أتفق مع الاخوان

زوجتك محتاجة انك تكون قريب منها .. أجل سفرتك شوي لين تولد و بعدها سافر و لا تضغط عليها انها ترافقك .. خلها على راحتها .. و ترى دراسة الماجستير في بريطانيا ما هي طويلة زي أمريكا .. يمديك تضغط نفسك و تخلص في سنة الى سنة و نص .. من ميزاتها أيضاً ان بريطانيا قريبة و يمديك تطمر كل كم شهر عشان تتطمن على زوجتك و أهلك

بالتوفيق ان شاء الله

__________________

صقر العروبة ... حبيب الشعب ..
ابو متعب سكن القلب

أخي الكريم وفقه الله


إذا كنت رجل مستقيم وتحب الاستقامة وأنت إن شاء الله كذلك......نصيحة اخوك لا تذهب إلا وزوجتك معك

وبالنسبة للدراسة فهذه فرصة لاتفوت خاصة وأن الدراسة هناك ميسرة كثيراً ...................................

لكن لا تذهب إلا وزوجتك معك...........احذر السفر لوحدك مهما كنت جاد ومستقيم

أسأل الله لك التوفيق والسداد

ما ازيد على الاعاضاء لكن احب اقولك اذا الوالده ما تريدك تروح او كانت حياتك الالسرية بتتحطم لا تروح لكن اذا الوالده وافقت وزوجتك قدرت تفهمها روح الله يوفقك

تخيلت نفسي مكانك ماذا سوف يكون موقفي ورد فعلي أمام زوجتي وأمي؟

ما أعرفه أن الحياة فرص قد تتكرر وقد لا تتكرر واحتمال تكرارها نادر، لذلك وجب عليك التفكير بموضوعية، وإذا كانت لديك الرغبة الأكيدة بالذهاب يجب عليك تدبر الأمور ومحاولة الخروج منها وأنت مقتنع تماما بأنك قد فعلت الصواب، حتى يرتاح ضميرك من ناحية زوجتك ووالدتك.. وأنك قد اتخذت القرار السليم دون ضغوط أو انفعالات.. فقرار السفر في النهاية يعود إليك.

توكل على الله وأجلس مع زوجتك وصارحها بالمصلحة التي سوف تجنيها والخبرة التي سوف تكتسبها وهي في النهاية تعود عليكم جميعاً بالمصلحة، وبأن العالم أصبح صغيراً مع توفر الاتصالات والتقنية.. وهكذا.

لا تنفعل أبداً وأنت تطرح رأيك ولا تضع زوجتك في موضع الأناني الذي يحب نفسه ولا تسعى لمصلحتك.. فالنساء بطبعهن عاطفيات قد تقتنع إذا أرادت في لحظة دون جهد منك وقد لا تقتنع مهما حاولت..

أكرر ثانية.. .. قرار السفر يعود إليك. أنت صاحب القرار.. فكن حكيماً تكسب.

أؤيد كلام زرقة بحر ، يعني أخي الكريم لا تنسى الوضع كم راح يكون صعب عليها وعليك بس أنت ما عارف الأجواء هناك كيف راح تكون ألمس منها بعض التخوف من أن تتركها وتتزوج بغيرها ، فإن كانت هذه نيتك أخي فصارحها
وإن كانت للدراسه فقط فمن الأفضل لك ولها أن تصطحبها معك ولا تتعجل الأمور والله كل شهادات الدنيا لا تساوي أن يفتن الإنسان في دينه ، وأعتقد لو سافرت معك زوجتك هي راح تتغير و راح تتطلع على أشياء أكثر وتكون منفتحة أكثر وهو مفيد لك ولها ومن ناحية أخرى سوف تساعدك وتخفف عنك ، مره أخرى أكثر من الإستخارة وحاول الآن تتصارحوا أنت وهي وتتناقشوا معا لتصلوا إلى نقطة اتفاق وتقاطع من المهم أن تستعين بخبرة من سبقوك إلى بريطانيا وإن لم تجد من تعرف فاسأل في المنتدى وإن شاء الله سوف لن يبخلوا عليك بالنصح والله يوفقكم

