خواطر
عسى ربي يخليلك ابيك واميمتك
ما انلام اشوي أصلاً !!

مسز داني
وضعها صار يحرجني شخصياً ، وياليت الموضوع مقتصر علي بس !! انا أسترها عادي
بس المشكلة ان هالشي صار علي وعلى غيري ، والناس لما تجي تتكلم يقولون زوجة المتفائل !!
حاولت معاها ، هاديتها ، علمتها ، صرت اقولها ان غيرتي طبعك بتشوفين مني اشياء جداً جميلة
صرت احفزها ، لكن ابو طبيع مايجوز عن طبعة ، وموضوع الثقة هي نهائياً ماتثق بنفسها ولاتقدر تعتمد على نفسها بأي شي ، وهذا غلط امها اللي دلعتها لين اخربت ، حاولت أطبعها لكن مايفيد من شب على شي شاب علية !!

المشكلة أن زوجتي جاهل وصغيرة وماعندها اي ثقافة زوجية تخيلي أنها أتوصل مشاكلنا حق امها وخواتها ، حتى خصوصية مثل الخلق والناس ماني مستمتع فيها ، حااااولت معاها بس الضاهر اني أنفخ بقربة مشقوقة.

نت مان
اتصدق وصلت لمرحلة من الخبال ، قلت لنفسي يمكن فيه الوان للكذب ، وان الابيض مايناسبني ف ليش ما اجرب باقي الالوان يمكن أتأقلم مع لون منهم ، خصوصاً اني يأست من إصلاحها !! الكذب سرطان الروح ، إن أستشري بأحد مايرحمة!!

ambitiousdream
سميها : لكاعة
تهاوشنا وطلعت من البيت لانها قامت تبكي ، جيت للبيت لقيت بطانيتي ومخدتي وبجامتي بالصالة ، يعني تراك مطرود ، كبرت وسادتي مالي خلق هواش معاها ونمت .

فتاة فاشلة
الله يرحم والديك انا قلت نفسج بعد ، بس مسز داني اكلتني بقشوري ، روحي فهميها.
وبالنسبة لتعليمها ماكملت تعليمها الثانوي : الظاهر كانت مشغولة بالتصحيح ونست دراستها !!

الفردوس غايتي
فيه حريم إرجالهم مايحبون الحقيقة لأنها ماتجي على حسب مايشتهونة ، ف تلقين حريمهم يأسوا من الصدق معاهم وصاروا يتجنبون المشاكل معاهم بشوية كذب يسلكون في حياتهم من غير خصام ومشاكل نفسية ، بس فيه أرجال يتلذذون بالصراحة والحقيقة حتى لو كانت الزوجنة مخطأة ، ويقدرون ويثمنون لها حقيقتها وصراحتها على حساب خطأها ويتعاملون مع خطأها كأنها ريح باردة ، وانا من هالنوعية هاذي.

والله العظيم مافيه شي ممتع بالحياة مثل الصراحة ، الصراحة تختصر اكثر الطرق وعارة !!

الجنتل
حيلك فيهم ، وبالذات الفردوس غايتي ههههههههههه امزح

بيتا
ناقشتها وفهمتها وخليت تشوف الموقف الديني من الكذب وصرت احفزها واقولها انا ما ازعل من الحقيقة بالعكس ارتاح واستانس حتى لو كنتي مخطأة بس انتي جربيني ، مو ناقص إلا اجيبلها باربي وأوعدها ان صدقت اوديها ملاهي !!

هي دايماً لما تبي تبرر كذبها تقولي أخاف منك ، نظراتك وسكوتك يخوفوني ، ف اقولها بما انك تخافين المفروض تسوين الشي اللي ينقذك وإلا اللي يهلكك ؟ تقولي اللي ينقذني ، ف اقولها ليش يالخبلة تروحين للي يهلكك.

صرنا لينين ومافاد ، والله يابيتا نفسيتي جداً جميلة ومتسامح واحب المزح والضحك ، وماني عصبي أبداً ، وأتقبل كل شي حتى زلات اللسان ، بس مايخليني أفقد أعصابي إلا الكذب !!

