بدأ بالامس يوما عاديا قد يكون جميلا نوعا ما
بالرغم اني لم اجلس مع زوجي الا ليلا
تخللته بعض الزيارات واثاء تلك الزيارات اخبرت زوجي ان علي 700 ريال سلفا
قال ...(( تسوينها ))
قلت له لا بس اضحك
لما جاء الليل وبلغت الساعه الواحده قال لي زوجي انه يريد شاي
وان راسه مصدع ... (( بتكلم عامي ارحم من مكسر )))
قلت مشكله لما صرت بكلمه فالموضوع صار راسه مصدع
سوينا الشاي وشربنا ..
قلت له بقولك شيئ بس تحملني وماابغاك تزعل
قال وشو قلت له انا شريت جوال ان 73
بدون مبالغه راح اقول لكم شلون صار زوجي
هو كان متكأ جلس وعدل الجلسه وفتح عيناه
وكأنهما ستخرجان من قعر دارهما وقال بصوت مرتفع .....(((( وشو يعني كاميرا وبلوتوث عشان كذا تقولين انك متسلفه 700 ))))
قلت أي
(( بصراحه ان قلتها كذا ماتوقعت يصدق بس لما شفته صدق كملت عشان احسه مدخل لموضوعي ))
قال ترجعيته من مكان ماشريتيه قلت ليه حلال عليك يصير عندك وحاطه في السياره وحرام علي ...
هنا هدأ قليلا وقال الي بالسياره مو لي
وانه حق واحد وبعدين هذا موترلا فيه كاميرا مافيه بلوتوث
واذا شفتيه تراه موجديد عشان يصير حقي قلت
مو مشكله شريته من واحد موشرط جديد قال لا .. حق واحد وبرجعه له وبعدين انتي مالك دخل قلت
طيب مالي دخل بس انا عندي جوال ببيت اهلي قال لا تجيبينه الشقه ابد
قلت ومايصير خاطرك الا طيب ماراح اجيبه ...
قلت بيني وبين نفسي بنسى الموضوع وبالعكس انا مصدقته انه حق صديقه لانه قبل فتره طويله شفت جوال كاميرا وبلوتوث عنده بالسياره وسويت عليها مشكله وطلع حق واحد من ربعه وبغى يبيعه لأخوه وفعلا شراه اخوه ...
المهم قلت خلاص ماراح افتح الموضوع وانا مصدقته
شفنا شوي التلفزيون وحسيت خلاص راح يعدي الموضوع
راح يحلق هو وانا دخلت بنام ....
لما خلص قالي نمتي قلت لا .... قال انتي يعني شريتي جوال
كاميرا وبلوتوث عشان شفتي عندي جوال
سكت شوي وقلت واذا صار عشان كذا
اذا حقك قل مو مشكله قال مو حقي ولا افكر احط لي جوال
فيه بلوتوث ولا حتى كاميرا مو حريص عليه ولو ابغيه حطيته وتشوفينه عندي عادي
لكن فعلا هو حق واحد وبياخذه بس انتي مستحيل يكون عندك جوال انا ما اقتنع
ومن هالكلام طويل طويل اني مستحيل اغير جوالي ...
نمنا ودقيت عليه اليوم الظهر سألته عن الغداء طبعا قال مايبغى حسيت انه مغتاض مني ومصدق اني شاريه جوال
وحاطته بيت اهلي رسلت له رساله قلت له ..
انا لا شريت جوال ولا هم يحزنون بس قلت لك كذا عشان اعرف وجهة نظرك وعشان افتح موضوع الجوال الي شفته بالسياره ...
جاء من العمل عادي سلم وقال بيروح ينام ولا اعلم
هل مازال غير مصدق لا ادري انا فعلا صرفت نظر عن الموضوع وفتحت الموضوع عليه فنقلب الموضوع علي ...
__________________
الحمد لله على نعمه وفضله وكرمه ..