اذا المراة هي المبتزة معقولة مايعاقبونها؟

حالات نادرة تكون المراة هي المبتزة واذا للحين مابعد يسن عقاب عليها

فاكيد سوف يضعون عقاب لها كعقاب الرجل المبتز

لكن يمكن لان الحالة نادر ماتجي فمابعد يضع العقاب

لاتقول لما لم ترفض الفتاه الامر منذو البدايه

ايا كانت اسبابها ضعف ديني ثقه عمياء هروب من واقع

المهم انها ماكانت تامنه على صورها ليبتزها فيما بعد

يعطل توبتها كما نشرت صحيفة سبق عمرها 17 سنه حبت واحد

صور لها عمليه اغتصاب فصار يجبرها على تصوير نفسها عاريه

وبعدين صار يجبرها انه تقابل اصدقائه

هي صارت تقوله خلص ماتبي وهو يهددها بالفضيحة

وكثير حالات كذا طلعت معه مرة وبعدين تبي تبطل وهو يضغط عليها بكم صورة


بتقولي يمكن مابي تطلع معه بس تبي تطلع مع غيره فهنا يعني ماتابت باقولك ماندري بالغيب

المهم الظاهر هي رافضة الاستمرار في هذا الطريق يعني تبي تتوب


معاقبة المبتزة انا استنتجته من طرحك

لكن اذا كان ماحد ابتز الثاني وصادتهم الهيئة صدفة

فماعرف وش عقوبتهم بهذي الحالة

لكن الستر زين
الي دارج بالاعلام الحين اكثر الصيدات تكون انها تبلغ الهيئة من بعد ابتزازها


بعضهم يقولون كمين للشاب

الي اعرفه انه الهيئة تصيد الشباب بالمجرم المشهود يعني مو مجرد انها بلغت عنه

فكيف يكون كمين من البنت للشاب

الله يستر علينا وعلى ذرياتنا واحبابنا والمسلمين والمسلمات دنيا واخره ..

ايام مراهقتي .. كانت تاتيني مكالمات عابثه .. وتهددني بدون اي وجه حق ..

وكنت اردهم و بثقه لاني اعرف ان ورائي اهل سيثقون بي ..

مهما بلغت حدة التهديد .. لاني على ثقه حتى لو قال اسم عائلتي لسابع جد وتاريخ ميلادي ,,,ووووو ..

مادامي مااخطيت اكيد مابيده شي ...

اتذكر اول اسابيع الزواج .. كان زوجي ماخذ لي عبايه راس اكبر من مقاسي خمس مرات وقفازات سودا وشرابات سودا تكرمون ..

شرط عشان يطلعني البسهم ..

المهم نزلت للسوق معه محل واحد ورجعنا لسيارتنا المضلله على الاخير الا من قدام وسياره شبااابيه ..

وبعدها نزلنا للمطعم .. وانا في المطعم لاحضت ان في واحد ملتحي يناااظرنا من بعيد ..

وماعجبنا المطعم وطلعنا .. الا الجمس حق الهيئه عند الباب .. مستعد ..

وفي اثنين واقفين قدام الباب يناظرونا ..

ومسكو زوجي قالو .. وانا انحشت للسياره ..

قالو لزوجي هذي سيارتك .. قال ايه ..
من الي معك .. قال زوجتي ..
قالو له جاينا بلاغ ان في واحد يفرفر بالحواري معه وحده متنكره .. و يتمشون بالسوق ..
المهم بالاخير .. طلعت ماعرف امشي بالعبايه الوسيعه .. الله يهديني جبت الشبهه لنا ..

بس مايمنع اني احترمهم جدا ..ورقمهم دايم بجوالي ..

__________________

اخي الفاضل واستاذي البليغ..

سأغير معرفي الى ( اصبحت مشكلتها) لان هذا الواقع

اما حكاية الشحن فخذ من هذه النوعية اشكال والوان .. فالاتصالات وتقنية المعلومات اوغلت تكلك الجروح المنتنة.. وعم بلاؤها معظم البيوت للاسف..

