طلما ان الامر كما ذكرت من حيث ان العلاقه كانت جيده اثناء فتره الملكه فأعتقد ان الوضع الذي تعيش فيه وضع طبيعي مع الوقت بأذن الله سوف تشعر بالتغير فلاتنسى ياخي الكريم ان تلك الزوجه نزعتها نزعا من بيت اهلها فهل تتوقع ان ذلك سهل عليها فهي تربت على نمط معين وعيشه معينه وتربيه تختلف عنك جذريا فعليك بالصبر والايام كفيلها لاصلاح وضعك

..

السلام عليكم
مثل ماقالو الاخوان عطها مهلة وبعدها اذا صممت علي الموضوع الطلاق حاول انك تكلمها تفهم ليش تبي الطلاق وبعدين انته تقرر

والسموحة

دلع الشام

روح للبنت وحاول انك تقنعهاتخرجو من بيت اهلها وتروحوا اماكن ترفيه واسواق واختار لها هديه حلوة وبعدها روحو لمطعم رومنسي وفاتحها بالموضوع بكل هدوء ورواقه وبين لها انك تحبهاومشتاق لها والبيت من دونها مظلم ومن هالكلام الحلو اللي يطير عقلهاوفاتحها بالموضوع يمكن ساعتها تقولك على السبب اللي ماتقدر تقوله في بيت اهلها اوماتبغى اهلها يعرفوه فتصرف الموضوع قدامهم انها مو مرتاحه معاك .........ياما نسمع قصص بنات يطلبو الطلاق لاسباب ماتجي عالبال فيمكن مثلا كارهه الجماع او طريقتك معاها كانت مخوفتها فسببتلها عقدة اتوقع اي شي واذا صممت ان السبب مومرتاحه ويجيها ضيقه قولها البلد مليانه شيوخ وقراء بنروح انا وانت وامك معانا للشيخ لحد الامور تتعدل وبين لها ان الطلاق عمرة ماراح يكون حل لمشكلتنا والمطلقه حياتها تختلف بكثيييير عن غيرها ونظرة المجتمع لها وهي مطلقه دوبها عروس وقولها انت موخسران من الطلاق لكن حبك لها وتمسكك بها يخليك تفكر بحلول افضل والاتقدر تتزوج غيرها وهي اللي خسرانه الكثيييير من الطلاق وهي عروس وغير كذا سمعت اهلها.........وساعتها شوف ردها ايش بيكون او اعطها مهله تفكر بكلامك ........... بس باقولك معلومه المعيون او المسحور يرفض الشيوخ والقراء ويخاف منهم فحاول معاها كذا مررره ولا تمل وفكرة الطلاق ولاتجيبها ببالك....وصارح اهلها بعد كذا بالموضوع وباللي صارر بينكم الله يفرج كربتك ويسهل اموركم ويسخرها لك ويسخرك لها

الاخت خواطر اشكرك على مشاركتي في الموضوع .... اما من ناحية اني متمسك بالبنت فأنا لست متمسك بها بالقدر الذي يجعلني اتعب حين فقدها بل انني افعل هذا من اجلها ... لأنني اعلم ان المراءة اسهل ماعلى لسانها مسألة الطلاق فهي تأكله كما تأكل طعامها ...

وكما ذكرت مسبقا ليس لدي البنت اي احد سابقا بل على العكس أمور زواجنا لم يمر عليها سوا شهرين فقط ... وبالتالي هي واقفت على بإختيارها التاام حتى انها دلوعة أمها أبوها وكلامها يمشي أكثر من كلام أهلها ...وبالنسبة لأبوها كملته ومافيه فايدة ... لكن هي مصممة على الطلاق حتى انني لا أعلم سوى سبب غامض وهو انها حينما تراني تحس بشي غريب حتى انها حينما كانت معي فترة السفر خارجا كانت وانتم بكرامة ترجع ما أكلت من الشي اللذي تحسه ... فأنا والله لم أسئ المعاملة ولا لم اضرها بأي شي بل على العكس حتى انها مرة كانت تراني وتقول لي بملء لسانها احمد ربي انه رزقني بزوج مثلك ...
وانا 1هبت وجلست وأطلت الجلوس معها وقلت لها اني سوف امر عليك كل اسبووع وكل شي تمااام ... لكن بعد أول مقابلة لي ولها تبين أنها لم تستطع التحمل ...وحاولت الضغط على نفسها لكن لم تستطع ...
واشكرك اختي على مداخلتك وكلامك ....
_______________________

ام الغاليين .. هذا نفس الكلام اللي قالوووه لي كثير ... لكن البنت مدري وش فيها حاولت اقنعها لكن ما اقتنعت ..... اشكرك على مداخلتك ...

