حل مشكلتك عندي ان شاء الله

ماشاء الله طيب اتحفنا بحلك ما شفناك كتبت شي

__________________

السلام عليكم اختي الغاليه

اخبارج اختي واخر التطورات

انا رحت لصفحات قديمه مغبره عندج ورود لج

اكتشفت شغلات عنج وعلى نوع صبرج هو اعجبتيني ونفس الوقت غلطتي اعطيتيه هواه
اللي اقصده انج ما مسكتيه من الاول قبل لا امه تدخل وتحسسه انه مو رجل ويمد ايده
مد الايد لناقصين الرجوله واعتقد للي يعانون نوع من العصبيه
ونفس الوقت تمنيت تحسسيه برجولته قبل لا امه تنقصها ويبدأ بمد الايد
وشفت انه كان بيتزوج عليج ثانيه ؟؟!!! اظن ان براسه غيرج يعني يحب له وحده وعشان انتي اظن من فكرة اهله يبي يآخذ غيرج بموافقتج عشان اهله ما يكون عندهم اعتراض واظن عشان يحط فيج علل الدنيا انج مريضه ومو مقصره من هالنوع عشان جذي تزوجت بموافقتها وما طلقتها لانها تدري ووو
والحمل عشان اهله !!! بس اظن هالحمل باذن الله بيكون لج عون عشان تفتكين من بعض انواع الجفاف بالمشاعر
لو ع قولته تولدين ويآخذ البيبي ويطلقج ما اظنه بيرتاح لانه اكيد مثل ما قلتي قبل طيب بيكون عنده الاحساس بالابوه ووده يربيه ومعاه امه عشان ما يحس بتقصير ع البيبي
لوتزوج غيرج يتوقع ينساج بتجي غيرج بيتذكر وقتها انجمو مقصره وياه وتحملتيه زياده عن الالزوم وراح يندم اكو وحده تتحمله وهو يضربها بيحس بعذاب الضمير

حاليا نصيحتي لج بطلي موبايلج ان اتصل ردي باسلوب حلو وحسسيه انج مو محتاجته كرجل بحياتج وان عندج شخصيه وقادره تستغنين عنه طبعا اقصد باسلوب حلو ما تبيني انج تبينه وانج ما تبينه سلم سلمي شلونج من هالنوع الحمدلله ووو وان سأل عن الحمل قولي له حاله وان طلب رجوعج قولي له اظن بيت اهلي بكون احسن عشان شغل البيت يضرني ويضر الجنين وان اصر قولي انت من طلب اطلع لاهلي وكاني عند اهلي والحمدلله قاعدين يهتمون فيني عشان ما اضر الحمل ومحد يغلط علي ومدللـه
بيحس وقتها ان لج مشاعر اظن لو هو معتبرج زوجه بتكون عنده غيره من اهلج يرجعج يحسسج احسن من الي حسيتيه عنج اهلج وان ما سوى لا تكدرين ع نفسج لان امه مربيته تعرف شلون تغسل مخه ومن ناحيه نظافه البيت لو يبييجيب شغاله يريح عمره عشان ما يشوف وسخ ويحسس بشغلات من هالنوع

لا تستعيلين بطلب الطلاق الا بعد الولادة ان تعدل حاله وان لا بس خوفي يطلب البيبي ويطلقج ويحرمج منه وما اظن له حق لانه ما عطاج اهتمام وقت انتي حامل فيه نقول ان شاء الله يلين قلبه وما يحرمج البيبي ولا يقدر يطلقج ويسخره لج


سوري كلامي ملخبط
بس يوعانه خخخخخخخخخخخخخخ صايره الخبط برب دعواتج اختي واستغفري خلج ملتزمه اكثر منه

