طيب خلها تدخل وتشوف موضوعك -اجلس معها بهداوه وقول لها انتي الحين شايفتنا عايشين براحه زي باقي الناس؟؟ انا رجال لي حقوق وابسطها اني اجي القى غداي جاهز وثيابي مغسوله ومكويه -قلها شوفي انا كتبت موضوع بمنتدا وابغاك تقرينه بعدها -ان تعدلتي وصرتي مره والا بطق لي ثانيه تحشمني وتراعيني-ونصيحتي لك الايام الجايه تكون حازم معاها -تجبرها تطبخ وتجبرها تغسل ملابسك وتكويها وتحرمها من بعض الطلعات الين تتعدل -وحاول تثقل عليها عشان هي تروح تدورك-بالنسبه للجنس اهجرها فتره تصل لكم اسبوع خلها تتسائل ليه؟؟ وتجي تدورك احس زوجتك يبيلها كربة حجاج وتمشي-

طيب هل تحس انها تحبك؟؟؟

هذي مايادبها الا زوجه ثانيه

الله يفرج همك ويبدل احوالكم للاحسن ..

__________________
الناس يمحون ماضيك الجميل مقابل آخر موقف سيء منك ، و الله سبحانه يمحو ماضيك السيء مقابل توبة منك ، فأيهم أحق بطلب الرضى ؟

انصحك يااخوي خذ بالردود الزينه واللي تعمر بيتك ماتهدمه

وخل عنك الطلاق والزوجه الثانيه ومدري ايش

زوجتك الحمدلله مافيها عيب كبير بحيث تستحيل الحياة الزوجيه معها

اولا عمرها صغير وحالها من حال الكثيرات تربت على الخدم وامها تطبخ وتنظف وتلقى كل شئ جاهز

وصرت من نصيبها والنعم فيك ماشاء الله دلعتها وعاملتها من احسن مايمكن

فالخلل اخوي انها لسى ماعرفت واجباتها

كلمها بكل صراحه وقولها انا متضايق من كذا وكذا وكذا

وحتى انا مااحب اني امد يدي عليك وازعلك وووو ووو

افتح قلبك لها وعاونها انها تبدا من جديد واصــــــبر التغيير مايجي على طول

وحط ابالك ماجلست معاك 3 سنوات وجابت منك بنوته ربي يحفظها الا بقلبها لك معزه

بس الحريم وخذها مني مزاجيات وكلمه توديهم وكلمه تجيبهم

الحل بين يدينك جرب معها المصارحه جرب انك تساعدها بالترتيب وتعلمها واذا شفتها سوت شئ كافئها


انت ادرى بزوجتك واعرف مننا بشخصيتها وش اللي ينفع معها وش اللي مايضبط

وبعدين لمن تصارحها خلها تفضفض حتى لو عيبت عليك اسمع لها عشان تكمل الصوره عندك

يمكن فيه امور انت فاهمها غلط وهي من جهتها فاهمتها بطريقه مختلفه

صدقني مافي احلى من الصراحه + الصبر

وعمرررررك لاتعطي الشيطان مجال يهدم بيتك وتتشتت بنتك

كل بيت وفيه مشاكل

موفق

أعوذ بالله
شسالفتهم الحريم ؟!!
يمكن هذا رابع أو خامس عضو يشتكون من نفس السالفة الله المستعان
طيب ابي أفهم طالما البنت على هذي الشاكلة وهي عارفة نفسها ليه تتزوج؟ وتورط الرجال
ولا تحسب الزواج طلعات ووناسة وسفريات وفلوس؟؟
إنت تحتاج الحزم الحزم الحزم مع زوجتك
مو بكيفها ماتنظف مو بكيفها ماتطبخ ومن قلة الحيا تقعد تسب وتلعن وتقول الله لايردك ؟!
ومو حلوة بحقك تقعد تترجاها عشان الفراش وبالأخير تهون
أحسها مذلة
إنت ذكرتها إنه الملائكة تلعنها حتى تصبح خوفتها من عقاب الله
مسكتها وكلمتها بصراحة وأسلوب حازم ويخوف شويات

__________________
اللهم اجبر كسر قلبي وروحي اللهم آآمين
دعواتكم لي بالوظيفة الصالحة فانا بأمس الحاجة إليها
سبحان الله وبحمده سبحان ربي العظيم
فزورة مطبخنا اليوم
علينا اللون وعليك التنسيق مسابقة ممتعة وشيقة
امممممممم ماذا لوو

السلام عليكم

شف اخوي انا من زمان ما سجلت دخول لكن دخلت علشان ارد عليك واطلع

انا وضعي كان مثل وضعك بالضبط الا من ناحية الجماع لأني انا اللي ما يكون لي نفس من الهم والضيق من تقصيرها

قلنا عروس جديده وبندلعها ومصخوها

ماراح اتفلسف عليك واحط نقاط واحلل شخصيتك لكن هذي الحرمه ان عطيتها وجه ودلعتها رقت فوق راسك وارتفع صوتها

الحل اللي سويته انا طال عمرك : وبما اننا من قبايل ما تحب الطلاق

كلمت ابوها وقلت له لازم يجي يتغدى عندي اليوم لازم ولازم ولازم وقلت له والله لو ما تجي تتغدى عندي قسم بالله حياتي مع بنتك ماراح تستمر

قال خير ان شاء الله خلص دوامه وبدل وجا على طول لبيتنا قلطته بالمجلس وهو كله غبار والطاولات بغبارها ووسخه

وشرحت لخالي كل شئ وقلت له فهمها واشرح لها وكلمها انا ماحبيت الموضوع ينحل الا من راسي لراسك وقلت له ترا مافيه غدا وهذا حالنا كل يوم وكذا وكذا وكذا وكذا ........

