-انا اخذت اثر وحده تقربلي شفتها بالحلم اكثر من مره هي وزوها انها غيرانه او شايله علي وهذا انا متأكده منه لانه زمان صار موقف اكدلي هالشي(زوجها كان يبغى يخطبني وكثير كانوا عارفين وانا شخصيا كنت مرتاحه له بس صارت ظروف وإتزوجها وع ماسمعت انه كان لسا ناوي يتقدم بس ماصار نصيب وهي اظن عارفه هالشي) كان باقي شوي من الشاهي بالكاسه اخذت كاستها وكاسه وحده تقربلها لأني لخبطت بكاسها وزودت عليه مويه وسميت وشربته ورشيت شوي ع جسمي منه (ما ادري كذا صح ولا لا بس ماقدرت اتوظأ منه )وبعدها ماعاد شفتها بالحلام
-لا انا ما اقصد ان الأثر يقي من العين بس اقصد اخذه مره مثلا وان شاء الله اتشافى وبعدين ممكن تتجدد العين بحكم انهم اقرباء جدا ....احيانا اشك بأخواني خاصه بعد كلام واحد منهم والظاهر انه غلط لما قالها وحاول يعدلها بس طلعت يقولي انا اغار من زوجك لما اشوفك معاه وكلام كثير يعني اخوي المفروض يقول الله يوفقك واتأكدت من هالشي انه مره زارني وكان زوجي عندي وبعد كم يوم حلمت ببسه لونها اسود وامشي وراها اخر شي طلعت انها اخوي هذا فقلت يمكن هو نفسه الجني يجي ع هيئة ناس احبهم علشان يشككني فيهم لاني سمعت بهالشي
-اما الشخص اللي خطبني صعبه شوي صح يقربلنا بس ما اقدر اقول لأحد يجيب اثره بس بحاول اذا صارت مناسبه عند اهلي اكيد هو يجي ..بس لو اخذت الاثر كيف الطريقه لاني اتوقع الموضوع بيطول شوي
-احس نومي صار ثقيل شوي اليوم شغلت شريط الرقيه ونمت وهي شغاله وقمت وكتفي وظهري وجسمي كله احسه مكسروماقمت الا بالضغط ع نفسي
-بسألك صوت الطقطقه له علاقه بشي..بغرفة النوع كنت دايما اسمعها بس كنت اقول يمكن الدولاب والتسريحه من كثر مانقلنا اتفكك وصار يطق كثير بس كمان بالسقف ومن صرت اشغل الرقيه الصوت تقريبا خف كثير ونادرا ما اسمعه حتى بغرفة بنتي التلفزيون كثير اسمع عنده طقطقه والطاوله اللي عليها بس امس حطيت المسجل عليه وشغلت الشريط والحمد لله ماسمعت شي
-مفتايح الكهرباء والادوات الكهربائيه لها علاقه بشي؟لأن بيت اهلي كثير فيه نمل بنفس مفتاح النور او المكيف وكل مايسونه يخرب
تحصين البيت ان شاء الله استعجل فيه بس انا انتظر زوجي يوديني للعطار ومو عارفه كل شوي يقولي مشغول

اخي الجانب الآخر..هل ترى بالفعل اني اعاني من مشكله ام انها مجرد احداث صارت مصادفه لا اقول جميعها ولكن بعضها لان الاشياء القديمه ربما صح كانت عين بس راحت
