تشويق عجيب......

ننتظر البقية !

جلست من نومتي وخذت لي شور دافئ تجهزت ونزلت تحت حصلت جدي سالم وجدتي مزنه ينتظرون الفطور بست ع رؤوسهم : صبحكم الله بالخير
الجدات: صبحك الله بالنور والسرور
الجد : كيف أصبحتِ ي غلا جدك
فتحت عيوني ع وسعها الكلمه هاذي تبع جدي دايم يقولها ، أبتسم لي : دايم جدك كان يقولها هديل غلا جدها ويشهد عليّ الله إنك غلاي أنا بعد
بست أيده : جعل ربي يطول بعمرك ي الغالي
الجده مزنه : ورآها هاذي توخرت علينا
أنا : من ؟
الجده : الخدامه تأخرت علينا بالفطور ورآنا علاج أنا وجدك
قمت ورحت المطبخ وزينت لهم الفطور وخذني لهم وكان فيصل جالس معهم ويسولف طول وقت الفطور كنت أناظر فيه وأتذكر أمس بغيته يرفع عيونه ويناظرني لكن أبد عيونه لجداني وسواليف مقتصر فيما بينهم أبعدت عيوني عنه وتركته ع راحته للوقت آخر : الحمدلله
الجده : ماأكلتي شي
أنا بإبتسامه: الحمدلله أكتفيت
الجد : بالعافيه ع قلبك
كنت مأخذه قهوتي وداخله للصاله لكن كلام جدي أستوقفني : متى السفر ي فيصل
فيصل : بعد ثلاث أيام إن شاءالله
الجده : وهديل معاك
فيصل : لا كان ودي لكن تعرفون هديل رافضه شهر العسل<< أنصدمت>> وانا بعد فضلت مكوثها هنا بينكم لأنه راح أنشغل عنها وهي بنفسها طلبت تجلس معكم هنا وتراعيكم بنفسها ع ماأرجع وتكون جاهزه للسفر وأعوضها بأحلى شهر عسل
الجده : بس مايصير توكم عرسان لك أسبوع وتتركها وتسافر لوحدك وش بيقولوا الناس عنكم
الجد : وش لنا بالناس داام هاذي راحتكم اللي تشوفونا سووه المهم عندي تكونين مرتاحين ومبسوطين
فيصل ناظرني ورسم ع وجهه إبتسامه: الحمدلله مرتاحين ومبسوطين والأهم انه متفاهمين ومقدرين أوضاع بعض صح هديل ؟
ناظرت عيونه : صح
الجد : الله يديمها عليكم
الجده : طيب ع الأقل الثلاث أيام اللي لك هنا خذها واطلعوا مع بعض لاتحبسها عندنا انت بتغيب عنها شهر خذها وعيشوا أيامكم عرسان جدد
الجد : صادقه جدتك وراك ماتاخدها تتمشون ووتعشون
فيصل : إن شاءالله لكن تعذرني اليوم وبكره عندي أمور في الشركه لازم تخلصها قبل السفر وآخر ليله لي هنا تبشر بعزها
أنا تركتهم ومشيت عنهم وطلعت أتمشى برا وأفكر بتصرفاته وش مقصده خفت من اللي توصلت له وخفت يكون حقيقة ظليت أتمشى الين ازعجتني الشمس ودخلت وحصلت منى بنت اخو فيصل موجوده إنبسطت بشوفتها سبحان الله ماكنت اعرفها لكن دخلت قلبي وارتحت لها وجلسنا نسولف مع بعض وكانت تتكلم عن عمها كثير وانه هو قرييييب لها مرره إنبسطت أكثر ع الأقل أفهم هالكائن الحي اللي عندي طبعاً كنت متحفظه بأسئلتي وحاولت أتوصل للإجابات من غير ماتحس ، لكن للإسف ماتوصلت لشي أساساً كانت تتكلم ع شخص أنا بصراحة ماعرفه غير عن اللي عندي تماماً .
وهكذا مرت الأيام ع الوضع هذا أحصى من النوم واشوفه ع الفطور مع جداني وبعده مااشوفه الا اليوم الثاني الافطار جدي كان يتعذر لي عنه ويقول لي انه شغله مهم في حياته لدرجة يهمل كل اللي حوله عشانه لدرجة انه عقله للحين مااستوعب انه متزوج وصارت له حياه ثانيه لكن صدقيني فتره وتمضي ماتطول اعرف ولدي اذا قال شي يوفيه بكره راح يعوضك لاتاخذين بخاطرك ولاتزعلين ي غلا جدك..
أنا : مو زعلانه ي حبيبي انت بالعكس أنا عاذرته الله يعينه ويوفقه
الجد : لا أنا مايعجبني كذا راح أكلمه ع الأقل يجي بدري يجلس معك