صدقت ياعزيزي البليغ فالساقطات يغتنمن الخرفان من الذكور .. ويعصرونه لآخر قطرة ويستاهل الخروف اللي يجيه

اما هيئة الامر بالمعروف فانا اناصرها واناصرك في الدفاع عنها لان الحسبة شعيرة تجعلنا خير امة اخرجت للناس.. وانا معك في كل ماتقوله.. ولكن واقع الامر ان ما انتقدته انت من ترك الساقطة ومعاقبة الشاب يبدأ من محضر الضبط الذي تتولاه الهيئة من حين بدأ الكمين الى ضبط الحالة الى افلات الساقطة لاهلها بتعهد خطي ولا تسجل عليها حتى سابقة في ملفها الشخصي.. في حين يتطور الامر مع الشاب لتسليمة للجهات التنفيذية والقضائية وامضاء العقوبة وتسجيل سابقة اخلاقية في ملفه..!!
الله يقويهم على الخير ويصلح شأنهم ويزيد من نصرتهم ويجعلهم عيون حق واياد بطش لكل منكر في بلاد المسلمين.. وان يمكنهم ولا يمكن عليهم.. وان ينصرهم ولا ينصر عليهم ...

__________________
ان انت اكرمت الكريم ملكته.. وان انت اكرمت اللئيم تمردَ!!

وش الي الغلط الي تشوفه بالضبط هنا ؟
كون عقوبة الرجل عظيمة .. او كون البنت عقوبتها
بسيطة ؟

اذا كنت تستنكر عقوبة الرجل وتحسهاكثير
فتذكر انه كان بيلعب بعرض وسمعة البنت
هالشي بحد ذاته يستاهل العقوبة الي ذكرت

اذا على البنت ! فليش تعاقب عقوبة عظيمة ؟
على اي اساس ؟

اخوي البليغ يبدو عندك لبس بالفهم
الرجل استحق العقوبة مو لانه كلمها
لانه ابتزها وحاول يلعب بعرضها وسمعتها

البنت ما سوت هالشي لذلك صارت عقوبتها اخف
من عقوبته شي طبيعي .. 90 بالمية من القضايا يكون
فيها الرجل هو المبتز لذلك يستاهل السجن - التشهير الخ
والسبب مثل ما ذكرت لان العرض والسمعة شي ما ينلعب
فيه

تقصد بالي انا ظللته انه مثلا اعطته صورها ؟
او مجرد انها سوت معه علاقة تلفون ؟
هالشي مايستاهل العقوبة الكبيرة ! لانها سواء كلمته
او اعطته صورها ضرت نفسها اولا واخيرا ! وبالتالي
بينها وبين ربها ..
بينما هو باستغلاله الصور بيضرها هي !

هل تتوقع من الهيئة تحاسبها على ضرر سببته نفسها ؟
لا طبعا ..

البنت لمن تعطي الرجل صورها فهي عرضتها لشخص
واحد ن لكن الرجل اذا بينشر صور البنت فهو بينشرها
لمئات الناس .. هذا الفرق

بشكل عام اذا فرضنا ان الحكم غير عادل وانه فعلا قد تم الكيل بمكيالين
في العقوبة النهائية بهالموضوع ، بالمقابل شف كم المواضيع (موضوع واحد )
يكال فيها بمكيالين ضد المراة !

شكرا لك

__________________



احيانا يجب ان نفقد ذواتنا كاملة لكي نستعيدها كاملة ...

عن نفسي اقول الخطا الاكبر ع الرجل
والسبب :
هي آولآ طبعهن يجرون ورآء العوآطف وشهدتة الرجل عنهن بشهادتين رجل وامراءتين
ثانيا للمرأة قلبين وليس كالرجل بقلب واحد صلب
ثالثا أمر الطلاق للرجل وليس للمرأة
ووووو
الكثير بيد الرجل وليسه للمراءه
لكون الرجل اعقل من المراءه واحكم منها
والفتاة التي لها علاقه مع الشاب تجدها دوم خايفه وتحذف كل شيء باول باول ولا تحتفظ اي شيء يمد له بصله حتى لا احد من العائله يشك فيها
ومجرد الشاب يقول لها ابتعدي تبتعد ع طول

لكن الشاب العكس لو هي طلبت الابتعاد او اتوبه لا يوافقها بل يبداء بكشف عن حقيقته ويبداء يهددها
وايضا يخبراصدقائه واصدقائه يبدون بمضايقتها وووو
ليس كلامي مجرد كلام انما عن تجربه خضتها

تذكرت سالفة واحد من اقاربي
كان يعكس بنات كثيرات ليس بنت واحده لما طفش من وحده انتقل لوحده وهكذا
واخته كم مره تنصح فيه وان هذولي بنات الناس لكن لا حياة لمن تنادي
بعدها تخرج وتوظف بعد الوظيفه ترك المعاكسات وراح يكون نفسه بنفسه ليبني حياة الزوجيه حتى تزوجي والان متزوج وله ابناء