الله يجزاكم الخير ياأخواني على ردودكم..
والله ياأخت فيتووو أخر التطورات أن أول أمس جلست على المسنجر وشفته جالس مباشره كلمني وصار يقول الفلوس لي بالبيت ناقصين وقولي انك أخذتيها ,,بس وضحتله أني مو بحاجه وهو يعرفني أني ماأخذ منه وبعدين جاوبته بالرسمي قلتله روح دور عليها وتذكر وين حاطتها وضل مصر على أن أنا لي أخذه الفلوس..
وبنفس الوقت كنت فاتحه الجوال فتصل عده مرات ورديت عليه وكلمني وقلي إذا مرتاحه عند أهلك خليكي لاكن والله إن البيت مو حلو بدونك ومن هالكلام قلتله خلاص بس أنت لاتزودها علي الظلم ظلمات يوم القيامه قال والله أنا أسف وصار يعتذر ولزم يعزمني على العشاءبنفس اليوم..جا وأخذني وصار يعاتبني أني قفلت الجوال وصار يتصل كثير ومارديت عليه والفلوس كانت حجه ليكلمني بس ...بصراحه سامحته وبالعكس حسيت أنه تغير لاكن أمس صار موقف رحنا مع أمه على أسواق المفروشات لأشتري سجاد وهو جالس يشوف الأحلى ويستشير أمه ويستشيرني لاكن أمه إذا أنا أبديت رأيي تعارض وتقول لأ مو حلو أبدا غيرها بوجهي ..
حتى في سجاده عجبته وخلص صمم وأنا ماعجبتني وقلت أمه خلاص خذها ولما يصير معاها فلوس تشتري من فلوسها لي تبيه..قلتله أنا ماعجبتني نفسي بوحده غير لي خترتها قالت أمه أنتي تفهمين بالديكور ولا عندك خبره ..سكتت وشتراها وبعدين رحنا على السوبرماركت ونحنا طالعين منها صارت تقلي أنتي مضايقه من طلعتي أنتي الكل يقول عنك تكشرين وبكره جاييكي ولد وبتشوفي وطبعا جا ولدها جا مع أمه وجو ضدي لأني ساكته معهم طبعا هي ماتكلمت معي أبدا ,, وبتقلي أخذنالك موعد عند الدكتوره بالوقت الفلاني من عندها بدون ماأعرف أو تقلي ع الوقت ..ولما قلتلها أستحي روح مع أحد صارت تتكلم بقساوه أكثر لدرجه أن أبنها قال هي تستحي كثير يعني مو ذنبها..ونزلت على بيتها وكنا بننزل عندها قالت لزوجي أنا ماأبي ناس كشرين ومايضحكون..والله محتاره معها هي تدخل بكلشي وزوجي عاطيها مجال أكثر أمس قلتله بروح أشتري ملابس للبيبي قال مافي داعي أمي بتشتريه,وبصراحه ماأعرف وش الحل مع هالناس يامره من ولدها يامره منها؟؟؟

إختي ندى المساء بإختصار تصرفات زوجك تدل على..
إنه مريض نفسي صدقيني مرررريض نفسي!

حبيبتي دامه قالك لا اطيقك لا يكلف الله نفسا الا وسعها ماهو معنى كلامي انه نقص فيك لا والله يالغالية
لكن يمكن عنده حالة نفسية مايبغى يشوفك بالوقت الحالي الافضل هو ماعملتي انك رحتي لبيت اهلك خليك عندهم لين يستقر وضعك وخلي جوالك مقفل حتى لا يرسل لك رسالة يستفزك بها خليك هادية لبضعة ايام وبعدها يحلها اللف حلال

ع البركه ان شاء الله رجعتي


شوفي ماهو مريض يالغلا بس هو محتاج من يثبت له رجولته
اظن امه تحطم فيه زياده عن الازم اظن هو اكبر اخوانه؟>>احساس جذي هع
بس من ناحيه التصرفات يالغلا يذكرني بابوي وامي قبل عادي والحين الحمدلله بعد ماجابوا عيال وكبرنا تغير حالهم <<طبعا قلت قصتج لامي وردت علي بقصتها
طبعا ابوي ولدها الوحيد وعندها بنتين وهو اكبر عيالها وكانت تحطمه
وطبعا اغراض امي وقتها هي اللي تختارهن وتمشي كل شئ ع ذوقها وماكو شئ امي تشتريه دون علمها لدرجه ان امي ما تدش المطبخ الا تعرف شنو تسوي وتحط وووو
كانت تناشبها بكل شئ والله تقول امي كنت باطلب الطلاق ووقتها عرفت انها حامل فكرت تنزل ب قالت شنو ذنب الجنين وما علمت ابوي الا بعد فتره وهي بيت اهلها وسبحان الله بالاخير علمته وقال ارجعي للبيت ومثل حالتج ارجع للبيت تنظف تطبخ ليدتي ولابوي وعماتي المهم بعد ما جابت البيبي شوي قدرت تخفف من همها التهت بالبيبي وخلت هم البيت لانها باتت عند اهلها رجعت وحالتها شوي خفت لان ابوي وقتها حس بالمسؤوليه صج
اغراض اول بيبي لي اللي هو اخوي العود قبل الولادة وبعد هي اشترتهم <<يدتي مع عمتي
وبعدها حملت امي باختي ونفس الحاله هم يشترون صار ابوي ياعتمد عليهم وقت السوق والديكور
بعدها حس من حق امي تختار وتشتري كسر القاعده وكسر القيود وامي الحمدلله بعدها زانت حالتها وصارت هي اللي كلمتها تمشي مع ابوي ومن ناحيه زوجج صدقيني دامه حن لج ورجعج صدقيني يحبج ويحترمج بس امه تحسسه انه مو رجل بس ان شاء الله يوم تولدين ويجي بينكم البيبي يعرف انه مسؤول ويعرف انه غلطاااااان
وكل شئ يتحسن بس حاليا حسسيه انج معتمده عليه بكل شئ وانه رجل غصبا عن الكل
وطبعا حسيت هذا الشئ من كلامج اللي فات انه ترقى فرح وقال اقدر اجيب غيرج عشره <<اتوقع من هالنوع
دليل ع عدم الاعتماد ع النفس ويحس انه عديم الثقه والاعتماد <<بعلم النفس هههههههههه