أنا : لا تكفى ي قلبي لا تكلمه صدقني أنا مو زعلانه << يارب سامحني >> هو أصلاً كل ليله نزلت راسي ع انه خجلانه يعوضني عن الوقت اللي مضى
الجد ابتسم : تقولينه صدق
ابتسمت خجل : آيه دايم نسهر مع بعض ويجيب لي هديه صدقني مو مقصر معي
الجد : الحمدلله طمنتيني الله يريح بالك
دخل علينا : السلام عليكم ورحمة الله وبركاته
الكل: وعليكم السلام ورحمة الله وبركاته
باس راس جدي وجلس جنبه: اشحالك ي الغالي
الجد : بخير جعلك سالم
الجده دخلت علينا : إنت جيت
فيصل : آيه ي الغاليه آمريني
الجده : مايامر عليك غالي بس العاده تجي اخر الليول وتارك هالمسيكنه بين اربع طوف
فيصل خزني خزز ع باله مشتكيه: هذا جيت عساس عازمها برا
الجده انبسطت : صددق زين ميتسوي ي ولدي قومي ي بنتي تجهزي لايغير راييه
أنا : إن شاءالله
صعدت وقبل لأدخل غرفتي لوى ايدي ع ورا وقرب مني بغضب: تشتكين عليّ عندهم ظنك لو تكلمتي بتقبلك في حياتي لا ي ماما لاتحلمين بشي تكبر منك فاهمه
كنت أتلوى من الم أيدي وأحاول أفكني منه : فكني وجع
شد اكثر : وجع بإعظامك ي قليلة الحيا واسمعيني زين وحطيه حلق بإذنك اذا مو حابه تطلعين وجهي الثاني اللي راح يدمرك حافظي ع اللي يصير هنا بينا ولا تطلعينه لجدي او لأي احد كان ولا واللي رفع سبع وطبق سبع إن تشوفين شي عمرك ماشفتيه حتى بمنامك وحذفني الين انظرب راسي بالأرض وتألمت ونزل ع ركبه : لك عشر دقايق مافيه غيرهم تجهزين نفسك ولا مشيت وتركتك بمكانك طلع وصفق الباب وراه
ضميت رجولي لصدري وبكيت خوف وقهر وش ذه ليش يتعامل معي كذا مستحيل اطلع معه هالمتوحش مايندرى وش بيسوي فيني حسبي الله عليه ..
دخلت غرفتي ووقفت عند المرايا اجمع قواي وأكلم نفسي: لاتبكين إنتي أقوى من انك تبكين بسبب شخص مثل هذا خلاص سكاي وقفي دموعك لايقهرك إنتي اللي اقهريه انتي قويه وقادره ع انك تواجهينه وتكسبين وهو اللي بينهزم انتي مو بحاجته ولا بحاجة احد خلاص هديل خذي نفس عميق واهدي << رددت الكلام وكل مره تنزل دموعي اللي صرت اكرهها لأنه تبين لي ضعفي لكن في النهايه جمعت نفسي وقويتها أخذت جوالي برسل له رسالة لكن تذكرت ماعندي رقمه مالت عليه من زوج ،، بس تذكرت ليش أرسل له يولي خليه ينتظر من الناطور
مرت العشر دقايق وانطق باب الجناح فتحت وكانت الخدامه : بابا فيصل يقول ينزل
بدون نفس : قولي لأبوك فيصل هديل يقول مايبي ينزل
دقيقتين الا جاني مثل الثور الهائج: أظن قبل انزل حذرتك وش ذَا الحركات ماتفهمين غبيه انتي ولا كيف
بكل هدوء جلست وحطيت رجل ع رجل : اممم بصراحة مالي مووود اطلع معك مكان
تقدم لي والنار طالعه من عيونه ومسك زنودي: يعني أنا اللي ميت عليك هذا كله عشان اللي تحت طلبوني فاأقصري الشر وامشي معي لايشكون ووعد لأرميك بأي داهيه تاخذك
بعدت يده ونفضت المكان كأنه انفض وصخ وناظرته بكل قوه : اهاا يعني هذا هي مشكلتك اوك ماله داعي الدراما الزايده انزل وإذا سألوك قل لهم تعبانه وبتنام ترتاح وهكذا ريحتني وريحت نفسك
عض ع شفته قهر : مرض اللي ياخذك ي شيخه طلع وصفع الباب