_______________________

اخي العازم ... والله لا كما قلت انت قلت لها لكن لا اعتقد أنني أكلم من يسمعني ... فكانني أنفخ في قربة مشقووقة ... واشكرك على مشاركتك ...

_______________________

اشكرك اخت دلع الشام والبنت مصممه على الطلاق وعلمتني انها ما تستطيع ان تتحمل وجودي معها في مكان واحد ...

_______________________

الاخ roneroro .... هي رافضه الخروج معي وحاولت معها لكن مبين ان البنت فيها شي غريب ... وهي المشكلة حاطه في راسها ان هالشي قسمه ونصيب قلت لها لو هو قسمه ونصيب كان جانا من قبل من ايام الملكة ومن يوم كنت اجي اشوفك ... وبالنسبة لكلاامك والله اني قلتها لها نفس الشي لكن والله انك تنفخ في قربة مشقووقة ...... وشاكر لك على مشاركتك الموضوووع ...

______________________

اشكركم جميعا على مشاركتكم بالموضوع وانا حسيت اني طفشت من السالفة هذي وابي افتك .. طابت نفسي منها ,واظن انني سوف اتخذ قراار حاسما لكن اردت أن أأوجل هذا القراار الى مابعد شهر رمضان احتراما لهذا الشهر الفضيل ... والله يكتب اللي فيه الخير للجميع ... ونرجوا منكم ألا تبخلو علينا بالمزيد من النصح والإستشارات ...

أخوكم .. صراحة نفس

السلام عليكم

أخوي((صراحة نفس))

أناما أوفقك علي الكلا م الي قلته في الآخير من انك يأست وطابت نفسك منها

اتق الله ياخوي في البنية وعدها حسبة اختك او بنتك والي ماترضى لها كذا,,,,

وبعدين انت تعرف ان هالي يصير غصب عنها وموباختيارها وانت شفت هالشي

على حد قولك وهي مسافره وياك,,,,,,

وفوق هذا مو بهالسرعه تتخلى عنها انت للحين زوجها واقرب الناس لها والله سبحانه وتعالى

وصف الزواج بالقرآن الكريم بأنه ميثاقاَ غليضا

قال تعالى((وقد افضى بعضكم الى بعض وأخذنا منكم ميثاقا غليظا))

وبعدين انت المسؤل الي جعل الله في ايدك العصمه حتى يحفظ بتعقلك وتأنيك هذا الميثاق

وهذا الكيان من التهور والتسرع الذي قد تقع فيه المرأة او اى شخص مندفع تنقصه الحكمة

وبعد النظر في مثل هالأمور ولاأضنك ترضى ان تكون منهم

فيكفي بك حكمة طلب المشورة من الآخر!!

وغير كذا أنت ماتدري وش بالغيب يمكن هالي طفشت منها وتبي تطلقها هي ام عيالك

وهي الي كاتبلك ربك معها السعادة!!

فوق هذا أصبر ياخوي على الشدة واحتسب ويحلها ربك فالإنسان مايعرف الا بالشدايد

وعلى قول الشاعر (( لاصرت ماتنفع بوقت الشدايد ,,,,,, وقت الرخا كل المخاليق خلان ))

والمفروض تحمد ربك فرصتك انك بهالشهر الفضيل أقرأ سورة البقرة بعزيمة صادقة بنية الشفاء

لك ولها مما أصابكم قياماَ بها كل ليلة لمدة سبع ليالِ على أقل تقدير ودون إنقطاع بينهن.

وحاول أن تتضرع وتلجأ لله موقن انه وحده سبحانه القادر على تفريج همك في هالمسألة

وخاصة انه فرغت منها ايدين خلقه !!؟؟

أشكرك أخي سنفور على نصيحتك ...

