تصدقي

بابا رايح جاي يقول لي والله ولدك حيطلع قائد وحكيم وعنده فراسة،
وحتفتكري كلامي

مدري يختي ايش تشوفوا ! بس ياااارب الله كريم

اشراقة... أتوقع طفلك هذا اﻷوسط بين اخوته
الطفل اﻷوسط غالبا يشعر بالغيرة من الطفل اﻷكبر ومن الطفل اﻷصغر... غيرته تطلع على شكل عصبية.... عندي طفلة عمرها 4 سنوات نكدية وعنيدة بشكل لا يطاق... ما عندها مشكلة تبكي طول اليوم.... عرضت حالتها على اخصائي نفسي قالي بنتك لا تشعر باﻷمان.... لذلك جربي احضني طفلك وامدحيه دائما... حصنيه بما لا يقل عن خمس مرات... لا تركزي على عصبيته.... ويارب تفرحي فيه قائد حكيم

صحيح صدقتي ..

هو الأوسط وانا والله احس بعض الأحيان انه مظلوم مسكين

دايما بنتي اخذها معاي الحفلات والجمعات

وهو ابوه دايما مافي، فما له احد يطلع معاه ويشوف الناس

حتى الاسبوع الماضي قال لي انت ما تاخذيني مكان

قلت له تعال طيب معانا قال ما ابغى كلهم حربم وبنات وانا اكره البتات !!

كثري حضن واعطيه مسؤليات أكثر وكلميه دائما كرجل وكصديق... ترى عصبيته هذا احتجاج على احساسه بالتهميش.... حاولي تبني علاقة صداقه بينه وبين اخته ... حتى لو عصب لا تقارنيه بأحد ولا تهزئيه ... جربي تعالجي وضعه بالحب والتغافل وان شاء الله بتحصلي نتايج حلوة💖

ان شالله حبيبتي شكرا جزيلا لك..

الأسبوع هذا اعتبره انجاز ونقلة ممتازة ولله الحمد..

طولت بالي لابعد درجة وحاولت جد احتويه

قبل كم يوم شاف اخته تبي تصلي معايا المغرب، الا جا قال انا ابغى اكون الإمام.. لاول مرة في حياته

وخليته يكون الامام وصلى بنا وكان طاااير من الفرحة وحاسس بالفخر

الله يقدرني اكمل جميلي معاه

شكرا حبيبتي

لاتضربيه ،، حاااولي .. انا بنفس موقعك مع ان بنتي الاولى وعمرها تقريبا بيكون 3 سنوات لكن مجننتني بعنادها وفجأة صارت بهالعصبية ماتضرب ولاتسوي شي بل تصبح مثل اللي عاطينه حبة كودلجين ! تذكرت انها شافت ابن اختي بهالحال كذا مرة وبنتي تقلد درجة اولى !! .. ابن يقلد والده وايضا كطريقة رافضة لمبدأ الضرب .. تصدقي ضربتها ة الشي الوحيد اللي حصل هو خوفها فقط لا ردعها وايضا والدها عصبي ،،، بالنهاية جلسنة جلسة مناقشة وقلت له ما كبق عليك بصغرك لازم مايتطبق على اولادنه وذكرته باحساسه في صغره لما ينظلم وينضرب وفعلا جابت نتبجة فكنت لما اعصب عليها هو يكون هادئ ويهدئني والعكس بيننا .... اذا غضبت ،، احضنها وابوسها او ادغدغها وينتهي الموضوع بوقته واذا عملت شي خاطئ تجلس بغرفتها او بكرسي العقاب طبعا هالشي نصحتني فيه اختي مهرة ربي ينولها مرادها ويمسح على قلبها ياااارب ..

انا تعلمت البرود والتطنيش وابوها ايضا ،، بعض الاحيان يجي متعب ويعصب لكن احل الموضوع باني ابعدها دقايق عنه او اجيب لهم كرة وهاتي يا لعب ،،

موضوع عصبيته على الاخرين ، مجرد ماتشوفيه عصب مبااشرة اخذية لغرفة ثانية وقولي له لما تهدأ تطلع ... بيتعلم الهدوء وان بوقت عصبيته يعزل نفسه لحتى بهدأ ببساطة ...

الطفل العنييد = قائد مميز ومبدع
شجعيه احتوية واعطيه مهام مع توضيح ثقتك فيه وبقدراته ..

عاااد بعطيك نصيحة من امهاتنا وشوفي صح ولا لا ..
الولد بالمدح والبنت باللدح 😉

احس يا ام مريمي البنت تقدري تسيطري عليها مهما كانت عنيدة..

الولد ردود فعله عدوانية وصعب السيطرة لما يعصب

انا اخذه غرفة ثانية واصك الباب اعاقبه بس اكون اصرخ ومنفعلة..

شكرا عزيزتي على مساعدتك وردك المفيد

هذا الأسلوب اللي يجيب راسه من جد ..

بس الوحدة بعض الأحيان مالها خلق وتقدر تحتوي كل شوية..

بس ايش اللدح هههههههه أبدا ما قدرت حتى اخمن معناها