إبتسمت انتصار أني قهرته دخلت غرفتي وبدلت ملابسي لبست بيجاما وسويت لي سهره ماودي اقضي الجلسه لوحدي لكن كلّه منه مافيني انزل عندهم بعد الكذبه اوووف وجلست اتابع أفلام كوكيديا بس ابي اضحك وجلست اضحك كذا معهم ولو أني مو حول الفلم بس اضحك مثل المجانين وبعده حسيت بجوع جيت بنزل لكن تذكرت كذبتي حسبي الله عليه هو طلع يتعشى ويروق وانا هنا مثل الخبلان .. دخلت مطبخ التحضيري وسويت لي سندوتشات خفيفه وعصير وقبل ماآكل تذكرت جداني وعلاجهم قبل العشا << صاروا هم من أولوياتي أنا اللي اهتم بأكلهم وشربهم وموعد الأدويه وراحتهم حتى ماأنام الا بعد ماأتطمن عليهم انهم ناموا ماقدرت أمسك نفسي وامنع قلبي من انه يتطمن عليهم بسبب كذبه عشان شخص مايستاهل نزلت وتصادفت بالخدامه: حميده بابا كبير وماما كبير في يأكل عشا
حميده : ايوه اللحين في ياكل
دخلت الصاله ووقفت خطوتي لاتتقدم حصلته جالس معهم إستغربت بالعاده سهاري
الجده : هلا بنتي حياك عساك خفيتي يقول فيصل انك تعبانه
ناظرني بخزز، تقدمت لها وضميتها: آيه كنت لكن أحسن شوي
الجد: عسى ماشر وش فيك
ابتسمت له ومازلت ضامه جدتي من ع جنب: مغص فديتك
المهم إنتوا خذتوا علاجكم قبل الأكل الجده : والله انك أصيله نزلتي وانت تعبانه عشان بس تذكرينا بالعلاج
فيصل ونبرة الإستهزاء : لا بجد أصيله ماشاءالله ع زوجتي
الجد : إسمحي لي ي غلا جدك العمر منعني لأسعد الدرج وأتطمن عليك قلبي كان يحاتيك بس الدرج عدوي
ضميته هو الثاني وبسته ع خده بقوه وضحكت : ههههه صدقني انت شباب وازينهم بعد
الجد ضحك: ههههه الله يجبر بخاطرك تعالي تعشي دامك نزلتي
كنت برفض لكن نظراته شوي وتحرقني من قهره عاجبني الوضع وجلست وطلبت طول الوقت اتدلع ع حدي وجدتي وسحبت عليه وخذت كل الجو منه لدرجة انه ماتحمل ههههه ترك الأكل نصه وطلع الحوش وقبل يطلع نادى ع الخدامه وطلب منها شاي بالنعناع ماتتصورون وش كثثثثر إنبسطت ارتحت خذت حقي ، بعد مخلصنا اكل رفعته وجلست ارتب لكن جدتي طلبت مني حاجه تمنيت لو ماطلبت😤
الجده : بنتي خذي الشاي لزوجك وجلسي بدل العشا اللي راح عوضوا نفسكم بكره مسافر
أنا : إن شاءالله .. خذت الصحن من الخدامه وطلعت له حصَّلته مسترخي ع العشب وفاتح ذراعيه ع وسعهم تقدمت بخطوات متردده خفت من ردة فعله ههههه ،، تقدمت وحطيت الصحن ع الأرض وجئت بمشي لكن شي قيد ساقي نزلت عيوني وكانت ايده ماسكتها إلتفت له ومازال مغمض عيونه : اللعب بالنار ي طفله صعب انتبهي لاتحرقك راح تندمين صدقيني
بكل قوه : الكلام هذا قوله لنفسك بعد لانه ماندري من راح تحرق الثاني
ترك ساقي : أنا حذرتك عشان يسقط العتب عني ، عدل بجلسته وأخذ الشاي جيت بمشي لكن وقفني : جلسي شوي الين يدخلون ينامون لأنهم أكيد يناظرونا من عند النافذه
إلتفت وصدق كانت جدتي تناظر بعدت عيوني وجلست بعيد شوي عنه متوتره من الوضع ومن وجوده اللي صرت اكررهه بسبب تصرفاته وأصبح المكان هدوووء الا من أنفاسنا تذكرت سؤالي وقلت هذا وقته : ليش تزوجتني فيصل
ناظرني ثم بالكوب : الأيام راح تجاوبك
أنا : ليش ماتجاوبني انت
بملامح هاديه: لأنه مانيب بموود يجاوب ع أسئلتك << إلتفت لي بإبتسامه سخريه >> ولأنه عاجبني وضعك كذا وانت بمتاهه
قهرني وقفت وتركته جالس لوحده : وش مفكر نفسه ميته عليه يعني مالت ولا مالت خلت جناح جداني عطيتهم ادويتهم وتطمنت عليهم وصعدت جناحي رتبت مكاني ودخلت غرفتي انام .. وبعد صلاة الوتر وأذكاري غطيت في نوم عميق ..

