__________________

ملكة ذاتي ..

انا تعبانة فعلا .. و احس بأعراض تتكرر من سنة و نص اقل شي ..
و الشيخ قالي ( فيك سحر ) ..

و لما أعطاني أشياء مقري عليها ..
زمزم و سدر و زيت زيتون و قرأت البقرة و نمت ..

شفت قريبتي هذه - مع انها ما كانت على بالي أبدا -
شفتها في الحلم و في نفس المكان الي جلست فيه في بيتي

شفتها بالحلم قامت و تطالع يمين و شمال و تتاكد ماحد شايفها
و ترش شي مثل البودرة او الملح جهة باب المطبخ

و انا باب مطبخي عالصالة ..
و انا من يوم جبت ولدي و حياتي فوق تحت بدأت تنقلب وراء بعض ..

اي احد علاقتي معاه كويسة
تخرب ماعرف ليه ؟

كلها خلال سنة و بشكل مفاجئ و لدرجة صرت أشك انه امي الله يرحمها
توفت و هي زعلانة مني ! بس افتكر انها كانت راضية عني ..
ماعرف ..

الى الان احس بتعب و ضيق و احلام مزعجة و ما احب اشوف احد او أقابل احد ..
و قالي الشيخ ارجع اسمع شريط الرقية الشرعية ثلاث مرات في اليوم و بتركيز
و لمدة يومين ..

و قالي الشيخ استمر يومين اغتسل بموية الزمزم المقري عليه و السدر و زيت الزيتون المقري عليهم ..
و بعدين ارجع له ..

و صرت دحين افهم نفسي .. متى ترجع لي الأعراض هذه ..

.
.

ما كملت ايش عملت قريبتي بعد ما زارتني و سافرت لأهل امي ..

جزاكي الله خير

مستفيد من فضفضتك

الحمد لله اخبار حلوه
والله يتممها بالعافية التامة والسعادة
عليك بالاذكار

__________________
اللهم اصلح قلبي وقلب ابنائي

كملي روح الطير
برجع اعلق على حالتك هو واضح جدا جدا انو منها استغفر الله العظيم يارب ليه الحقد يوصل إلى كذا 😔
يارب ياخذ حقك منها ويعافيك ربي من كل آذيه تعوذي دايم من شرور الجن والأنس

__________________

ياربي ياروح ناس ماتخاف الله كيف يطاوعها قلبها تأذي ناس بالطريقه هذه حسبي الله ونعم الوكيل ربي يفرج همك ويصلح حالك والله يثبت زوجك على طريق الحق ويسخره لك ويجعله كما يحب قلبك ويصلح لك ذريتك اللهم آمين

__________________



هل تتعرضين للأبتزاز ؟؟ أدخلي هنا

مفضلة المتزوجين 2011-2014



مفضلة المقبلين على الزواج 2014

.

اختي - الله يهديها - من الناس الي تحب تهرج في كل مكان و تبالغ بزيادة
و كانت كل ما جلست في بيت عماتي او أقاربنا او حتى اهل زوجها أو اي ناس
و صادف انه انفتحت سيرتي او كنت موجودة و زوجي جاء يأخذني

اختي اول شي تقوله ( هذه زوجها يحبها مررررررة و مرة رومانسي و ليت زوجي مثله ) ..
هي اختي كذا .. من يوم انا تزوجت الى الان .. بس شوي خفت دحين لما عرفت الي صار قبل سنة
و محاكم و غيره

و قريبتي دائماً كانت تشتكي من زوجها و تسبه و تشتمه .. و يضربها و تضربه هي
و دائماً يسافر على طول للعلاقات المحرمة و تقول لكل الناس
طبعا انا ما احكي لاحد منهم عن زوجي او عن حياتي الخاصة معاه ..

المهم ..
قريبتي هذه بعد مازارتني .. و كويس انه اختي كانت عندي ..
اول شي .. انقلبت قريبتنا علي و تغيرت علي فجاة .. و ما تكلمني ؟؟
و ما عرف ايش قالت لهم !؟
تاني شي .. راحت قريبتي لمدينة اهل امي .. و دخلت بيت تقريبا الأغلبية ..
مثل ما عملت معايا .. افتحوا الباب انا قريب من بيتكم !

بعد زيارتها للكل هناك .. صارت بين الأغلبية فيهم مشاكل كبيرة و وصلت للقطيعة الى الان تقريبا
و القروب تفركش الى الان ..

و بعد زيارتها لهم بسنة .. عرفت شي من وحدة من قريباتي الكبار و الي عاقلة شوي ..
هي شافتني أكلمها عادي و لا كأنه فيه شي .. و ضميرها شكله المها .. انها شايلة علي و انا مادري
و قالت لي ابغى أصارحك بشي ..فلانة من يوم نزلت عندنا .. و دخلت بيتي ..