ما ادري بعد ردي الاخير حسيت اني بجد صرت موسوسه ويمكن صح فيني طيره او ممكن احساسي بحسد ناس معينه كان صح مو عارفه بس انا اشوف حياتي عاديه صح بينا مشاكل انا وزوجي بس عادي بكل البيوت فيها مشاكل والحمدلله تنحل,,صح اشوف احلام مزعجه وتجيب المرض بس الحمد لله وقتيه يعني وقت معين يوم يومين وارجع لطبيعتي الا اذا كانت فيها موت او ضرر لشخص عزيز اتضايق وافكر فيها انا مو عارفه احس ملخبطه فكرت اقفل الموضوع بس حسيت ان هذا راح يعتبر ضعف مني وانا ما اتعودت اتهرب من شي اتعودت اكون قد المسؤوليه وقد اللي يصيرلي بس احساس مؤلم احس فيه صرت اشك بناس كثير وادقق كثير ناس غاليين ما اتوقع منهم اذى صرت لما ينكب برادي الشاهي ع البوتاجاز اشك بشي مثل ماصارلي امس اول ما انكب ع طول جاء في بالي انه ممكن الجني حتى الاسطوانه حصلتها مقفله بعد ماشغلتها بدقايق شكيت مو عارفه احس هالموضوع مره وترني انا بعرف جد صح انا فيني شي ولا بس تخيلات؟؟

اخي الجانب الآخر اتمنى ان تكون بصحة وعافيه

السلام عليكم ورحمة الله وبركاته
اخي الجانب الآخراقدر وقفتك معي وارجو ان تعذرني على كتابتي في الاعلى فقد كنت محبطه جدا ومضغوطه بعض الشي فأرجو ان تعذرني
-من مستجداتي..احضرت المطلوب بالرابط وفي ليلتها وقبل استعاملها راى زوجي منام وفيه اندونسيه وقال عديتيني حلمت اليوم بأندونسيه
في اليوم الثاني بخرت البيت ورشيت بالزوايا مويه انا قريت عليها(الفاتحه سبع مرات+المعوذتين +الاخلاص مع النفث+اخر ايتين من سورة البقره+آية الكرسي)وشغلت الرقيه وقبلها فتحت النوافذ بس بصراحه البيت ماكان مرتب كثير لاني كل ما اجس ارتبه اتعب كثير فكتفيت ببعض الترتيب الظاهر
-بنفس اليوم بنتي طفشتني فوق ثلاث مرات تصحى وتصرخ المره الاولى قولتها انتِ ماقلتي بسم الله وقالت ورجعت نامت ونفس الشي تصحى خايفه وتقول شفت الوحش وبالمره الاخيره كنت عندها لان اخوها كمان طفشني مانام ينام شوي ويصحى وشفتها وهي تتلفت يمين وشمال وخايفه بقووه وكانت بتبكي بس شافتني هديت شوي وقالت الوحوش شفتهم وانا قلت بسم الله قلتلها ماعليش وقريت عليها نامت (انا كنت محصنتها من اول مانامت )..واليوم الثاني كمان حلمت بس مره وحده صحيت وانا بعدها ما استمريت لانا كنا نطلع برى البيت ومانجي الا متأخر فما يمديني اسوي شي بس هلاسبوع ان شاء الله قلت بأستمربس شايله هم زوجي يتكلم ع الريحه لانه لما شمها او مره قال وش هالريحه بالرغم اني بخرت البيت ببخور ثاني انا قريت عليه بس برضه الريحه ماراحت واخاف يعرف اني ابخر كذا يقولي انتِ عندك معتقدات خطأ لانه ما يؤمن كثيربالعين...حتى لماقلتله ودي بنتنا للشيخ قال اول ماكنت افكر بس لما شفت حالتها بالاحلام شكل جد يبغالها شيخ
-احلامي مازالت مستمره بس يمكن خفت شوي عن حدتها اقصد الجني نفسه ماعاد اشوفه كثيرآخر مره اتذكر شفته اني كنت جالسه مع اخواتي واقولهم عليه وهم مايشوفونه اقولهم شوفوها يقولون ماشفنا شي وكأنه كان تحت الغاز واقولهم كيف هذي الاغراض اتخربت من اللي حركها وقلتله طيب والله احرقك واتحداني وقلت بسم الله مرتين او ثلاث اظن بس بدون تعب وبدون ضغط كالعاده وع طول راح يعني ماحسيت ان نفسي راح او بصعوبه طلعت بسم الله بس ابوي الله يرحمه اشوفه كثير مره شفته لابس ابيض بأبيض واني اصحيه للعصر ومره اضمه وابكي واصحى وانا ابكي ومتضايقه واحلم بناس كثيرمالي احتكاك فيهم اشوفهم بس بالمناسبات ومنهم ناس ميتين والجني نفسه ما اتذكر وش احلم فيه بالضبط انام شوي واصحى ما ادري وش يصحيني واحس اني حلمت فيه بس ما اتذكر ابدا اني شفته غير المره الاخيره اللي شفته وكلمته...