للحديث بقيه إن أحببتم كونوا بالقرب .. 🌷
الحمدلله ع كل حال .. 💙


ومضه :
أمل جديد .. فرصة جديده .. صفحه جديده !
هكذا أجعلوا يومكم فما مضى قد مضى وأنقضى .. 🌹

اختي وعد ، هل القصة واقعية ، أم انك من الهواة ...

صراحة كتابتك متقنة ...

متابعة بشغف

يلا يا وعد اطربينا <<< جاني فضول قوي

سأروي فضولك حتى الكفايه كوني بالقرب عزيزتي

صحيت ع صداع فضيع ناظرت الساعة وكانت الساعة ست الصباح بدري مرره ،، طلعت من غرفتي أسوي لي قهوه اسبرسوا لأنه بالأساس طار النوم وانا جالسه أصلح لي فنجان : سوي لي معك فنجان
نقزت من صوته : بِسْم الله
فيصل : شايفه شبح
بهدوء مالي خلق هواش ومناقر ع الصبح وصداع : لا بس سرحت وصحيت ع صوتك وتروعت المهم كيف تبيها
وهو يتفحص بأوراق في أيده : مرّه مثل حياتي
آلمتني كلمته ادري يقصدني سويت له الفنجان وانا ساكته ومديته له وخذت فنجاني وجلست ع القنفه وهو جلس ع كرسي المطبخ المقابل للصالون ولا احد منا كلم الثاني ، أشرب قهوتي وأفكر فيه وبحياتي المجهوله هو ليش مو متقبلني كذا لدرجة وجودي مراره بالنسبة له ليش مايبي يجاوبني ويريحني ليش المعامله الجافة ذي رفعت نظري ع الحقائب اللي مجهزهم عند الباب وابتسمت سخريه وسط سرحاني أظن أنا أول عروس يتركها ويسافر شهر العسل لحاله !!
انتبهت من سرحاني ع فتحة الباب ناظرته وإلتفت لي كان واضح عليه بيقول شي لكن ساكت مانطق بحرف وانا كنت انتظره ينطق يتكلم يقول ليش يجازيني كذا يريحني ويريح بالي
لكن نطق عكس ماتمنيته :تركت لك بطاقة الصرافه ع الكومدينا في غرفتي ومعها الرقم السري البطاقة ذي شخصيه اذا احتجتي شي اصرفي منها وتركت لك بعد رقم ولد عمتي رائد اذا نقص عليكم حاجه او احتجتوا لرجال اتصلي عليه أنا مفهمه الوضع وو
قطعته: لاتحاتي أنا مو محتاجه لفلوس ولا رجال غريب عني يقضي لي أموري صحيح أهلي ماتوا لكن أظن معلوماتك ناقصه باقي لي عّم وسند يعزني
قرب مني وتوقعت كف لكن إبتسم : يومه عزّك ليش جالسه باقي هنا أرجعي له
صدمني رده حطمني💔 جا بيطلع لكن إلتفت ثانيه : الفلوس ماتبينها انت حره ووفرتي لكن جدّاني وعلاجهم اصرفي لهم منه ورائد غصبن عليك راح يمركم ويشوف أموركم عجبك ولا الباب ينتظرك طلع وصفق الباب وراه وانا جلست ع الأرض من الصدمة : هذا بايع بايع ليش تزوجتني اذا انت بايع قمت وقفت ولحقته أطلب كرامتي منه اذا انت بايع انا بايعه بعد وإذا أنا مراره في حياتك فأنت زيادة وجع فوق أوجاعي ، لكن للأسف مالحقت عليه نزلت وماحصلته: حميده وين بابا فيصل
حميده : يطلع