جلست معايا و مع بناتي و قالت لي انك تريقتي علينا قدامها و جلستي تضحكي و ما قدرتي
العزيمة الي عملناها عشانك ! ووووو الخ

اكبر دليل على كذبها ( انه هي زارتني قبل لا انا اسافر و احضر العزيمة ) ..!!!!
و تقول مسكت بناتي و تقول روح الطير جالسة تتريق على أشكالكم و تضحك و انا اقول لها
استغفر الله هذا جزاة الي يدخلك بيته و يعزمك !
و هي تقول ياربي ما قدر أمسك حالي من الضحك !؟

(( الحمدلله انه اختي كانت موجودة معانا .. و الحمدلله اني سافرت بعد ما هذه قريبتي زارتني بيتي ))

و قالت لي انه قريباتي الثانيين برضو زعلانين مني
لانها راحت و تكلمت عني برضو .. و انها لما جاتني بيتي؛ انا جلست أهرج عنهم !؟

طبعا كله كذب .. و افتراء ..

.
.

و من الامور الي حصلت لي وقتها كمان افتكر و بعد زيارة قريبتي لي ..
شغالتي قالت ما ابغى اشتغل عندك و انقلبت علي فجاة ..!؟
كانت تبغى تجلس و تكمل و فجاة صارت تكره ولدي و ما تبغى تجلس في بيتنا
و عملت لي مشاكل و سفرتها .. و بعد ما سافرت صارت تتصل علي
و تقول ابغى ارجع اشتغل عندك ! بس انا خلاص ما ابغاها بعد الي عملته و خفت على أولادي من الشغالة
بس انقلابها غريب !؟ و اتصالها و تبغى ترجع و ندمانة !؟

و كانت قريبتي دائماً تعلق في القروب و تقول انا اكره تكون في بيتي شغالة ..
و تعلق دائماً علي لانه عندي شغالة و هي ما عندها ..

.
.

جلست استرجع الاحداث الي حصلت لي خلال سنة ونص تقريبا ..

مرات اقول - توهمات -
لكن مجرد ما انتهيت من اجازة الولادة و رجعت داومت ..
أعز و اقرب صديقاتي .. قالت لي ( انت متغيرة كثير و شكله اكتئاب مابعد الولادة )
أنكرت عليها و قلت لها مافي شي .. و انا و هي صحبات من 13 سنة و ماعمرنا اختلفنا

المرة هذه على ابسط شي نختلف .. ماعرف ايش السبب !
صرت اكره أشوفها و مع انه بداخلي حنين لها و شايلة لها مقدار العشرة و الصحبة الي بيننا !

من الوقت هذاك .. قريباتي القروب تبعهم تفركش و تفرقوا و قريبتي هذيك سببت بينهم قطيعة
و الله اعلم اذا عملت لهم شي في بيوتهم لا سمح الله !؟

اكره اروح بيت اخواتي و اخواني و أتجنب اقابلهم
قبل ما تزورني .. كنت راسلت جامعات عالمية و جاتني ردود و توقفت بسبب الحمل و الولادة
و من سنة و نص و انا احس فيه شي يربطني و ماقدر أراسل

اعشق عملي .. صرت اكره الاجتماعات في العمل و احس بثقل نفسي
و أتجنب اي مهمة موكلة علي ..

و غير موضوع الشغالة .. علاقاتي فجاة تخرب !
سنوات و علاقاتي ممتازة و في العمل يخلوني بالعلاقات العامة دائماً
مادري ايش الي حصل ..

( فيه شي )
كم مرة قلت لزوجي و كررتها و هى يقول تتوهمي
قلت له في شي .. و لحد ما رحنا لثلاث شيوخ مو 2
و كلهم قالوا فيه شي .. ووقتها صدقني

المهم ..

سواء هي او غيرها .. الله اعلم !
ما همتني .. لانه من يومها هي فجاة انقطعت ..

بعد ما عملت نميمة بيني و بين قريبات امي .. و بينهم ..
استلمت اخواتي و كذبت عليهم و قالت اني تكلمت عنهم معاها ..

اصلا ما بيني و بينها علاقة عشان اتكلم معاها !؟
حتى دخولها و قربها مني المفاجئ كان مسبب لي ضيق ..

و هي عقليتها مثل الاطفال و شخصياتنا ما تتفق ..
هي كلامها مرة جريئ و كله عن واحد عاكسني و واحد كلمني و شيشة و معسل و رحت البار مع زوجي ووو الخ
و انا كلامي هادي و مزحي مو مع اي احد .. و ثقيلة في الزيارات و كلامي قليل ..

و حتى قريبات امي خربت علاقتهم من يوم راحت لهم

.
.

المهم ..

انه هذا ملخص الي حصل .. و ابغى أبدا اليوم اعمل الي قاله لي الشيخ ..
و سواء هي أو غيرها .. ماعرف اذا صحيح كلام الشيوخ او توهمات !؟
بس الأعراض كلها تقريبا موجودة و سألني الشيخ و جاوبته على كل الاسءلة
و قالي ( صح .. فيك شي ) و زوجي يقول سمعه يقول ( فيه سحر )

خطة دمار شامل جماعيه ( سحر ونميمة وسفر وزيارات تدميريه)

كل دا عشانها حاقدة عليكم

ياريتها استخدمت مخها الشيطاني والفلوس اللي صرفتها في شي يتفعها هي وزوجها