لا تشتغلين بداله ولا تشحذين.. قصدت وضع زوجك نفسه

مو انتي اللي تتصرفين.. لكن ليش طلعتي من البيت على موقف الجهاز وماهددتي بالطلعة مثلا لما جلس بالبيت لا شغل ولا مشغلة؟

الناس ماتوظف الا اللي يكرف ويشتغل.. عشان كذا طبيعي ماراح يلاقي شغل

__________________

اختلافي عنك لا يعني اختلافي معك

.. كنت حاروحلهم بس كان عيد قلت خليهم يعيدون .. ولما قالي ان في واسطه وبارجع قلت طيب بصبر بس انا مااسامحك ..
وبعدين انا طلعت عشان الضرب والشتم مو عشان النت ..

احنا عارفين سبب طلعتك الضرب والشتم بس سببها النت
تصرفك من البدايه غلط واذا اخذ النت وطلع وش صار واذا تاخر ومعاه النت ولاعندك وسيلة اتصال

لاتتحججين لو صار لنا شي انتي قلتي ساكنه جنب اهله يعني ماعليك خوف
ثانيا العالم كلها كانت عايشه واحلى عيشه بدون نت واتصالات ووو

انتي الي صبرك وظفتيه غلط طفشتي افتحي التلفزيون
رتبي بيتك الي كنتي تغسلينها الفجر لما جاء

ليش ماغسلتيها في فترة خروجه ورتبتي وسويتي اي شي ونمتي بالوقت المناسب

وانتي منتظرته لين الفجر عشان النت

اذا مازعلتي عشان وظيفته مالك حق تزعلين عشان نت

ضربه لك نتيجة استفزازك حركتك غلط
والحق كان معاك وانقلب ضدك

اعرف اننا كنا عايشين بدون نت وهم .. بس برضو زي ماتشوفون انه من حقه يطلع ويسهر ويتونس برضو انا من حقي اضيع وقتي عالنت عالاقل ..
وصح اهله جنبي بس ينامون من بدري ..
وبالنسبة انك تعاتبين ليش مانظفتي وتنظمين نومك ووقتك .. تعرفين انتي كيف بعد العيد لخبطه في كل شي ..
لكن انا استفزيته صح لاني طفشت من انانيته .. اناااااني بشكل لو احكيلك كيف يشيب راسك ..
.. وحتى وان استفزيته برضووو نعيد ونزيد ان ماله حق يمد يده .. دحين انتي تلوميني ليش مااشغلت نفسي في شي والنت مو عندي ..
طيب ليش هو ماسوا دا الشي .. ليش مافتح التلفزيون وجلس مع ولده والا نام قبل يداوم .. برضوو هوا جاي يتفشش فيني ..

حبيبتي اسمعي النصايح راح تفيدك ماتضرك احنا مانعرفك ولا نعرف زوجك

باانصحك واكون لك امينه

انت مو شغلك يقعد مع ولده او ينام او او
انتي تصرفتي وكانك رجال تعاقبيه ... تبغين حقك اذا نمتوا وراح دوامه ورجع وبعد ماتهدء الاوضاع كلميه وفهميه الي بخاطرك

بس تشيلين النت هذا تسوينه مع ولدك مو مع زوجك

اختي ..

اسلوب عقابك له .. كان طفولي بكل ماتعنيه الكلمه .. كيف تأخذي النت وتقولي له هاذا الكلام في حدود مو تجاوزات وتكون نتايجه سلبيه !!

اذا لاسمح الله حدث لك شي خلال هالست ساعات .. روحي لي اهله زي مارحتي لما تصعدت المشكله !!

زوجك اكاد اجزم ان باله مشغول عشانه مفصول من الوظيفه وشايل هم الدنيا على مصروفكم .. كان يمديك تتكلمي معاه بكل هدؤ عن وضعكم مادي اجتماعي .. الخ

ضربه لك غلط * غلط .. السبب استفزازك له بأخذ النت .. بدال مايكون الحق معك صار ضدك !!

انتظري الى ان يتصل وتتفهمون .. او خلي احد من اهلك حكيم يتقبل كلامه ويتفاهمون

بالتوفيق

بتروح حياتكم الزوجية اعتذرلي وعتذرلك
وبيطول الوضع والضحية هالوليد واساس الموضوع خرابيط نت وما نت متى نكبر عقولنا ياناس ونفكر بعمق بحياتنا الزوجية اكبر غلطة ارتكبتيها خروجك من البيت لانة هروب من تصحيح الوضع

__________________
سبحان الله وبحمده سبحان الله العظيم

كلامك على راسي ..
وانا لو ماكان مد يده لكان اعتذرت واوعده ماستفزه تاني .. بس لما توصل لمدة اليد هنا الحرمه لااااااااازم تاخد موقف .. لاني ماغلطت عليه بلساني ولا سويت مصيبه في شرفي ..
ولو سامحت وعديت حياخده عاده ويده تتساهلها عالطالعه والنازله .. فلااازم احط حد لدا الشي

..
ممكن تصرفي تشوفونه غلط بس لاني مقهووووووووووره من تراكمات انانيته .. برضو ابى احس ان احد باله مني وعامل لي قدر وحساب

بس مستحيل ابادر انا واقوله تعال.. عالاقل هو يقول ابى اتفاهم يقول ايش اللي له واللي عليه .. يبين انه شاري مو بايع ..