أخاف أرد على مواضيع زي كذا ، أخاف أغلط بكلمة و أكسب ذنب الطفلة المسكينة
بس بأحاول اختصر شوف ، دام أبوها يهددك بالشرطة و راح يشتكي لأبوك عنك و أخد بنته عنده و هي ما قصرت لإنها سبب كل اللي صار خذ بنتك عندك و عيد معها عند أهلك و أقاربك و خلي أمك أو أختك يلبسوها من الملابس اللي إنت جبتها لها زوجتك يبغالها ( تربية من جديد للأسف ) و ماعرف كيف راح تربي بنتك ؟ الحل : 1 - لازم تعرف هي إنه حياتها = زوجها + بيتها + بنتها و الشئ هذا ما راح يصير إلا إذا عرفت قيمتك و قيمة بيتها و إنه أهلها ما راح ينفعوها بشئ 2 - هي تتبلى عليك إنك ما تصرف عليها و تشتكي لأبوها طيب كيف علاقتك مع أمها أو أخوانها ؟ واحد منهم لازم يعرف بأفعال بنتهم لا تدفع و لاقرش لها ، لإنك إذا دفعت دحين راح يحسب أبوها إنه قدر يلوي ذراعك و دام إنها خرجت من غير رضاك و هو أخذها ، فاعتقد و الله أعلم ما عليك إثم 3 - شوف أي وحدة من حريم أخوانك قريبة من زوجتك ، علشان تروح إنت و تكلم أخوك إنك لقيت وحدة و ما تقول لأخوك إنه ( بس كلام ) ، خلي أخوك يقول لحرمته عشان حرمته توصل لزوجتك 4 - اللي مثل زوجتك الحل الوحيد معها ، التأديب .. يعني دام تصرف والدها همجي و هي تدخله في كل شئ ، خلاص أدبها بالطريقة هذه أخوي دكتور المنتدى مو كل الحريم كذا .. بس كل ما دخلت للمنتدى و أقرى عن النوعية هذه من الحريم أقول الحمد لله إنه أمي كانت شديدة في تربيتها لنا أختي لسى عروسة و دلوعة و من تاني شهر حملت ماشاء الله ، و ماعمرها عملت شئ في بيت أهلي و لا طبخت دحين مع وحامها و دراستها ، ماشاء الله كل يوم تطبخ لزوجها و بيتها يلمع ، مع إنها ما تقدر تاكل شئ و مرة بأقولها ليه تطبخي و إنت حملك صعب ؟ تقولي أحزن على زوجي ما يحب ياكل أكل السوق قلت لها و الله إذا مو مقصر معاك ، فلا تقصري معاه .. و حتى أمي أقولها مسكينة أختي تطبخ كل يوم و حملها متعبها ؟ أمي تقولي خليها تطبخ مافيها شئ و أيام زمان كيف كنا ؟ و دحين كل شئ عندها .. الطبخ ما ياخد شئ غير ساعتين بالكثير قلت في داخلي ، الحمد لله إنه أمي مو حماتي |
مواقع النشر |
ضوابط المشاركة |
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|