كمان حلمت بحلمين جدا يخوفون ونفس الحلم اتكرر بس بتفاصيل غير بس كلها تقول ان هالشخص مره مات ومره كان بالعنايه المركزه وصحيت وانا انتظر وش مصيره وشفت ام قريبة زوجي مرتين مره بهالحلم ومره بحلم ثاني وكمان شفت بنتها
-داومت ع سورة البقره ثلاث ايام احاول اخلصها باليوم بدون ما اجزأها بس اول ما اقرأها احس شايله بقوه ع زوجي واحس انه لسا يكلم قريبته وباليوم الثالث انفجرت فيه ورميت كم كلمه اخرتها قلتله شكلك لسا تكلمها وقلت كلام كثير وكبير ماله داعي اصلا مافيه مشكله اساسا وزعلنا كم يوم ..يعني من الثلاثاء تقريبا ماقريتها بس ان شاء الله اليوم بضغط ع نفسي واقراها
-مستمره بتشغيل شريط الرقيه الشرعيه بس احس بحزن شديد خاصه لما اجي انام واشغله لاني اكون استمع بتركيز بعكس لما اشغلها واشتغل بالبيت احزن بس بالبدايه(ما ادري هل لازم اركز وانا استمع ولا لا لأني دائما انشغل مهما حاولت اركزواحيانا اشغله بغرفه وانا بغرفه )
-احس ألم كبييير بأكتافي والم بظهري وببطني بس يخف احيانا واحيانا يزيد خاصه بطني اول جلست يوم كامل الام مره يروح ومره يجي وبعدين الحمدلله راح وعيني زاد الثقل ورحت للدكتور واعطاني قطره ومرهم
-مستمره ع الاذكار وتحصين اطفالي ونفسي بس احيانا احس تعب ونفسي صعب شوي واحيانا احس اتثاوب وعيوني تدمع وبنتي نفس الشي احسها تنعس لما احصنهاوامس قالت عيوني ليه ينزل منها دموع
-ان شاء الله هالاسبوع بحاول اضغط ع نفسي واستمر اكثر ع الرقيه والتبخيررغم اني احس بكسل وخمول مو طبيعي

اعتذر للإطاله وإعتذر مره اخرى لما بدر مني في المره السابقه واتمنى ان تكون بصحه وعافيه

شكراً لك اخي الفاضل
-اليوم الصباح بعد ما نزلت المستجدات تقريبا ع 9 شغلت الرقيه ونمت وانا اسمعلها قلت شوي من الاذكار وما اظن كملتها لاني نمت وبعد شوي تقريبا صحاني ولدي وكنت احلم حلم ما اتذكر شي من التفاصيل بس اتذكر لما صحيت اني في بالي كان شي يتكلم عن السحروجلست شوي مع الولد ورجعت شغلت الرقيه ونمت وبعدها صحيت ونفس الشي كأني حلمت بشي فيه كلمة سحر بس احاول اتذكر تفاصيل مو قادره