الله يوفقج ويسعدج ويسخر لج زوجج ويحن قلب امه عليج ويخفف من المج

السلام عليكم ..
من فتره وضعت قصتي وأعطيتموني أرائكم والأن قصتي أستفحل وضعها كثيرا كثيرا..
واخر مستجدات بها قبل يومين جلب زوجي السباك إلى المنزل وقام ببعض التصليحات ومن بعدها قال لي جهزي نفسك لنذهب مع أهلي والمنزل بعد التغييرات التي حصلت به يحتاج إلى تنظيف ..
من بعدها رجع إلى المنزل وصرت أكلمه وأعطيه أفكار بنقل الثلاجه للمكان الفلانيه وأن نغير مكان الفرن.. ثم سألته إلى إين سوف نذهب قال لي لماذا تسألين هل أهلي جالسين على قلبك بيروحو معنا وين مانروح..قلتله أنا سألت عن المكان وليس عن أهلك ثم قال أحسن ماتروحين قعدي ببيتك نظفيه قلتله خلاص بجلس بالبيت عشانك وروح أنت وأهلك وغيرو جو ..تركني وراح وتصل علي وصار يتكلم كلام سخيف على أنه شمتان فيني جلست بالبيت على أنه بيربيني على اني أكره أهله طبعا يسب ويلعن ويصارخ بكل المكالمه سكر التلفون بوجهي..وقمت وساويت البيت وصرت أغير مكان الثلاجه والفرن ونظفت المطبخ لدرجه ريحه المطهر والمعقم فاحت بالشقه كلها بس حسيت بتعب وجلست أرتاح لكمل البيت كله فتصلت علي ام زوجي قالت ليش مارحتي معنا قلتلها عشان ولدك إنزعج من البيت وتضايق قالت على العموم أنا جايه لعندك طبعا أنتظرتها ساعه ونص وبعدها جت هي وبنتها الكبيره وقالتلي لو رحتي معنا إنبسطنا وتعشينا والله وغييرنا جو قلتلها الحمد لله قالتي زوجك راح يجيب أمك أنا ستغربت ونصدمت ليش الجمعه كلها عشان إيش والله ماعرفت وقاعده أضحك وأتكلم عادي طبعا هي دخلت المطبخ وصارت مسح بأصبعها وتشوف الغبره ودخلت الحمام وتقول ياللله مو معقول حمامكم شو وسخ وصارت تقول ريحه بيتك تقرف وهي وبنتها صارت تتكلم على أن بيتي وسخ وتقول أبني حياته عذاب منك أبني مو مرتاح ببيته أبني موسعيد معاكي أبني يحزن يزعل..وطبعا أخته شافت نمله صارت تعاتب بوقاحه ليش النمل ببيتك وليش الغبره على الطاوله التلفزيون ..طبعا بتحسبون أن جالسه بالبيت ولا أنظف ولا أتحرك ..والله أن يوميا تنظيف يوميا مسح غبره وتنظيف وطبخ حتى مايجيب ع الغدا شي من برا او جاهز وعزايم لأهله حتى ملابسه إذا صعبت علي شوي من بعد حملي وأكوي على الأرض اقله والله صعبه علي يجن في وجهي مايودي ع الكوي ولاقطعه..بعدين جت أمي حتى أمي قالت ماشاء الله ريحه البيت نظافه يعني بدون مانتكلم بالموضوع لسا..المهم فتح الموضوع قدام أمي وأمه وصار يصارخ ولما جيت أتكلم يسكتني بوقاحه وصوت عالي وقدام أمه يقول ماتحبكم ماترتاح معكم حتى أمه صارت تقول أنا ماحب زوجتك نافره منها وصار كتله غضب حتى أمي مستغربه قالتله مافي مشاكل بينك وبينها وصار يتكلم على نظافه البيت على أنه عايش ببؤره قذاره وهو صابر علي وأنا ماأرحمه وأمه تأيده تقول صحيح ريحه بيتك تقرف يوم كانت عندك العزيمه بيتك وسخ والله أن كنت عند أهلي وقلتله أهلك بيتكلمو على نظافه البيت أجلها ليوم ساوي البيت جاني الظهر من بيت أهلي ومالحقت طبخت وهو مسح الغبره بس ونصدمت من هالموقف أن أمه تهاجمني ليش يمسح الغبره أبني مو رجال بيته ومن هالكلام لي يكبر المشكله وأخته تجي معه بكل كلمه على قوله كل الرجال زي بعض مع أنها الله يهنيها على زوجها ..