صرت أحس أنها لما تكذب علي كأنها تقولي انت غبي !!!

__________________
استغفر الله واتوب إليه

عشان ما تظل تنقخ بقربة مقطوعة شوف جذر المشكلة وعالجه مو تعالج الفروع .

سواء عجبك أو لأ فبإعترافها لك تقول لك انه السبب هو خوفها ..
وانا بعد قلت لك تخاف منك ... واضح ...
الحين انت حباب وأمور ما اختلفنا بس هي لا زالت تخاف منك
ولو تقعد من نا ليييييييي عشر سنين وانت تقول لها أنا ما أخوف وأنا أحب الصدق فهيا لا إراديا بتسلك الطريق اللي يشوفه عقلها أسهل . عاد هو صح أسهل أو لأ فهذا عقلها وهي حرة فيه


شنو الحل ؟؟؟ الحل أنك تقوي ثقتها بنفسها ...لما تثق بنفسها بيروح الخوف وبتقول أنا غلطت بكذا وكل الناس تغلط .. بالفم المليان .. بدون ما تخاف من ردة فعل أحد .

كيف بتقوي لها ثقتها بنفسها ؟؟؟ شنهي خطواتك ؟؟ هات أشوف ... قول لي

__________________

خخليها تكمل دراستها
والله الدراسة تنفع
تقوي الشخصية
و بتدخل مواقف
وتاخد دروس و عبر...و بتطيح مرة
وتوقف لحتى ما تتعلم
............

__________________

أخي المتفائل بالله ..

أنا مع آراء أخواتي العزيزات بيتا ومسز داني ..

والله اتضايقت لأجلها .. انت زوجها وتتكلم عنها بهذه الطريقة
وتخاف منك .. وتعصب عليها !!!!!

طبيعيي بعد هذا كله تكذب وتألفلك قصص..
تحاول تبرز شخصيتها عندك..

أنت تقول انها صغيرة وماعندها خبرة بالحياة الزوجية.. صحيح
كلنا أتزوجنا وماعندنا خبرة .. بس كل يوم قاعدين نتعلم

الله يرضى عليك ..
خليك أول واحد يعطيها دفعة ايجابية ..

_ أمدحها دائماً في لبسها وشكلها وعطرها .. ذوقها في اختيار الملابس أو الاثاث
صوتها .. رسمة عينها اي تفصيل دقيق فيها .. طريقة ترتيبها لشي معيين
لا تخليها تستناك تقولها كلمة حلوة ..
(( الجوانب الي هي تجذبها وتحبها امدحها فيها عشان تحس انك صادق))
ترى هذة اهم نقطة .. اذا اشبعت من هذة الناحية حيكون عندها ثقة كبيرة

_ اذا قالت رأي عجبك اثني عليه وبينلها قد ايش انت معجب بتفكيرها

_ دائماً اعطيها ايحاء انها الانسانه الفاهمه العاقلة .. وشخصيتها تعجبك

_ ابدأ بصفاتها الايجابية واذا في شي مايعجبك لمحلها بعد ما تذكر الايجابيات

_ أبداً لا تقولها انت كذابة .. حتى لو كذبت .. مشيلها كم مرة وممكن تقولها بالغتي أو تحبي المزح
وانتبه قدام الناس تنزل من قدرها .. حتى لو ماتقصد..

_ الصدق أهم صفة تربط بين 2 في أي علاقة .. لابد يكون الاحساس متبادل في هذة الناحية
يعني خليها تحس انك اول انسان يثق في كلامها..
اذا وقفت معاها اكيد مارح تتجه للكذب ..

الزوجة المفروض ما تخاف من زوجها .. هو مصدر الأمان لها بعد الله واهلها

الله يهدي سركم ويجمع بينكم على خير
.
.

__________________

>> لا إله إلا أنت سبحانك إني كنت من الظالمين <<

زوجتك ربة بيت ... من الواضح .