-قبل شوي حصلت عنكبوت كبير وسريعه بحركتها شكلها يخوف وما كنت ابغى اسويلها شي بس اطفالي خافوا منها وهي تمشي بسرعه كبيره فبخيت عليها بخاخ وطفشتني ما ماتت بسرعه حتى لما بخيت عليها تمشي بس بسرعه اقل واصلا انا مستغربه من وين جات لاني امس المغرب ضغطت كثير ع نفسي ومسحت البيت ونظفته وماشفت شي (زماان كان فيه كثير منها بعضهاصغار وبعضها كبار بس كنت دايما ابخر باللبان علشان حتى الوزغات وانت بكرامه كانت تطفشني كثيرفزمان ماشفتها بس الوزغات من فتره لفتره اخرها الاسبوع الماضي ) وكمان بخرت وبالليل بنتي كانت تتحلم مره صحيت وهي تضحك وكانت توها نايمه تقول رجال يسويلها حركات تضحك والثانيه نادتني وكنت قريبه منها وجلست تتكلم وهي نايمه ومعصبه واقولها وش فيك تقول نعسانه قلتلها نامي والثالثه شفتهاتتحرك ومره شكلها مزعوجه بالنوم بس ما صحيت وقبل هذا كله نامت ع 11 تقريبا وصحيت 12 ونص وجلست إلى 2 ونص نومها مره صعب تنام ساعات ومو منظم ابدا بالرغم اني اضغط عليها بس مافيه فايده (انا نفس الشي نومي خفيف واحيانا اجلس ساعات كثيره مواصله بس بهالفتره تجيني ايام نومي مره ثقيل)ماكتبت المستجدات بالرد الاخير ع اساس ادخل الظهر اكمل بس ماقدرت ادخل .
-بوقف تبخيرهالاسبوع علشان بنتي صار فيها عنقز (الجدري المائي)والروائح تأثر عليها بس بستمر ان شاء الله بالرقيه انا كنت شاكه انه هو ففضلت انتظر واتأكد انه عنقز فطلع صح هو
-فيه شي في بالي اتذكرته ما ادري له دلاله شي ولا لا ..انا كنت مداومه ع الرقيه وسورة البقره اشغلها كثير بالبيت من شهر 12 العام فتره وبعدين صرت نادرا ما اشغلها بس بشهر سته اظن او سبعه مو متأكده صارت مشكله بيني وبين زوجي كبيره فأستمريت ع الرقيه اشغلها كثير وكنت مداومه ع سورة البقره احيانا يوميا واحيانا أجزأها ع 3 ايام ومداومه ع الاستغفارواحيانا كثير اقوم اصلي اخر الليل ركعتين فقبل رمضان بفتره حسيت بحراره كبيره برجلي اليسار كأني داعسه ع شي حارحسيته بباطن رجلي بالرغم اني كنت لابسه صندل البيت وانت بكرامه لدرجه اني جلست اطالع تحت قلت يمكن داعسه ع شي حار بس ماشفت شي واستمر هالشي ثلاث مرات حسيت فيها
اعذرني كلامي كثير والله ما اعرف اختصر..اسأل الله لك التوفيق والسعاده بالدارين
-

السلام عليكم ورحمة الله وبركاته
-مازلت مستمره ع الاستماع لشريط الرقيه والأذكار والمويه اللي نشرب منها قريت عليها
-يوم الاثنين كنا نضحك ونمزح بعض فجأه إنقلب الوضع إلى تصرفات وكلام ماله داعي بالبدايه من جهة زوجي واتحملت واتحملت وصرت اتكلم كلمات بسيطه فكلمه مني وكلمه منه واحتد الموضوع....وإتطور إلى الضرب ...انا مازلت في بيتي بس ما اكلمه وقايمه بالطبخ والترتيب والغسيل بس شايله بقوه عليه
-الحلم اللي شفت فيه أم قريبته تقريباً صار بهاللحظات وبس مو بالتفصيل بس كأنه كان الموقف تفسيرللحلم لأن سيرتهم هي الشراره
-الصباح ع 11 تقريبا صحيت من النوم ع صوت كأن احد يطق بأصابعه ع الطاوله اكثر من طقه ففتحت الغطا احسبه هو جاي يصحينا بس ماشفت شي
مو عارفه وش اللي صار وليه كل المشكله صارت واش اللي خلالها تتطور كذا لأول مره يمد يده,,,,,حسبي الله ونعم الوكيل