ضربت الأرض برجولي من القهر ورديت صعدت غرفتي حاولت أهدي النار اللي داخلي وأفكر بهدوء في البداية فكرت اتصل بعمي يجي ياخذني من هنا لكن فكرت هذا مو حل وبعدين اترك جدي وجدتي لمن هو صحيح كانوا قبل لحالهم من قبل لاأدخل في حياتهم لكن بعد مادخلت أنا تعلقت فيهم حيييل حتى لو ماخذت من عيشتي معهم غير أسبوع لكن يمكن مثل ماقال جدي سالم أنا عوضه بجدي وهو عوضي عن اللي فقدتهم ضميت رجولي لصدري ونزلت راسي وتذكرت أهلي لو ماصار الحادث لو ماماتوا لو ماصار كل هالألم كان أنا مازلت في بيت أبوي وجالسه عند جدي وعايشه حياتي وبهبالي كالعاده والضحك مايفارقني ولا أحسب للوقت قيمه طالما انا موجوده بحضن أعز الحبايب وكان ماجا جدي سالم وطلبني للزواج من المتكبر وكان ماأضطريت أوافق وكان ماجيت هنا أنهان وأنذل كان ماانتركت بأول اسبوع زواج وكان وكان مسحت دموعي وتعوذت من الشيطان وقررت آخذ شور ..
وفي الضحى نزلت اجهز الفطور لشيباني والقهوة والشاي وتركت كل اللي أزعجني ضايقني يسافر معاه اذا هو بايع بسلامته أنا وافقت ع الزواج هذا لمصلحه ذاتيه وان كنت أشوفه ظلم له لكن أقنعت بالحياه يتغير كل شي لكن بما انه يبي الشي هذا أنا ماراح أذبح عمري عليه ، أنا جيت هنا أعوض كسري وأجبر قلب مكسور يعاني من الفرقا ،
بعد ماحصلته تجهيز طلعت لهم وحصلتهم كالعاده جالسين برأس بعض ويسولفون ناظرتهم بحب : صبحكم الله بالخير
الجدان: صبحك الله بالنور والسرور
الجد : ي زين الصبح الى مني تصبحت ع وجهك ي غلا جدك
أنا : هههههه خذ بعقلي حلاوه
الجد يضحك : هههه أقوله صادق وانا جدك
جلست جنبه اتدلع عليه : اذا تقوله صدق أجل يوم تصبحت بالعين الكحيله كيف كان صبحك ها ؟
الجد إلتفت لها بحب : هو بس الصبح اللي يزين لا والله الا كوني كله يغدي زين بشوفة العين الكحيله
الجده إستحت وغطت وجهها بالشيله وانا فطست ضحك ي حلو حب الشيبان وخجلهم تحسه صافي حب حقيقي وقوي يكفي انه صامل بعد كل هالعمر اللي مضى ..
الجد يضحك معي : ههههههه الله يهداك أحرجتي جدتك
غمزت لهم : أنا ولا أنت مالقيت حد يشجعك وتتهور
الجد : هههههههه
الجده تضيع السيره : وين فيصل مانزل معك
حاولت ماابين ع ملامحي : الا لكن صاحين من بدري حنا أفطر وتوكل ع الله
الجد : الله يسمح دربه ويوفقه
الجده : أستودعته الله
الجد : بنتي اذا تبين تروحين بيت عمك إلين يجي زوجك أوصلك مع السواق
شعور كريه أستوطني: لا مايصير أجلس هنا
الجد مسح ع راسي : افاا يصير ونص وأبركها الساعات بس قلت يمكن لك شوفه ثانيه
ضميت يده : لاشوفه ولا غيرها فيصل يسافر يرجع بكيفه لكن عنكم ماراح ابتعد أبد وانتوا بعد لاتتركوني<< هنا تغيرت بحة صوتي >>