وزوجتي ماكانت تدري ان ابوها جاي شاف الغبار واحس كانه تفشل وقلت لها وش بتغدينا اليوم خالي ضيفنا ردت وقالت ما طبخت رح جب من المطعم وشكل لنا مشاوي وحركات حلوه وهي مبتسمه قلت خير ان شاء الله والله وطلعت وجبت الغدا

تغدينا والأحوال ماتسر احد راح خالي وزوجتي انفجرت وقالت انت تتشكى عند ابوي انت وانت وانت وانت

وارجع اتصل على ابوها قلت الله يطول عمرك ياخالي تعال

جا ابوها قلت بنتك ماعاد ابيها الزوجه اللي ما تقوم بواجبات بيتها وتتحجج انها تعبانه من الوظيفه مابيها انا ماوافقت اتزوج موظفه الا بشرط انها ما تقصر بحقوق البيت وهذا اكبر تقصير

وابوها ما قصر قال لمي اغراضك مانتي كفو بيت وزواج انتي بتفشلينا
ومن ضفت اغراضها وراحت بيت اهلها اول ماترجع من الدوام بترتاح ابوها راجع من دوامه يمسكها ويصحيها ويشغلها ببيتهم مسح وكنس وطبخ وغسيل ملابس ولعن جدفها الى ما مشت على الصراط المستقيم

جلست عند اهلها حدود شهرين وانا ازورهم اشوف ولدي والعب معاه ونتقهوى ونطلع

اخر شئ هي اللي اتصلت وقالت ابي ارجع

والحين الحمد الله حامل بالطفل الثاني وما تغيرت معاها مثل ما انا وهي اللي تغيرت بفضل الله ثم ابوها

وارجع لمواضيعي اول وشوف حوالي 3 او 4 مواضيع طرحتها عن مشاكلي معاها ^_^ والله ما نفع لا كلام ولا تفاهم ولا هواش ولا تهديد ولا مسايسه مانفع الا شدة ابوها ورجع رباها من جديد وأهلها للزواج ومسؤولية بيت

نصيحتي كلم ابوها وقابله واجلس معه واشرح له كل شئ وخله ياخذها ويضغطها شوي وترجع لك فله شمعه منوره

وانتبه لاعزمته على الغدى وقالت المره ما طبخت لانه ماجاب اغراض اترس الثلاجه بما لذ وطاب ولا تخليها تقلب الموضوع عليك هههههههههههههه
وبالتوفيق

طيب مسكينة زوجتك با عاشق الجواهر ,موظفة و تكرف بعد الدوام,وش صار مدام الله منعم عليكم انتو اثنين موظفين ان تكون عندكم شغالة , بلاش شغالة ساعدها في التنظيف لأت اثنينكم عندكم وظايف ..
و يا صاحب الموضوع , تافف من الوضع خاصمها , لعل تعتدل و الله الهادي

__________________

والله يا اختي الكريمة موظفه وتكرف بالبيت وانا موظف واكرف بالمشاوير بعد فكلنا نتعب

هي تأدي واجباتها وانا اادي واجباتي

وانا اكرهـ الشغالات خصوصاً ان بيتنا ذاق المر بسبب الخادمه الأندونيسيه اللي سحرت اخوي الكبير من فتره ومازلنا نعاني منها الى الآن

وانا مو معنى انها تشتغل وتأدي واجبات البيت يعني خلاص انا بشغلها خدامه لا بالعكس
آخر مره اشتكت انها تتعب بالغسيل اشتريت لها غساله ونشافه ومكواه بخاريه كلها في جهاز واحد اوتوماتيكيه اشتريتها بمبلغ وقدره ابي راحتها مابيها تتعب وتنظيف البيت مو يومي بالأسبوع مرتين

وهي مبسوطه وتوها حست بمعنى الحياة والبيت ومبسوطه الحين اكثر من اول

وكنا نتهاوش في الاسبوع 6 ايام ويوم نتصافى فيه ونرجع نتهاوش

الحين بالـ 3 الى 5 شهور نتزاعل مره ونتراضى بنفس اليوم وماحد ينام وبخاطره شئ

عكس اول ينام كل واحد على طرف السرير لو تجي نمله تدفه طاح من السرير ههههههههه

والحمد الله رب العالمين متفاهمين ومنسقين احوالنا الماديه على اكمل وجه