لكن اللحين وش بيدي أسوية .. والله مافيه شي ما سويته حاولت معها رحت لها سولفت معها حاولت افهمها ان هالشي اللي تبغاه مو من صالحها ...وتبين لي من كلام البنت انها مو مرتااحة بالحيل أنا ما أعرف السبب مباشرة لكن على حد كلاامها انها ما ترتاح في المكان اللي انا فيه معها وتقول انها ماحبتني وتقول انها مالها خلقي ..مع ان فترة الملكة كانت البنت مبسوطة معي بالحيل ومستانسه ولا فيه خلاف لكن يووم الدخلة تغيرت الاحوال ...و الغريب في الامر انها تبي الطلااق وتلح على بالطلااق ... ما عااد صرت اتحمل الوضع ... وتعبت كل ما أحاول أرقب منها تبتعد عني ... وهي بكلامها لي تحلف لي ان هالشي مو بيدها و غصب عنها ... علشاان كذا انا بحاول أتروى بالموضوع ولانيب مستعجل ... والله يكتب اللي فيه خير للجميع ... وأشكرك اخي سنفور وإن شاء الله بالشهر الفضيل راح أبذل قصارى جهدي إن شاء الله والله يسمع منك أخوي سنفووور ... والله الموفق الى سواء السبيل ...


والله لا يهينكم اي مشوورة ونصيحه لا تبخلون علي فيها ... والله يجزاكم الف خير

أخوك صراحة نفس ..

أخي الفاضل .. لفظ المشيئة يكتب هكذا ( إن شاء الله ) ..

صباح الخييييييير اخوي ((وينك ايها الفارس الملثم )) شدعوا مابغيت!!!!!

شكلك ان شاء الله بهالغيبه هديت وراجعت نفسك لان ردك فرحني بس انت ماعليك من اي شيئ

سوي الوصاة الي وصيتك بها وبإذن الواحد الاحد ماراح تشوف الا الخير من ربك تراي مجربها ونتائجها

مضمونة100% بس لازم تصدق التوكل عليه سبحانه واقطع الرجاء بمن سواه وديماً اسأل

الله سبحانه انه يختار لك الخيره المباركه في امر دينك ودنياك معها اومن غيرها..

وبعدين اذا كنت بتطول الغيبات بالمره الثانيه ثم ترجع بعلوم زينه مثل اليومok

طول الغيبه بس كثر الغنايم والاخبار الحلوة!!!!!!!!!

,,,,,,,,,,,والله يوفقك ويسهل امرك وياي والمسلمين اجمعين,,,,,,,,,,,,

أخي الكريم .. إن شاء الله تكون في أتم الصحة والعافية ..

أريد أن أقترح عليك فكرة وهي :

أنت يا أخي حاولت بقصارة جهدك استرجاع زوجتك إلى رشدها وإليك دون طائل أو فائدة ترجى ..

ولكن فكرتي تتمحور في محاولة إيهامها بأنك مللت من تصرفاتها وسوف تنفذ رغبتها في الطلاق لأنك تريد زوجة حنونة تكون رفيقة الدرب بكل زهوره وأشواكه إلى اليوم الذي يأخذ الله أمانته ( ربي يعطيك طول العمر ) ..

جرب عله ينفع .. لأني كما رأيت من الردود بأنك رجل عاقل وتعرف كيف تدير الأمور بوعي ..

اللهم يا من تأتي الملك من تشاء وتنزع الملك ممن تشاء .. رد له زوجته كما تشاء يا الله يا عزيز يا مقتدر ..

__________________
أختكم

أطلال الشعراء

الاخ سنفوور ... اشكرك اخي الفاضل على اهتمامك بموضوعي ... اما بالنسبة للغيبة لاني كنت مسافرا وبعد السفر رجعت ووجدت الردوود ... عمووما اخي الفاضل انا انشاء الله سوف أعمل بما قلته لي والله انشاء الله يكتب اللي فيه الخير وإن شاء الله نجيب لك الاخبار الزينة في المرة القادمة ....

.............................

الاخ أطلال الشعراء اللهم أمــــــــــــين ... اشكرك اخي على تفاعلك معي ... ولكن لا أعلم اذا كانت طريقتك سوف تصلح شيء .. عموما اخي الفاضل سوف أتخذ هذه الطريقة كأخر سبيل ... وإن شاء الله مايصير الا كل خير ...


ولا تبخلوون علي يا اخواني الفضلاء بنصايحكم تراني في أمس الحاجة لها ...

أخوكم صراحة نفس ...

صراحة نفس أنصحها انها ترقي نفسها

و قول لها أنك تبي تطلقها *لكن لا تصدق وتسويها* ثم غب عنها شهر كامل لا كلام ولا زيارات


ثم بعدها شف إذا هي تغيرت أو لا



الله يصلح الحال