعد ابغى أشم هوا ... الريحة وصلتني بالله شويه بس ابعد أبغى نفس و شوي تلوي كأن فيه مغص و اذا حاول يقرب قولي لا بالله خليك شوي بس جيب لي مويه .. طبعاً يبي يروح ركض ، و اذا جاب لك المويه ... أشربي شويه كبيه كأنك استفرغتيه ... قولي نفس الطعم بالمويه .. اااااه ... قضيت علي و على الطفل ... اااااه يا ربي ... ايش البلا هذا اللي بفمك ... أول مرة تصير كذا لا يكون سرطان و الا بلوى منها ... ( طبقي الكلام هذا ... و ان شاء الله ان ربي يعصمه منه ) و اذا بطل لا تقولين له انك كنتي تمثلي أخاف يدعي علي ) لأنه بصراحه بالسيناريو هذا مش بس شعر راسه بيوقف الا حتى أذانه توقف ... و يبطله بمشيئة الله لو كان هروين ... بس ملاحظة لا تسوي كذا الا اذا كان وضعه الصحي تمام أخاف يغمى عليه و الا يجي له شي ...
و بلغينا مع اني أتوقع انه بيزهد بالدنيا خلاص بينفضخ قلبه من هالبلوى هذي الله يعصمه وكل مسلم و مسلمه من كل شر

اختي الله يعافيك تراك مكبره الموضوع مرررره ، ترا التنباك او الشمه يهون عند الدخان ..

بعدين موضوع مثل هذا ما يوصل انك تفكري بالطلاق مجرد تفكير ، ترا كذا الرجال يمل ويدور على اللي يبغاه ..

صدقيني واضح من ردود فعل زوجك انه ابن حلال وخلوق وطيب جدا ، وانا من وجهة نظري ان الرجال ما يعيبه الدخان او التنباك ابدا ، ولو انها عادة ذميمة ..

في يوم من الايام تقدموا كثير لاختي وكنا نرفض ناس كثير ، بسبب انه فلان يدخن ، فلان راعي سهرات مع شباب ، فلان كان يفحط ، وفي يوم من الايام جانا الرجل المثالي اللي ما يعرف دخان ولا غيره وملتزم دينيا ، ووظيفته ممتازه ومتعلم ، ووافقنا ووافقت اختي وتزوجوا ..
والله وبالله وتالله انه معيشها في جحيم ، انسان جلف في التعامل وجاف جدا ، لا يحسن التعامل مع الانثى ، متعجرف ، عقليته متحجره جدا رغم درجته العليمة ، تصل بينهم المشاكل في بعض الاحيان الى ضربها ضرب مبرح ..

اقتنعت بعدها ان الرجل لا تعيبه هذه الامور اذا كان يرفق بالقوارير ..


ووالله العظيم انني اتمنى لاختي او لبنتي رجل مدخن او يستعمل الشمه يقدرها ويصونها ويحترمها ولا اتمنى شخص ملتزم دينيا يهينها ويمسح بكرامتها الارض ..

كوني أكثر هدوء وعقلانية فهو يعتبر كالطفل بالنسبة لك

__________________
لا تسقني ماءَ الحياةَ بذلةٍ .. بل فاسقني بالعز كأسَ الحنظلِ
مـــاءُ الحيــاةِ بذلةٍ كجهنمٍ .. وجهنـــمٌ بالعـــز أطيــب منــزلِ

بسم الله الرحمن الرحيم

انتي ذكرتي الحل بنفسك

( فاقد حنان الام ) !!

والانثى لديها الحنان
ليس لديه ام او اب
يعني تملكينه لوحدك وتشكلينه على ماتحبين

تقربي الى الله وادعي له.. وباسلوب هادئ واصرار لطيف وتشجيع منك تقدري تاثري عليه وتحتاج شوي وقت منك
بنظري زوجك مناسب وحبيب معك عكس غيره من الازواج

اعجبني فيك كتمان الامر منك ولم يخرج لاهلك وعدم تشويه صورته امامهم
ومحافظتك على خصوصيه حياتكم ماشاء الله عليك

انا متزوج بكمل اربع سنوات واقولها وانا متاكد بإذن الله انك بتقدري تاثري عليه بالطريقه اللي ذكرتها بدايه كلامي وصدقيني بيتغير اذا مو الان
بيكون اذا شرف المولود وبيتغير كليا

اسال الله ان يزيل همك ويحقق امنيتك ويسهل امرك ويسخره لك امين

الاخ ولهان

حلوه السيناريو هههههههههه بصراحه اجبار بقوة