مرحبا اخوي سيف البحر ... أول شي مبروك مقدما على الزواج الثاني ... و الله يسعدك و يهنيك
انا بصراحة اتفاجأت من الردود اللي حطوها الاخوان و الاخوات على موضوعك .. سواء من ناحية رفض فكرة تعدد الزوجات .. او (و هذا الأهم) نصيحتهم بانك تختار وحدة ارملة او مطلقة او عانس ؟؟؟!!!!!!!!!!!!!!!! رأي غريب صراحة .. بس لكل انسان طريقة تفكيره اللي لازم نحترمها


بالنسبة لي بقولك رأيي ... عن خبرة ... و بكل صراحة و موضوعية

الزواج الثاني اكيد ماراح يكون مثل الاول .. يعني بتصير شوية مشاكل و غيرة و عوار راس في البداية .. لكن حسن الاختيار ... و الاهم منه اهتمامك بانك توجد نوع من المحبة و الاخوة بين الحرمتين شي بيدك انت و اكيد بينفعك و يريحك ..


انا ما بتكلم عن المشاكل اللي ممكن تصير لان هذا مو موضوعنا ....

بالنسبة لمواصفات العروس الجديدة .. انا انصحك بانك تختار بنفس الطريقة و نفس المواصفات اللي ممكن تختار فيها لو بتتزوج اول مرة ... يعني:

1. ابعد عن المطلقة او الارملة أو العانس ... الا اذا كنت كبير في العمر (يعني ستين سبعين سنه) ساعتها اكيد ما بتناسبك العذرا او الصغيرة ... لكن لو انك شاب و بصحتك اكيد بيكون الاحسن انك تاخذ بنية .. مو مراهقة .. لكن وحدة مناسبة في العمر و تكون انت اول زوج لها .... لانك لو تزوجت ارملة او مطلقة فاعتقد انك بتقلل من قيمتها من البداية لانها بتحط في بالها انك ماخذها (سد خانه) و ما بترتاح ... فاتزوج بنية يكون عمرها مناسب لك و تكون راعية دين و اصل عشان تراعي وضعك كانسان متزوج و ما تحاول انها تبعدك عن زوجتك الاولى و عيالك.


2. لا تتزوج وحدة تكون من معارف زوجتك الاولى ... خاصة لو كانت الاولى كبيرة في العمر و العروس الجديدة صغيرة ... لان التعليقات في هالحالة بتكون وايد جارحة و بتأذي الكل .. خاصة يوم تكون من معارف مشتركين.

3. لا تدور على وحدة تعوض النقص الموجد في زوجتك الاولى .. لان الغيرة بينهم و المقارنة الدايمة بتكون موجودة و طبيعية .. فلا تخلي الاختلاف و التناقض بين الثنتين يكون كبير وايد عشان ما تجرح اي وحدة منهم.


4. اهم شي ... لا تذكر زوجتك الاولى قدام الثانية الا بكل خير .. حتى لو هالشي بيخليها تغار او تضايق شوي ..بس بيكبرك في عينها وايد ... لان لو مالك خير في الاولي مالك خير في الثانية..


باقي اذكرك بواجب العدل بين الزوجتين و العيال ... و اقولك "احفظ الله يحفظك" ...راعي الله فيهم عشان الله يكتبلك الخير و السعادة معاهم ..ولا تظلم اي وحدة منهم .."لان الظلم ظلمات يوم القيامة"

اسمحلي طولت عليك

بنت الحب

تفكير غريب

اليست المطلقة والارملة بشر كغيرها تحب وتحس

الا يحق لها العيش مع شاب قريب من عمرها

زوج في السبعين يحتاج ممرضه وليست زوجة

اختي العزيزة بنت الحب

اسمحي لي ان اغير فكرتك عن المطلقة والارملة او العانس
وليسمحن لي بالكلام نيابة عنهن

حنا ما نرضى نتزوج ابو 60 او 70 سنة ، لأن انفسنا عزيزة علينا وغالية علينا

وكلامك غير منطقي ابدا!!!!!!!!!!! (في النقطة هذه)

بنت الحب
تخيلي لو أنك أنتي المطلقه أو الأرمله في عز شبابك
ترضين تأخذين شايب؟؟؟
سبحان الله على هالتفكير الغريب!!!!!!!!

__________________
سبحان الله وبحمده سبحان الله العظيم

ليش يابنت الحب المطلقه والعانس لا وش فينا مثل ماقالت اختي قبل احنا لنا كرامه ومانرضي نتزوج ابو60او70 نحن مهما كنا بشر سواء مطلقات او عوانس اتمني يكون تفكيرك افضل من كذا..
مانسمح لك بالتهجم بهذا الكلام الجارح ...........

ام لولو

__________________

الاخت عيون زوجها

ام سوسو

ذي سوان


وش فيه ابو 60 و 70 ماله حق في الحياة والتمتع ،،،،،،،،، يعني مافيه مطلقات وارامل تقبل فيه خلاص حكمتو عليه بالاعدام ،،،،،، فيه ابو 60 و 70 صحته وعافيته اقوى من بعض هالشباب اللي صافين عند هارديز

ــــــــــــــــــــــــــــــــــــــــــــــــــ ــــــــــــــــــــــــــــــــــ
بعدين اخت الحب كلامك صحيح 100%
وازيد على كلامك


.(((( لانك لو تزوجت ارملة او مطلقة فاعتقد انك بتقلل من قيمتها من البداية لانها بتحط في بالها انك ماخذها (سد خانه) و ما بترتاح )))))

دائما تجد المطلقة خصوصا تدخل زوجها الثاني في مقارنات مع زوجها الاول وكل ماحك عود عود تذكرت الاول حتى في غرفة النوم تتذكر الاول ووش الفرق بينكم ،،،،،،،،


اذا عطيتهاا ولا زعلت عليها ولا ولا ولا ولا

الاول دائما في خيالها ،،،،،،،،، حتى لو كان ماهو كفوء وهي عارفة مافيه خير تظل المقااااارنه شغاله



فعلى قولت اختى بنت الحب خذذذذذذذذذذلك بكر

البكر غالبا لاترضى بمتزوج ، وإن رضيت فسيظل في داخلها حسرة إنها ماخذت ولد حتى الموت ..


عموما لاتستعجل ، ربما لاتكون بحاجة إلى الزواج الثاني ..

__________________
أحب جبالك يالجنوب وأحبك لأنك أنتي الجنوب

اظفر بذات الدين تربت يداك

الرجاء احترام الأخرين وعدم التجريح