إذا بدأت تتجاذب وإياها أطراف الحديث....تريد هي أن تتجاوب معك لكن قليلة هي الأشياء التي تحصل معها فعليا

عكسك أنت ربما

فتحاول مجاراتك ... تحاول أن لا تبدو أمامك بدون ماضي أو شيء مهم حصل معها

فإذا بك تكذبها وتطلب منها الحقيقة بهذا الشكل الذي على حد كلامك (أخافها) منك

لا أعتقد إن تصرفك حكيم أبدا

أعتقد إنه كان يجدر بك أن تسلك طريق ملتوي في إيصال رسالة لها مفادها إنك تكره الكذب، لأن إحراج أي إنسان بهذه الطريقة هو أمر مؤلم على أي نفس تحترم ذاتها وأنت أحرجتها

ما هي اهتمامات زوجتك ؟؟ بماذا تشغل نفسها عادة ؟ حينما لا تكون موجودا

__________________
إن كان في العمر بقية مما مضى * * فالعيش في صدق هو أول الآمال.

والله عورت قلبي زوجتك

حسيتك جلاد جدامها وتحاول انها تستميلك وانت تحاول تنبش بالكذب والا الحقيقة

انا خابرة الرياييل يكبرون عقولهم عن سخافات الحريم مؤ يحاسبونهم عالكلمة والزلة


ويكون بعلمك انا زوجي جذاب ونصاب درجة اولى وادري فيه انه جذاب

بس ما اذكر أني قلت له انك جذاب

__________________
لا اله الا انت سبحانك اني كنت من الظالمين

ياحظ زوجتك تسولف معاها بالطريق !!
أنا طريق سفر كاامل ماقلنا ولاسالفة ,,
تويتر وواتس أب ,,
والزوج الجميل العزيز اللي يااارب إنه يقرأ ردي هذا مايحب يسولف أبدا ,, ويقول هذا طبعي !
بينما لو أنا قلت هالكلام يقول مافي شي اسمه هذا طبعي لااازم تغيرين طبعك ,,
حلوها عاد أنتم .,
ياليت زوجي يسولف علي حتى لو كان يكذب !!

احس ان زوجتك تحاول تجاريك بالكلام وتجيبلك قصص تونسك لأنك قصصك تونسها ,,

بس انت معقد وقاعد لها على الحبه كسرت خاطري ,,

اكيد ماعندها مغامرات وهي صغيره فقامت تبهر قصصها علشان تعجب فيها ولاتمل من سوالفها ,,

واخيرا فيه فن اسمه التسليك سلكلها علشان تكسب قلبها ..

__________________
سبحان الله وبحمده..سبحان الله العظيم..

:*

جميل أن نذكر الله عندما نرى أمر يعجبنا حتى لانضر مسلماً
دون قصد منا
فلذلك : اتمنى أختي بدلاً من كلمة ياحظ زوجتك كلمة ماشاء الله

:*

__________________

:*

أخي في الله المتفائل
زوجتك معجبه جداً بك لدرجة تجعلها تشعر أنك تفوقها في كل شيء وتشعر
معك بالنقص أو أنها لاتعجبك ولا أعلم هل بيوم قد ألمحت لها بأنك تجدها غير متكافئة معك أم لا..؟

فهي تغطي شعورها بالنقص ببعض الكذبات
وتحاول أن تفوز ببعض أعجابك وتلفت نظرك إليها وتريد أن تشعر أنها تعجبك
وأنها تروق لك وتريد إيجاد حديث مبهر مماثل لحديثك وحياة تخترعها بأحداثها
تشابه حياتك الممتلئة لتتكافىء معك بجزء من هذه الحياة

ومن الغلط أن تقول لها بكل صفاقه أنتِ كذابة
خذها بالكلمة الحسنة وحول الموضوع لدعابة وأضحكا معاً عليه
فلن تتجرأ مرة أخرى على الكذب وستجد أنك تستحق أن تكون صادقة معك

تواضع لها وتقرب منها وأرفعها لسقف طموحاتك وأمنياتك وعلمها كيف
تكون واثقة من نفسها ومعتده بها بلا أكاذيب زرقاء أو حمراء أو فسفورية

وفقكم الله

:*

__________________