اما لمني بشوق حلوه منك ذي خلها تشبك معنا بالمنتدى وتعلمها

السلام عليكم

حبيبي انت شكلك منوي على الطلاق من اولها .
اذا كان هذا الحال لا تعذرب في بنت الناس الله يصلحكم ويسعد كل في دربه .
من كلامك ان المسأله مو مسألة ريحه ونظافه انت مقتث منها !!
والواحد اذا مقتث من احد والله لو تغط روحها وبحمام سباحه من العطور ما تترقع معاك.

طيب الحين خلنا نقول انت على قولتك ودك تساعدها !! انت ريال يعني الامر من صوبك سهل امسكها وقولها ابيج تستعملين كذا وكذا وابيج تتنظفين وابيج تشيلين الزايد وحتى قصة شعرج مو حلوه غيريها وما اعتقد ان المرة بتقولك لا وخاصه انك قلت انها بنت ناس وما عليها.

اذا ما مشى الموضوع حبيبي رح انت لوالدتها بنفسك وقولها المشكله خل امها تعدلها وتشوف صالح بنتها .

في النهايه اذا ما الله كتب اخوي سو اللي تبي بسكات ولا تشهر في البنت وتمشى وتقول للعالم طلقتها لسبب ولا بدون لان هذي اسرار وخصوصيه.

اقول الله يهديكم ويصلح حالكم واحنا في رمضان كثر من الدعاء وانا اخوك اذا انت تبي الستر عليكم والموده من الرحمن

هذا انت تشتكي من زوجتك وتقول نفسك تطلقها


اجل اللي عندها زوج بنفس مواصفات زوجتك ايش تقول ابغى اتطلق راح يقولوا لها مو عذر
والرجال عادي ممكن يتزوج عشر مرات الناس ماراح تتكلم عليه


كل شيء في الدنيا يتغير بإرادة ربنا




انت انوي التغيير
وديها كوفيرات تعمل حمامات مغربية
اشتري لها كريمات وروائح اللي انت تشتهيها
وديها طبيب اسنان
وبالنسبة لرائحة الفم امكن من كثر شرب العصيرات الباردة تعمل التهابات في الحلق مما يسبب الروائح الكريهة
لعلاج التهابات الحلق اعمل عصير ليمونة مع ثلاث ملاعق عسل في فنجان قهوة ويشرب من غير ماء

ينصح بالغرغرة بماء دافي وملح والمضمضة مفيدة للثة ولالتهابات الفم .
والاخوة والاخوات ماقصروا .

كمان قرات في منتدى انه المسك المطحون بعد الدورة مفيد ومنظف غير انه يجعل المنطقة رائحتها نظيفة ويقي من الالتهابات .

__________________
[move=up]

	لاتنسوا أختكم أجمل إحساس من الدعاء لها في جميع الأوقات

[/move]

السلام عليكم أنا لاعلم لماذا بعض الناس يعتقد ان الزواج امره سهل وانا كالنزهه في حديقه متى ماأردنا الخروج منها خرجنا !!!!! أخي يما ناس وناس متزوجين عندهم مشاكل تهد الجبال بس صابرين لانهم يعرفون ان الزواج شي موسهل وان الطلاق ايضا مو سهل عيب عليك متقوي لانك انته الرجل يعني ياخي احمد ربك انها بهذه الموصفات ومن تحصى عيوبه فهو بلا عيوب اذا كان همك الكوع والركبه اشتريلها مبيض ولا اي وصفه من الوصفات اللي ماليه المنتديات يمكن تنفع معها اما الروائح الله يخلي المطهرات ومعجون الاسنان وحلاوة الفكس وتذكر ان فيه ناس اتفجئوا بزوجات خائنات يخنونهم بفرشهم واخيرا اقولك حط نفسك مكان هالبنيه واتخيل بعد العيد بتتطلق أسفه على الاطاله....

السلام عليكم..

لا حرام الطلاق بعدين شنو بسير في شعورها مسجينه.. في حلول وايد يخلي مرتك احلا من القمر.. تروح بس صالون ويوم واحد يطلعونها قمر تروح حمام مغربي اللون الاسود بروح.. وتقدر حتى تتعالج بالليز مكان الاسود.. وثاني شي في كريم بطعم الفراوله حق المكان الخاصه اشتر حقها من بدي شوب حتى طعمه حلاوه.. اسمع المتزوجات يمدحون فيه وانا جربته يعني مضمون ما بتلاقي لا ريحه ولاشي..

مع السلامة

انت ما تحب زوجتك وهذا واضح من كلامك واللي ما يحب يحس ان اللي قدامه كله عيوب ولا يشوف الا مساؤه فقط

انا من رايي من اجل سعادة زوجتك وسعادتك وراحتك وراحتها انك تطلقها قبل ما تجيب منك طفل واعذرني هذي اول مره انصح احد بالطلاق بس بصراحه رحمت زوجتك قاعده اتخيل لو زوجتك تعرف رايك فيها وانك سبيتها عند ابوك واحرجت هالمسكينه ماراح اقول اشتر لها عطور وغيره لان مو هذا السبب الرئيسي لطلاقك ولا كان اكيد رحت وشريت موضوع النظافه مو صعب حله لكن انت قلت ثقيلة دم بالنسبه لك

انا منرايي توقف سب ببنت الحلال ولا تتكلم عليها باي كلمه لا قدامها ولا من وراها واتقي الله فيها سامحني على صراحتي ولن هذي هي الحقيقه انت ما تحبها فمن الافضل لها ان تعيش مع انسان يحبها لشخصها ومن حقك ان تعيش مع امرأه تحبها فاذا كنت تريد ان يوفقك الله في حياتك الزوجيه المقبله فلا تذكر زوجتك باي سوء امام احد لا تنتقدها فقط ادع لها بالتوفيق

قل لن يصيبنا الا ما كتب الله لنا

والله يوفقك ويوفقها

ياعزيزي لاتستعجل
انت صارحها وقلها كل شي
وراح تهتم بنفسها ان شاء الله

__________________

كلام رائع من اختنا الفاضله حائزة الامل


وانا اقول لك اتق الله اتق الله اتق الله

وتذكر حديث الرسول صلى الله عليه وسلم

( لايفرك مؤمن مؤمنه ان كره منها خلقا رضي بالخلق الآخر )


لاتطلقها وهي راغبة فيك حرام عليك يااخي


صدقني راح تندم


لان اسباب طلاقك ليست شرعيه


عاشرها بالمعروووف وربك يعطيك الخير