أختي شذى30

اشكرك على النصيحة وسأبحث عن الكتاب لعله يفيديني

[line]

الأستاذ

أخوي حنا نسولف لكن مو بكثرة وبعدين هي مو راعية كلام وأنا مثلها

بس بعض المرات تطلب مني اخرط لها كل اللي عندي

[line]

!ام خالد!

أنت متصورة إننا ساكتين طول الوقت وعيشتنا بتقصر العمر على قولة المصريين لا الوضع عادي بس أنت كبرتيها شوي كل ما في ذلك أننا ما نسولف كثير ممكن هي تقلب بالتلفزيون وانا بالانترنت وكل واحد مشغول بحاله وممكن كل واحد يجدع له كلمة نعبر أنفسنا بكم كلمة عن قولة ما يسولفون وبعدين أي واحد ما يكلم زوجة يكون احتقار طيب إذا ما عندي سواليف أو أنا طبعي ما اتكلم هل يكون احتقار للمرأة أنتم تأخذون الموضوع أكبر من حجمة وعلى فكرة خليتها تشوف الموضوع وتشوف ردودكم بس للحين ما سألتها عن رأيها

*&* لولو *&*

والله يا أختي لولو كثرة الكلام بدون فايدة يفقع الرأس

أحيانا تسولف لك زوجتك عن أشياء مثل المكياج وغيره ولا لي فيها أعجز أدخل جو معاها أقول كل شي ايه بس مو لمها بالي بشي ثاني
وهي بعد لما اسولف لها مثلا عن الانترنت ما تدري وش السالفة واعذرها مو من اختصاصها وبعضهم هنا يقول لازم تسولف معها أنت وهي بنفس مجالكم طيب ما اقدر

الحين لا دخلت مجلس عام من الشباب وكلهم يتكلمون مثلا عن الكورة طيب مو من اختصاصي الكورة اطفش من المجلس واطلع ولا العب بالجوال لاني بصير من الاطرش بالزفة

[line]

طاوعت قلبي

صح مو كل الحريم بس يغلب عليهم هذا الشي

[line]


_طاوعك قلبك_

أي تنقلب حياتي والله الحمد لله زي العسل

ونسولف بس عادي اقل من المعقول

[line]


jeans

ويالله يمكن أكون مأخذ فكرة غلط

واقولك أن فيه حريم أزين من الرجال

ونحمد لله على كل شي


[line]


m_alaaelden

تصدق أخي الكريم إني لا أحب الحديث مع الزوجة عن المستقبل ولا عن أي مشكلة تواجهني فطبعي الكتمان في هذه الأمور مع زوجتي ومع غيرها ولا أحدث بها أحد

أما الحديث عن الماضي فهي قريبتي وتعرف ماضيي أكثر مني

ويكفيني منك هذه الدعوة المباركة جزاك الله خير

ودمت بخير


[line]


zakzoka_e

أخي الكريم زوجتي واكن لها التقدير والاحترام الحمد لله والحياة بيننا من أفضل ما يكون ولله الحمد وهذه نعمة من الله جل وعلا وأسأله أن يديمها لكن أنا قليل الكلام وهي قليلة الكلام ونحتاج إلى من يضغط الزناد حتى نشتغل ويستمر الحديث لان بداية الحديث حديث

ناصر 966

شكرا لك أخي

ولا توصل للنصب حتى الآن شكلنا نبي نضطر له


[line]


لوووبا


يا سلام عليك أشهد إنك راعية بيت أول رد بصراحة يعجبني

لابد يكون الجو مهيأ للحديث فيه شي يجذب أما زي ما قلتي تنق عليه سولف لي ما تضبط يبي لها جلسة ويبي شي يحرك الضروس

[line]


دلع ودلع

المرأة غالبا تفشي الأسرار من غير قصد من كثرة ثرثرتها تخرط كل عندها سر ولا مو سر


[line]


!ام خالد!


أشهد أنا لوووبا جابتها

أنا والله من الناس أحب القهوة والرطب والشاهي

ولا الله لا أخرط اللي ما ينخرط طالعة من قلب

يا خي ليش ماتسولف عليها
والله لو أني متزوج لا أخصص كل يوم فترة سواليف



بعدين قل لزوجتك اللي بينا يبقى بينا مابي أحد يدري عنه
وهي اكيد اذا كانت تحبك مب رايحه تقول لاحد


أبنصحك نصيحه أنظر لزوجتك على انه حبيبه مب زوجه
طبق هالنصيحه وفالك طيب

هذا الشي بالحريم محد يقدر ينكره ....... حتى روح عزومه وادخل عند الرجال وبعدين ادخل عند الحريم صح

بتحصل الرجال يتكلمون ويقولون اشياء لكنك اذا رحت عند الحريم بتلاقيهم اخس من الرجال ب3 اضعاف ......

اصلا الحرمه اذا ماتكلمت وقالت اعتقد بتكلم الجدار يعني تحس فيها دوده ماتقدر الله يعينهم بس فعلا محد يقول

شي للحريم مره خطيرات تراهم ولا السي ان ان .

