موضوع رائع صراحة والله يخليلك ام جوري
أنا موقفي يمكن مو مضحك بس هو أقرب لكيد النساء ههههه المهم بعد ماصار عند زوجي اي فون صرت انا داااائما متوترة وأغار من هذا الايفون غيرة غريبة لأنه أغلب وقته عليه وبرامج الايفون كثييييييرة يعني لو زوجي يجلس عليه اليوم كله مايكفيه وهوا في البيت يفتح الايفون عشان النت لكن برا البيت يكون جوال عادي لأنه مافيه نت واللي يقهرني أكثر إنه ياخذ الايفون معاه للحمام (أعزكم الله ) فصرت أنا أول مايدخل الحمام أروح جري على النت وأفصله ومايصير عنده ارسال ودقيقتين ويطلع من الحمام هههههه وعجبتني الطريقة :14: عاد هو يفكر ان الارسال صار ضعيف ومايوصل ومرة من المرات وانا جالسة معاه ومعصبة قلت له شوف انت والايفون هذا لاتفكرني سهله ترى يوم بأكسره او اكب عليه موية لو ماتعدل بيننا والحمام انا بأفصل النت كل مادخلت فضحت نفسي قال وانا اقول ليش مافي ارسال كويس انك اعترفتي لأني كنت راح اكتشف لو ماقلتي (عمره ماحيكتشف بس عديتها له ) *هههههه وصار كل مايدخل للحمام يقول لا تفصلي النت أقول له لو طولت أكيد بأفصله تهديييييد مشكور على الموضوع |
مرة كانت زوجتي زعلانة مني زعل قوي ..
وكنا نتمشى في طريق الملك عبدالعزيز في جدة ,, ووصلنا عند مطعم روبي تيوزداي قلت لزوجتي ( مع إني من أول أكلمها وهي مطنشة مع الزعل ) : غريب هذا المطعم فاتح اليوم مع إن اليوم جمعة يعني فرايداي ، حسبته ما يفتح غير يوم الثلاثاء (تيوزداي) والله شايفك في مطعم مايفك الا الثلثاء بس الحرمة ما تحملت وفكت هذيك الضحكة القوية ، وطاح الحطب وخلص زعلها عندي معلومة مهمة ما رح تلاقوها في علم النفس لكن خذوها من العبد الفقير أفضل طريقة لمصالحة الزوجة هي التنكيت حتى لو تقول لها في اثنين بدو واثنين انتهوا تقعد تضحك لك مع إنها نكتة قديمة |
حباكم الله 00مره وانا عروسه قاعده اتحاور مع زوجي واقله انا اذا نمت ماافتح فمي ابد0قالي حتى لوتعباااانه قلت ابدااا حتى لوسهرت(واناصادقه والله)وليله خرج بيشتري عشاء كان الوقت متااااخر على الفجر تقريباوكل ماجاء مطعم مقفل وتاخر ونمت اوغفيت ولاصحيت الاوزوجي المصون يفتت شاورما ويحط بفمي لانه كان شبهه مفتوح واصحى بسرعه وهو ميت ضححححك ويقولي ماعمرك فتحتي فمك هاااه00وانخجلت والله
|
ههههههه ضحكت على الموقف لانه مر علي موقف مشابه له وهالشي يدل على طيبة قلوبنا،
مم يبيلي فتره استرجع بس اذكر موقف قريب بعد العج بيوم الاحد كنت مااخذه خدامتنا من اهلي ترتب معي رتبنا البيت من الى تمسيح غبار غسيل تنظيف كنس الى اخره جاء الليل وحميت عشاء المحروس بدري على اساس باحطه واحط راسي وانام راح هو يشيك على العشاء وراح يغطي القدر تغطيه محكمه على اساس الرجال جوعان ويبيه يحتمي بسرعه رحت انا للمطبخ واحاول افتح الغطاء وماقدرت شكيت بروحي اذكر اني فاتحته ومغطيته بهداوه قبل واحاول واحاول ولااقدر وانادي ابو الشباب ابيه يفزع معي ليتي ماناديتوه ويحاول منا ومناااك مافيه اخر شي اخذ القدر وخضه خضه قويه من قلب جوعان وانفتح مادريت الا الرز يتطاير مناا ومناك ويطير النوم .. سلمت اخوي ابو جوري . |
مواقف حلوووووه
وصراحه يا اخي ابوجوري - موضوعك فتااااااك سويت لنا جو في بالمنتدى - الله يخلي لك جوري وامها 00 طبعا المواقف كثيره 00 لكن باسولف لكم عن موقف كل ما ذكرته ضحكت بلا راي 00 مره من المرارير00 حلمت حلم حلو 00 أني مخطوبه <<<<<< عايشه جو وإن خطيبي جاي ياخذني 00 وركبت السياره معه ورحنا 00 المهم السالفه طويله<<<< قصدي الحلم وجيت اعلم زوجي قلت له :: حلمت حلم ** قال :: وشو حلمك قلت :: حلمت اني مخطوبه 0 قال :: لي انا <<<< شوف البراءه قلت :: لا 00 دايم انت 00 واحد غيرك اسمر وحليوه<<<<< شوف السحاره وانه مر علي وركبت معه السياره ورحنا***** ما دريت إلا الرجال زعل وعصب وقال :: الله يقلعك انتي وياه وراح وطلع وخلاني 00 قلت :: تعال ترى ما اعرسنا 00بس خطوبه ويمكن ما يصير نصيب ؛؛ ولسه على البر** مو معناته اني طلعت معه خلاص رحت قمت اشوف وين راح الرجال 00 صار طالع من البيت كله ياربيييييييه ** ما يلامون الحريم اللي يعرسون عليهم رجالهم المهم 00 سبحان الله كنت بذاك الوقت حامل وفسر لي على اني بجيب ولد:: وفعلا تحقق تفسيره |
مواقع النشر |
ضوابط المشاركة |
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|