اختي صاحبة الموضوع هذا زواج يعني تأبيدة وانتبهي اذا انت متقززة منه هذا شعور اولي يمكن مايروح مهما حصل
ياما ناس انفصلوا بعد الملكة والله عوض الجميع ،
اذا منتي مرتاحة لنظافته وهيئته وشكله واسلوبه فصدقيني الانفصال افضل حل والله بيعوضك ويعوضه خير
قبل الزواج انتو فبر الأمان وهذا من فضل الله عليكم
كم قصص نعرفها لبنات ارغموا انفسهم على ازواج ماهم مرتاحين معاهم وبعدين ظل النفور موجود

استخيري الله اكثر من مرة وتوكلي عليه ... موفقه لكل خير

يسلمووو خواتي ع الردود
اول شي انا ماشفته نظره شرعيه
وبعد الملكة بعد الزيارات لاحظت هالشي من ثاني اسبوع حاولت انفصل وهو متمسك فيني وأهلي عصبو علي علشان قررت الانفصال قالوا مافي شي يعيبه ماقلت لهم ع الاهتمام
بنات ثاني شي مايعرف يتكلم مدري كيف مايفتح مواضيع والله تعبت نفسياً ابي عذر قوي للانفصال علشان اقنع اهلي

قولي لهم ما متقبله شكله ، وكل الكلام اللي كتبتيه هنا ، بصراحه اشوف انك تستخيري مره ثانيه واكثر من مره

ليه ما شفتيه!
هو ايضا ما شافك!
الخطأ منك و من اهلك المفروض تشوفيه اكثر من مرة قبل الملكة هذا زواج مو لعبة
عموما اتركيه افضلك و افضله و هو لن يتأثر بشيء فلوسه و مهره حيرجعله

وعدني انه حيتغير مشكلتي عصبيه يعني اعطيه بوجهالكلمه قلت له احد يجي لخطيبته مايهتم بشكله وعدني انه حيتغير وقالي مالك الا سعادتك واللي يرضيك

إذا حبك وشاف إهتمامك بنفسك بيستحي من نفسه ويتغير ، سولفي له عن طريقة عنايتك بنفسك طريقة إستحمامك أهدي له منتجات أنتي تستخدمينها في الإستحمام ، إذا إتصل فيك لا تردين وكلميه بعد شوي قولي كنت أتروش ما أرتاح إلا أتروش كل يوم وأستخدم الشور جل (وإذكري الماركه ) والسنفره الفلانيه والديودرنت الفلاني ، تصدق ما أحب الناس الي مايهتمون بنظافتهم وكملي السيناريو عاد شغلي خيالك وقولي له يعالج أسنانه قبل الزواج وبيني له أهمية الأمر بالنسبه لك .

__________________
الحمدلله حمدا جزيلا ...

صدقيني الأمر بسيط مايستدعي الطلاق تقدرين تغيرينه بكل سهوله ، فيه نساء يعالجن مشاكل أكبر من كذا من خيانه وشرب خمر وإدمان مخدرات ، ماتدرين يمكن هالإنسان البسيط يصونك ويسعدك ، سمعت بنساء تحلق له الأماكن الحساسه تعوده على النظافه لين يدمنها .

__________________
الحمدلله حمدا جزيلا ...

مرحباً أختي

أنا لا ألبس عقال نهائي... عادتي
وألبس سروال قصير تحت الثوب بعض الأحيان سواء في الخروج العادي أو بعض المناسبات ولست حريص على السروال الطويل بحيث يمنعني من الخروج

وأما الأسنان فيمكنك أن تقترحي عليه أن يصلحها وتدلعي عليه بذلك وتابعيه إلى أن يصلحها
وأما عدم مدحه فالغالب حسب رأيي أن هذا إنسان نظيف ماله في البنات والتميلح لهم طول عمره .. بل له إهتمامات أخرى البنات ليس من ضمنها

رإيي الشخصي أن لا تتعجلي بأي أمر ويمكنك أن تطيلي فترة الملكة شوي لدراسته وإمكانية أن يستجيب للتغير للأفضل أما لا

خصوصاً إذا كانت سمعته ودينه ومواصفاته طيبة فلا تفرطي فيه بسهولة



أعانك الله

اذا انسان كويس ويخاف الله وكريم واخلاقه زينه لا تفرطين فيه
يبدو انه انسان بسيط وما يفهم بهالامور كثير تقدرين انتي تثقفينه من هالناحية وينظف ويتعدل ع يدك وكون انه مايتكلم كثير فاحمدي ربك لانو شكله لسانه مو طويل وماراح يجرحك او يتعبك بالكلام بعد الزواج في نفسك او في بيتك او في اولادك
كل رجل وعيبه ولو انفصلتي وارتبطتي باخر يهتم بنظافته ستجدي عنده عيب اخر تنزعجي وتتضايقي منه
وبالنسبه لاسنانه اطلبي منه يلبسها كل المشاهر في التي في اسنانهم تركيب

المشكلة الأساسية الأن تقول البنت ما شافتة رؤية شرعية بعد الملكة تفاجئت فية اشياء كثيرة ولا مرتاحة نفسياً هاذي مشكلة بعض العادات زواج العميان المفترض ترفضين الزواج منة من حقك الشرع تشوفين شريك حياتك في اي شخص كان.

استخيري مرة مرتين عسى ربي يفرج همك.