هنا

مامصير الفتيات الان الذي كان يعاكسهن ولد عمي

اناقولك

1- اما كفشوها اهلها وحرموها من كل شيء وسابينها وشامينها ليل ونهار واصبحت خادمه فقط وليسه ابنه لهم وينتظرون الزوج العاجل لياخذها ويستريحون

2- اما بنت خرجت معه وضاع شرفها والان اما قتلها اهلها او انتحرت او سجنت في البيت لا زوج ولا ابناء

ارأيت ليه الرجل يستاهل العقوبه وليست المراءه
لانه عيبه شايله والف وحده تتمناه لكن الفتاة تضل فينظل المجتمع فاسق فاجره

الأخت الكريمة/ لؤلؤة الصباح
-شكراً لمشاركتك وطرح رأيك مرة أخرى.
:::
الأخت الكريمة/ توفي
-شكراً لمشاركتك.
:::
الأخ الكريم/ مشكلتي زوجتي (أصبحت مشكلتها)
-صدقت.. فمن يرضى على نفسه مثل هذا فليحتمل ما يأتيه بكل طيبة نفس.. وما أكثر الخرفان المصدقين للسخافات.
-الحمد لله الذي عافانا مما ابتلاهم به وفضلنا على كثير ممن خلق تفضيلا.
-هذا ما يزعج في الأمر وهو تركها.. ومعاقبة ذاك الفتى فقط.
:::
الأخت الكريمة/ مدن السلام
-ومن سمح له أن يلعب بعرضها وأخلاقها؟! أليست هي أم غيرها؟!
-ربما لدي لبس في الفهم.
-أحترم رأيك في كل الأحوال.. وشكراً لمشاركتك.
:::
الأخت الكريمة/ مشكلتي صعبه
-بارك الله فيك لقد أدخلتِ مواضيعاً في مواضيع أخرى.
-شطراً لمشاركتك وأحترم رأيك.

اسمحي لي اختي مشكلتي صعبة
يمكن هذه مشاعرك نتيجة تلك التجربة تاب الله عنك و عن الجميع
,,
لكن ما دخل الطلاق بيد الرجل !! لتخون المرأة
و من قال أن للمرأة قلبين!! المرأة تحب شخصا واحدة و لو ما حبت زوجها
لا تبرر للحرام
فحسابها عند الله مثلها مثل الرجل
و لو أقفلت كل طرق التواصل لما اقترب منها الرجل , فهي لا تحتاج لأشارة منه للتوقف ,,,
أين ذهب أيمانها و خوفها و الفرص التي لديها

..
لنعد للموضوع
أستغرب فعلا ,,,ضغطة زر لبلوك أو اقفال سماعة أو صمت و تجاهل
ليست أفعال قوية ليصعب عليهن فعلها !!! هذا غير شرفها و سمعتها و الخوف عليها

و لا حول و لا قوة إلا بالله
أكره تلك القصص ولا أجد أني أتعاطف مع أي منهما,,,,و الله أعلم بالنوايا إلا إذا كانت توبة خالصة
فالرجل يبتز ليقع بعلاقة جنسية هو ليس خاسر فيها جسديا !
و امرأة خافت من الفضيحة و عند الأبتزاز أحست بالخطر
هنا ذاك الرجل لا يدع لها فرصة للتراجع قبل أن يلوثها
فضاع المذنب من الظالم
و لو أني أرى أنه لو ابتز الرجل يكون ذاك ماديا و على حساب نفسه
و المرأة لو ابتزت فيكون ذلك على حساب شرفها و حساب أسرتها للأسف
,,,

__________________

الأخت/ مسز داني
-أحسنت القول.
-وأنا كذلك أكره تلك القصص.. وبيّنت هذا في الموضوع الأساسي.
-القلوب لا يعلم سرائرها وخوافيها إلا الله.. وحقيقة التوبة وصاحبها لا يعلمها كذلك إلا الله.

الان عندي سؤال : هل تقصد بسؤالك هذا
ان محاولة الرجل فضحها نتيجة طبيعية لكونها سمحت له ؟

اي ولا لا .. ؟

__________________



احيانا يجب ان نفقد ذواتنا كاملة لكي نستعيدها كاملة ...