ببساطه اغدقيه حبا وحنانا ممزوجا بقليل من الاطراء والمديح..

__________________

1- زوجك يحب المساعدة والعطاء وهذه صفة حلوة زي ما قالوا الأخوات .
2- زوجك يحتاج للتقدير مثله مثل بقية البشر .

لكن : ليش يساعد النساء فقط ؟
1- لأن النساء يتقبلوا و يحتاجوا المساعدة أكثر من الرجال .
2- لأن النساء يعرفوا يعبروا عن الامتنان و الشكر و التقدير لمن يساعدهم .

ليش قدم المساعدة لخالتك و بنتها بدون علمك ؟ رغم أن المفروض تكوني طرف في المساعدة
لأنهم أقربائك ؟
لأنك راح تكوني حاجز يمنعه من مساعدتهم لأنك ما تحبي المساعدة مثله .
و الدليل كلامك :
الحل :
1- شاركي زوجك اهتماماته في مساعدة الناس - اكبري في عيونه
مثلاً : اسألي عن ناس محتاجين و دليه عليهم - وإذا كانوا حريم كوني إنتِ الوسيط بينه و بينهم .

و تذكري : ( صنائع المعروف تقي مصارع السوء )
و ( أنفق يا ابن آدم يُـنفق عليك )
و لازم ننتبه إننا ممكن في أي يوم نكون محتاجين أحد يساعدنا مثل خالتك الأرملة .

2- كثري من شكر زوجك و مدحه إذا جاب مقاضي البيت أو أخذك للسوق
و بعد العلاقة الخاصة و حسسيه إنه انسان له قيمته
وهذا دور مهم للزوجة لازم تقوم به بدون ما تتحجج بالبيت و الأطفال و الوقت .

لأن المرأة تحب الحنان و العناية و الاهتمام من زوجها و لايمكن تتخلى عن هذه الحاجات
مهما اعتذر الرجل بضيق الوقت و المشاغل الكثيرة .
و الرجل يحتاج للمدح و التعزيز و التشجيع و ما يقبل أي عذر - و بكل صراحة
إذا الزوجة ما لبت هذه الحاجة عند زوجها - مين حيلبيها ؟

__________________
أستودعكم الله الذي لا تضيع ودائعه .. و احفظوا عني :
إن لم تكن إنسان إرادة تلتزم بفعل ما تريد فكن إنسان شغف و أحب ما تريد الالتزام به و ستنجح بإذن الله .

انا ماادري ليه احس ان فية حلقة مفقودة في الموضوع مستحيل فيه احد كذا؟؟؟؟
طيب كم صار له على هذي الحال؟؟؟
انتي قلتي انه يتهمك انك تهتمين في ازواج اخواتك؟؟ من اي نوع اهتمامك فيهم؟؟؟ واذا كان فعلاً،،، فهذي ردة فعل طبيعية لاهتمامك بازواج اخواتك فهو راح يهتم بحريم من اقربائك ليه،،، كرد اعتبار لتصرفاتك معاه،،، بدليل انه يخلي كل شي واضح ومكشوف قدامك علشان تحسين زي ماهو يحس
لانه لوكانت افعاله من باب عمل المعروف فيه مليون طريقة يسوي فيها المعروف من غير حتى نسمة الهواء تدري وما يخلف وراه اي شي.
فيه بعض الحريم هم سبب بلا انفسهم والله العظيم
اما تكون سبب استغلال زوجها لها وسلبها حقوقها هي وابنائها بغبائها المستفحل
اوتكون سبب هروب زوجها لحضن امرأة اخرى
بعدين اذا وقع الفاس بالراس قامت تول ول
الرجال مايعجبهم الا المرأة اللي شخصيتها قوية وذكيه ترى الجمال والله ماله اهتمام عندهم بقد اهتمامهم بذكاء وشخصية المرأة
لان الذكيه تقدر تحقق كل شيء بذكائها في حين الغبية المغتره بجمالها ما عندها سلاح الا جمالها فقط ايش يسوي الجمال اذا صارت الامور تمشي من تحت رجولها ولا هي داريه عن الدنيا.
انتي اهتمي زين في زوجك وخلي عنك الناس واذا زوجك شافك من جد معد صار اهتمامك منصب الا علية. وابنائه ترك كل شي ورجع لك لانه مستحيل مستحيل مستحيل فيه رجال كذا يعني فية جمعيات خيريه فيها عوائل محتاجين احد يكفلهم وياكثر الحريم في ذي العوائل،،،
و ياكثرهم عوائل من ابواب بيتهم تبان حالتهم الماديه،،،
لكن ليه اختار خالتك لانها قريبتك ومليون في المئة انك راح تعرفين علشان يغيظك على تصرفاتك معاااه.