وبعدين صرخ بوجهي وصار يتكلم عن معاناته وأنا ماتكلمت بشي لما أجي أتكلم يسكتني بقوه مع أنه جامع أمي وأمه لنتكلم سوا وصار يقول بنتك ماترحم دائما تبي مصروف ولو أجبلها كل يوم أكل جاهز ماتقول لأ ..كوي ماتكوي صرعت راسي وهي تقول ودي عند الكوى ..تجلس ع النت بالساعات تصحى الضهر والله كلام ولا كأنه زوجي أو كأنه عندي 20 ولد ومسؤله عنهم ..
بعدين قالت أمه لأمي خلاص خذي بنتك وروحي ليهدى الجو فتره خليهم يرتاحو من بعض جهزت أغراضي ورحت مع أمي ...
وللحين ماتصل ولاكلمني ولا سأل عني والله تاركني من غيرمصروف ولا ريال وقال عندك الذهب لي بعتيه كامل سعره بالبنك مو ناقص ريال ماأبغى فلوسك أنا بعت ذهبي عشان ينفرج هو بالماده وماقلت لحد بس قدام أمه فتح الموضوع وقلتله أن تعرف ليش بعتهم قال لتاجري فيهم مو عشاني أنتي كذابه بسرعه تدخلت أمه أنت مو بحاجتها أنت بغنى عنها خلي فلوسها لاتلمسهم أنا وأبوك مانتركك وهو ندعم من اهله وصرت كأني غريبه عنه..
أفكر بالطلاق من غير رجعه تماما لأنني والله أن كرهي له لايوصف أصحى تاني يوم وقلبي أسود عليه مدلع نفسه كأنه الحامل وأنا والله ولاحد من أهله سأل عني غيرت ديكور المطبخ ولا سألني أو حتى عاتبني ليش غيرته لاهو ولاأمه لما صار يصرخ بوجهي أمه ماقالت حرام حامل شوي عليها لاهي ولابنتها صار هو المظلوم وأنا لي ظالمته طبعا ناهيكم عن التمنين أنا أدفع أجار بيت عشان أنبسط وعيش بنظافه مو مع قرف أنتي بنعمه أنتي ماتليق فيكي هالعيشه ..من كلام التجريح ..حتى التأمين يمنني عليه هذا التأمين معك أحميدي ربك أني تاركه خذيه أولدي فيه..
ارشدوني للحل والله يجزاكم الخير ..لأنني أفكر بأن أبقى عند أهلي وأطلب الطلاق وأسفه على الكلام الغير مرتب والمبعثر...؟؟

أخيتي ..

بالتأكيد هناك أماكن في المنزل لم تكن نظيفة ولذلك أنتقدوها ,, وعليه أستغلو الأمر من أجل أن يتعرضوا لكِ ,,,

لكنني أشعر أن هناك حلقة مفقودة فمن غير المعقول أنكِ لم تخطيء بشيء في سلسلة الحلقات هذه ,, حيث أشعر أنكِ كنتِ مهملة وأنكِ كان لكِ دور في وصول الأمور إلى هذه المستوى ,, ولذلك حكمنا لن يكون متوازناً ,,


عموماً لاأنصح بالطلاق أبداً ,, ويجب عليكِ التعامل معه حسب مقتضيات الظروف ومعرفتكِ لطباعه ,,, ويجب أن تدخلي الرجال في المسألة إذا تفاقمت إلى حد لايطاق حيث رأيتُ أنه أدخل النساء فقط ,,,

وكل هذه لمعالجة حياتكم الزوجية ,,

انا بقولك انت تلربى شوية لانة هياخد على كدا معاكى بس حاولى ما تخربى بيتك يعنى شدى ولينى فى نفس الوقت