الجده ضمتني من ع جنب : وش ذَا الكلام حنا نلاقي بنت مثل القمر ونتركها
الجد: وش فيك ي بنتي فهمتي كلامي غلط صايره حساسه افا عليك بس ، خلونا نبدأ بِسْم الله
أبتسمت لهم وبديت بالفطور لكن عقلي سارح اتخيل لو ماهم موجودين طردت الفكرة بسرعه
وناظرتهم ماراح أترككم ولا بترك حد ياخذكم مني لو شو ماصار مالي حد بالدنيا هاذي غيركم ..
ومرت ست شهور تغيرت كثييير نسيت فقداني لأهلي وتقبلته كلياً قبل مايمر يوم الا وأتذكرهم وافتح ذاك الدفتر واسولف له وأنام ع دموع لكن سبحان الله يترك الدوا في أعجز خلقه وجدت سلواني عند شيباني عوضوني دللوني ويخافون عليّ من كل شي يأذيني كانوا لي الدرع من اي خطر يواجهني حتى من أي لسان يتكلم بحقي في البدايه ماراح اكذب عليكم وع نفسي وادعي القوه وإني ماتأثرت لكن بيوم من الأيام كنّا مجتمعين كعائله كان كل خميس تتجمع العائله عندنا بيت الجد وكنت أقوم بواجبي ع اكمل وجه وبرحابة صدر ومن غير مايطلب مني ، من ضيافه الين العشا نسوان ورجال واتفنن بمهاره<< لأنه أحب الطبخ كثيير
المهم كنت جالسه واضيف العائله وقالت لي أخت فيصل : انا لو مكانك يتركني زوجي بأسبوع زواجنا ويتركني لكلام الناس اللي ماترحم اجمع مابقى لي من كرامتي وارجع بيت أهلي اووه نسيت أقصد بيت عمي
صدمتني لكن رد بصوت حازم : هديل هي في بيت أهلها واللي وده بالطلعه يطّلع باللي مايحفظه هديل بنت هالبيت وإذا ع كلام الناس اللي يجيب سيرة بنتي بالعاطل أقص لسانه واسفح دمه وانتي ي لطيّيف إن شفتك تضايقين بنتي بكلمه او فعل كسرت هالعصا ع ظهرك فاااهمه << صرخته ألجمت كل ألسن الحاضرين وقتها عرفت انه لي سند قوي مثل الجبل شامخ مايهتز وقتها كل مخاوفي تلاشت وتعززت قوتي منه وقته تركت كل حمولي تستند ع ظهره لأنه تأكدت مهما تثاقلت ماراح ينهد ويكسرني ثانيه جدي سالم جعل عمرك يطول أعوام وأعوام بالصحة والعافيه يارب ..
وقتها خذت عهد ع نفسي حياتي كلها راح تكون لهم وبس وفيصل سواء تقبلني او لا سواءً
رجع او لا مش مهم المهم في حياتي هم جدي وجدتي وانا المفروض أكون له ممنونه لأنه من دون مايدري أكرمني بشخصين أنا بحاجتهم أكثر منه أبتسمت ونقزتني ع خصري منى : اللي ماخذ عقلك يتهنى فيه
إبتسمت لها : جداني عساني ماعدمهم
بوزت بشايفها: جدّاني مالت ع بالي عمي
عقدت حواجبي : عمك ؟؟! ليش يعني بسرح فيه
منى: وي يعني بما أنكم عرسان جدد< غمزت>> وكله مسافر صار له اممم ست شهور الا أسبوع صح
انا بعدم اهتمام : صح وإذا
منى: يعني تعرفين شوق ولهفه وحركات يعني
ببرود: هذا بعقلك بس