وليش ماتبي تقولها مسكينة تبي تسمع منك الخريط والمخروط تعب لسانك شوي وقولها على الاولي والتالي حت الاشيا المومفهومة بس حسسها انك ماتخفي شي عنها وانك تحبها لدرجة تقولها نشاطك بكل ثانية ..
وبعدين شنو النظرية احنا الحريم لما نحب بقلب مانفضح بالجرايد النظرية للرجال مو للحريم

تحياتي لك موفق انشاء الله

والله موضوع حلو والتعليقات حلوه بعد هههههههههههههههه


وبصراحه الحريم فعلا يحبون الكلام وانا وحده منهم........بس مو بالاسرار وخراب البيوت ابد ..... كثير من الحريم يدور حديثهم عن الموضه والمكياج والسهرات و....و.... مثل الرجال اللي تدور احاديثهم حول الكره و الرياضه والسيارات و...


وفيه عينه من الحريم والرجال يموتون ويتكلمون باسرار البيوت ......

واحس هذا الشي واضح، المرآه الذكيه المثقفه هي اللي تعرف وش تتكلم ووش تقول برا البيت لانها قبل تخرب بيتها وتزعل زوجها فهي بتغضب رب العالمين، وبتعرف كيف تتكلم مع زوجها بعد وباي مواضيع ووش الوقت المناسب وما تطالبه انه يتكلم معاها مثل ما تتكلم معاها صديقتها او اختها وبالمقابل الرجل ما يطالبها انها تكون مثل صديقه مثلا ،وبصراحه انا ما اجد ابدا ملل من سواليف زوجي عن اي شي يحبة حتى بامور الرياضه والسيارات .واكيد ما راح اكون انا ثقيلة واوجع راسه بالكلام عن الموضه بس بلقا مواضيع احبها ويحبها هو بعد ، وكل شي باعتدال يعني كلامنا مو قليل جدا ، ولا كثير.
تذكرت قصة قريتها قبل الزواج فادتني كثير وخلتني احذر من كثرة الكلام مع زوجي عن الاشياء اللي احبها فقط ...... تقول القصة انه كان فية زوجه تشكي لامها من بعد زوجها عنها ، وما يحب يقعد معاها ، سالتها امها وش يقضي وقته فيه قالت مع الحمام ، قالت لها روحي اشتري كتاب عن الحمام واقرئي فيه، وبعدها روحي معاه للحمام ،وفعلا اخذت الابنه بنصيحة الام ، وصار وقت الزوج كلة معاها ، واتوقع ان الزوج راح يحب حتى المواضيع اللي تهم الزوجه بعد كذا.

صدق اني حرمه احس اني حكيت كثير ههههههههههههههههههه

بس والله ودي افيدكم والله يوفقكم ويخليكم لبعض ولا تنسونا من الدعاء.

مو كل الحريم الحين تغيروا

__________________
ربـــــــــــــــــاه


ليتك تحلـــــــو والحياة مريرة *** وليتك ترضى والأنام غضاب

ليت الذي بيني وبينك عامـــر *** وبيني وبين العالمين خـراب

إذا صح منك الود فالكل هيـن *** وكل الذي فوق التراب تراب

رجل طيب ومتسامح

أجل تخصص كل اليوم سواليف عشانك عزوبي ولا تزوجت إذا تزوجت تبي تلزق فيها بالكثير 6 شهور ثم ترجع الحياة لوضعها الطبيعي

أما السواليف صح لو قلتها لا تعلمين ما تقول لأحد بس كل سالفة بقولها لا تعلمين أحد


[line]


ضاحي

هلا ضاحي الحريم يغلب على حديثهم الحش بالناس معذورين ما يدرون وش يسولفون فيه


[line]


تاهئة الحياة


يعني الحب ما يظهر إلا بالخرط مو دليل بس إذا كانت زوجتي ما تفهم على شغلي وسواليفي ليه اتعب نفسي لانه بعض المرات تحتاج ترجمة لبعض الكلام ( الشغل ) ثم يجيني احباط واسكت احسن لي

[line]


ما فيه اسامي

كلام الحريم كله حش بالناس نبي سواليف جديدة وكلام مفيد شكلي بجيب بلاستيشن وبلعب انا وياها اصرف بس ما تعرف تلعب كورة ههههههههه


[line]


لام الحنون


أدري مو كل الحريم بس اكثرهم كذا

والله العظيم انك ضحكتني يا طالب الفائدة..............انا زوجي نسخة منك وسبحان الله ما يتكلم واااااااااااااايد ولا يقول اي شي واحس اني الوحيدة اللي فاهمتنك......زوجي ما يحب يقول مشاكله لأنه يريد يحل مشاكله بروحه .......وبعدين اهو من الدوام للبيت ومن البيت للدوام..........فما عنده سوالف وانا عاذرتنه بس انا طبعي احب اسولف.........استنى زوجي لين ما يرجع وينام وبعد صلاة العصر نشرب انا جاي وهو قهوة وناكل سويت(حلاوة) ورطب.........واحب الكلام منه حتى لو ما يبى يقولي.........على العلم ان زوجي ملازم ما ادري انه من سوالف البزنس........وبعد الزواج اكتشفت ان زوجي تاجر وعنده محلات ولا قالي عليه إلا بشطارتي