آآآآآخخخخ لما قريت موضوعك تذكرت نفسي .... انا من اول ماتزوجت وزوجي يقول لي انه امقدم على بعثه ودايما كنت اقول له إن شاء الله مايعطونك ... وبعد ثلالث سنوات عطوه البعثه .... وكل يوم قبل ماانام اصيح ... ولما يقول لي اروح كنت اسكت واقول له كيفك روح .... وراح خمس اشهر الله يعلم ابحالي فيها ... عذاااااااااااااااااااب الصراحه عذاااااااااااااب ... والحين رجع ودايما اقول له ريلي على ريلك وين مااتروح

يااخي انت المفروض اتكون مستانس لان زوجتك ماتبيك بعيد عنها .... يعني اتخيل لو زوجتك فرحانه بسفرتك واتحمسك على السفر من غيرها انت اشبتسوي ؟؟؟؟؟؟ حط نفسك مكانها

حرام عليك اتروح واتخليها وخصوصا في فترة الحمل حتى امك فكر فيها واشلون ابتستحمل بعدك عنها

فكر اكثر واكثر وانا من رايي انك اتبطل السفره اذا كنت ماتقدر اتودي زوجتك

على فكره اخوي صار له عشرين يوم مسافر يدرس وتارك زوجته والله اني افكر طول الليل فيها وكاسره خاطري وااااااااااااااااااااااااااااايد وااااااااايد بس هو إن شاء الله بس تترتب اموره هناك بيوديها معاه

ترى الفراق صعب حتى لو كان الزوجين مش متوافقين كل واحد يحس انه نصف الثاني

حسوا فينا اشوي ياالأزواج ولا تعتبرون ان هذا كله ((دلع بنات )) والا اشرايكم ؟؟؟؟


أرجو الانتباه مع الشكر المسبق . كلمة ( إن شاء الله ) تكتب على الصورة السابقة .

اول شي اشكركم على ردودكم المفيده
ثاني شي فيه اعضاء فهمو السالفه غلط
اخو مستواي عالي زوجتي لا تنجب ونا قلت لكم الكلام هذا في موضوعي السابق
ثاني شي انا مافكرت اورح عشان اتزوج ولا ماابيها تروح عشان اتزوج عليها لا طبعا وقلت لكم الاسباب الي تخليني ماروح

واخيرا خلالالالالالالالالالالالالالالالالالالالالالالالال الالالالالالالالالالالاص

مارح اروح كنسلت السالفه اليوم بدون تردد لني مانمت طوول الليل مو لازم ماجستير
بس الموضوع خلص اليوم وانهيت السالفه يمكن تقولون تسرعت بس فهمت مديري السالفه وشرحت وضعي له بالنسبه لامي وزوجتي
وقال لي اجل مايكون خاطرك الا طيب بنعوضك قلت مشكور عاد مدري وش بيسوي

يمكن يفصلني
هههههههه
بس وازنت الامور ماش الدعوه ماظبطت ابدا معي
عاد انا بخليها مفاجئه لين تجي ماراح اقولها

وان شاء الله انها تكون خيره لي
ولله لا ماجستير ولا دكتوراه ولا خرابيط يسوى ان دمعه تنزل من زوجته ولا امه

هذا مبدأي الي اليوم بنيت قراري عليه

عذرا لايحق لي التدخل في قراراتك..ولكن حرصا على مستقبلك من الأفضل أن تذهب ..

اذهب وتوكل على الله واستخر..!

والحريم طيب خواطرهم بكم كلمة ، وخلااااااااص !!!

لاتفوت البعثة ياأخي ، الدنيا تريد والفرص لاتتكرر ، زوجتك وأمك إن شاء الله مهم طايريين ، بتزورهم وتكلمهم،بس البعثة هي اللي بتطيييييييييير !

سيكون الموقف صعب عليهم في البداية ، ولكن لكل بداية نهاية ..!!

يعني الآن الخيار الوحيد أمامك هو ترك البعثة ، أخشى أن تندم في المستقبل ..
يعني مافي حل إلا كذا في وجهة نظرك ..
طيب حاول تاخذ زوجتك معك كحل وسط ..!
لاتقول : مستحيل ، افعل المستحيل من أجل ذلك ..

وإن لم تستطع فزي ماقلت لك طيب خواطرهم ، واستخر ، وتوكل على الله ..

__________________
أحب جبالك يالجنوب وأحبك لأنك أنتي الجنوب