__________________
اللهم اني اعوذ بك من الهم والحزن والعجز والكسل والبخل والجبن وضلع الدين وغلبة الرجال،،،

ماعليهم حسوفه افضل رد بالنسبه لي،،،ابحثي في نفسك ،يمكن تغيضينه وتثيرين غيرته ويتعمد يردها لك بشكل اقسى عشان تحسين ،،،انا يوم بحثت بنفسي لقيت تعاملي معاه غلط مايحب المره اللي تلصق بزوجها وتبين غيرتها عليه ودايم تفتش وراه وكانه اكبر همها،،،واللبيب بالاشاره يفهم

جزاك الله خير كلامك جدا راااائع وريحني حبيبتي حسيتك قريبه من كلامك لقلبي واتمنى ماتبخلي علي بمشورتك

هوا بطبيعته يحب يجيب هدايا لاهله بس مابين فيهم صار يتقرب لاقاربي بالمساعده او الهدايا من دون علمي والمشكله اعرف احيان منهم انه جايبلهم هديه واحس اني بموقف محرج امامهم وادا قلتله ليه ماتقلي يقول لو قلتلك حتعملي مشاكل وتزعلي علي

اشكر كل من مر على صفحتي وغدقني بالنصايح وادعولي ربي يريحني لاني حاسه ان بينه وبين بنت خالتي علاقه مدري شك او حقيقه يارب يكون مجرد شكوك ؟؟

طيب اش تنصحوني اعمل عشان اعرف ادا باقي في بينهم علاقه لاتقوليلي اكلمه واصارحه لاني مليون مره صارحته وانكر ان باقي في شي من العلاقه بينهم بس برضوا مو مصدقته لانه احيان بيكدب علي ارشدوني بهالنقطه كيف اعرف علما اني اخر مره قابلت بنت خالتي ماتتكلم معي وكني ضربتها او سويت لها شي وحتى لقيتها بدون سبب مسويتلي حظر بتويتر مع اني ماقد كلمتها فيه ابدا بس لاني لقيتها ضايفه زوجي عندها وانا مسويتلي الاخت حظر وترا خالتي كانت تتصل ع زوج اختي وتكلمه من ورا اختي وتقله لاتعلم زوجتك عشان كدا خايفه ع زوجي منها ومن بنتها وغير كدا هما م مساكين الواحد يساعدهم لان زوجها الله يرحمه مليونييييير تركلهم ملايين ماشالله

المشكله عدا وقت ع الموضوع هدا ماعاد ينفع اقله ولا كانت فكرتك ممتازه اسوي كدا لانه يخاف ع سمعته وقت الجد

مرحباً أُختي الكريمة ..
أنتِ عندما تفتحين سيرة خالتكِ وابنة خالتكِ أمام زوجكِ تجعليه يفكر أكثر وأكثر لهذا الأمر وتفتحي عليه أبواب للتفكير ..
المفروض لاتأتي بسيرتهنّ نهائياً ،
فقط التفتِ لنفسكِ ولزوجكِ وابتعدي عن المصارحة في هذه الأمور ..اسئليه عن عمله وماذا فعل بيومه أم هذا الأمر لا انتبهي ..
وإذا فعلت الحظر هي حرة لاعليكِ ..
هداها الله خالتكِ لاأعلم لما تفعل هذا الأمر ، غريب أمرها !
وجبر الله قلبكِ بكل ماتُحبين ..

زوجك عنده فراغ ما اعرف ممكن عاطفي او شي ثاني

اعرفي اللي ناقصه وحاولي تعوضيه

اذا كان وقت فراغه كبير شجعيه يشتغل مسائي او يفتح له بزنس

يمكن كان في طفولته مهمش فمحتاج يحس انه شخص مهم

حسسيه باهميته بحياتك وانك ما تقدرين تستغنين عنه في تخليص امورك وتضيعين بدونه

اطلبي منه يساعد امك او اخوانك في شغلات معينه مهما كانت بسيطة واشكريه على فزعته