تضحك : يعني كيف بعقلي تقنعيني انك ماتشتاقين له وتفقدينه خصوصاً وأنتم ليسى كناري هههههههههههه
ببرود : هذا يصير بس مع اي زوجين طبيعين مو مثلي انا وعمك
بصدمه : كيف مثلك انتي وعمي
ببرود : بحكم قربك لعمك وقربك لي راح أقول لك ع سر بس انتبهي حد يعرفه
هزت براسها موافقه، أنا وعمك ماكنا مثل اي زوجين ولا راح نكون أبداً ، أنا أنجبرت عليه تحت ظروف وانت تعرفينها لما جاني جدي سالم وقال انه عوض كسري وانا عوضه مدري كيف أُوصِف لك شعوري كأني طفل تايه وحصل يد حنونه تطبطب عليه وتراعيه رغم التردد الا انه ماقدرت أمنع قلبي من انه يوافق وصار الزواج وكنت الاحظ ع عمك هروبه مني بطلعات وسفريات حتى<< سكت >>
منى مصدومه كملي
كملت : عرفت بعد الزواج انه عمك بعد مغصوب عليّ وماكنت برغبته تزوجني بطلب ورجاء جدي وابوي وماقدر يرفض لهم ، وافق تحت ضغوطاتهم واستغلوا عاطفته من ناحيتهم تزوجني وجابني أسكن هنا مع جدي وجدتي لأنه تزوجني عشانه تركني هنا معهم بصفة زوجه لكن مو زوجه
بصدمه : كيييف ؟!
أخفي ارتباكي : بموافقة الطرفين
بعصبيه: مخبل إنتوا ست شهور مع بعض وكأنكم أغراب
غمض عيوني لاتخوني دموعي : لاتزيدينها عليّ ماكنت بحكي لك لو ماأنضغطت
بإستغراب: ست شهور وماتغيرت مشاعركم يعني لابد يصير شي ميل ع الأقل
سكت وفضلت الصمت ماعندي رد نزلت نظري لعند رجولي وهي تناظر فيني مصدومه ..
السلام عليكم ورحمة الله وبركاته
الكل رفع نظره لصاحب الصوت كان واقف بشموخ وهيبه بوسامته اللي تخطف القلوب من نظره غير مقصوده منه ..
باس راس جده وجدته وخواته وعيالهم .. منى تحضنه: لك وحشه ي الوحش
فيصل ضربها ع رأسها بخفه: وحش اللي ياكلك يالبطه .. كيفك ؟
منى وضامه كتفه وبحب : مشتاقين ولهانين
فيصل يبعدها: حشى زوجتي مو بنت أخوي
الجد يضحك : ههههههه قالت اللي غيرهم قالووه بعيونهم
فيصل ناظرني وببرود: كيفك هديل :؟
بادلته بنفس البرود: الحمدلله : الحمدلله ع السلامه
كانت نظرات منى تراقبنا وفيصل ابتعد عنها وجلس حذال جدتي: الله يسلمك.. صبي لي قهوه ي منمن مصدع حدي ..
منى: من عيوني.. مدت له الفنجان" وخذتهم السوالف عن سفرته ، حسيت بضيقه وطلعت من عندهم من غير ماينتبهون عليّ وصعدت جناحي وتسندت ع الباب وخذتني الذكريات لقبل ثلاث شهووووور !!!

للحديث بقيه كونوا بالقرب إن أحببتم
الحمدلله ع كل حال ..

ومضه :
الأوقات المرّه مثل القهوه تجعلنا نستفيق.!!

سردٌ في غااااااية الروعة


ننتظر البقية

احيي فيك صبرك العظيم ، ان كانت القصة حقيقة من مقتطف واقع تعيشينه اختي هديل ...

لو مالصبر لما طقنا العيش فيها ..!!