حبيبتي من خلال ردج على أختي نبض الدان لاحظت شيء!
انتي ماتبين تتغيرين !
لا تقولين أبي اتغير لا جذي ما تبين تتغيرين وما راح تتغيرين

خليني اكون قاسية وياج ، لأني ابي مصلحتج

نرجع لموضوعنا ، إي مثل ماقلت لج انتي ماتبين تتغيرين !
اللي يبي يتغير ويسعد نفسه وزوجه واهله مو جذي !
أولاً اعترفي بأغلاطج! اعترفي انج فعلاً غلطتي .. لا تكابرين.. الغلط منج انتي حبيبتي
الاعتراف بداية لتقويم الاعوجاج
ثانياً اذا انتي غيرتي من نفسج زوجج تلقائياً وشوي شوي راح يتغير
أما اذا ظليتي بأسلوب النكد هو راح يظل جذي

انقذي حياتج الزوجية
فكري في عيالج!

__________________

Lawyer Zainab مشكور على هالكلام الجميل جد رفعت من معنوياتي بس الكلام سهل .
وش الي خلاني اقوله كذا وانهار .
اول كان املي بنتفيس عن وحدتي هو اني اطلع لسوق.
الحين حتى السوق ما يبيني اروح له بحجة انو سمحو لشباب بدخول لسوق
قبل كم يوم وداني بعدرفض كذا مره وسكتت وبلعتها ودق علي وانا كنت باخذ لي كوفي قالي وينك قلت بالكوفي
كلمني بصوت مرتفع وصراخ قال قاعده بين هالدشير الشباب قلت نعم خيرررررر
يعني الان خلاص مالي الا البيت هذا قصده
هوو شكله محرررش بامتياز مع مرتبه الشرف الله ياخذ لي حقي منه ..
بعدين انت شكلك قاري قصتي الي قبل بس ارجوكم لا تحذفون الي تبون وتحللون من مزاجكم بخصوص اخواتي هم الي ما يبون احد مو بس انا حتى الناس قاطعوهم ... وانا بالعكس جدا مستانسه لكلامك الله يجزاك خير على هالمجهود الي بذلتيه عشاني ..

استغفر الله
اصلا الفكرة قمة الغباء والسذاجة

وين الغيرة وشلون يجامعك وتفكيرة ببنت الجيران ولا صديقته على قولتك
وانتي تفكيرك وين بواحد من عيال الحاره ولا اصدقاءك
لاحول ولاقوة الا بالله
ماشوف غلطان الا انتي فتحتي على نفسك باب والله يعينك

فيه اشياء بالعلاقه المفروض الوحده ماتستهتر بها ابدا ولاتغير مفهومها نهائيا

كلنا ندري إن التطبيق صعب ويحتاج نفس طويل! بس انتي قدها!
انتي يعني شينقصج ؟
عقل ؟ أو عقلج غير قادر على التفكير ؟
ينقصج شيء من أعضاء جسمج ؟
تنقصج عين ولا رجل ولا شنو بالضبط!
تقدرين!
عطي نفسج القوة
القوة تجي من الداخل
ثقي ان انتي تقدرين..
اللي اقدروا بشنو أحسن منج ؟؟
شنو عندهم انتي ماعندج ؟
نفس الأدوات عندهم!
" عقل يفكر "
و " أعضاء وجوارح تطبق "!
فيه شيء يجي بالساهل ؟!!!!!

ماحذفنا شيء ، انتي يمكن كتبتي الموضوع ماتبين حلول تبين من يواسيج ويطبطب عليج!
آنه أقدر أواسيج .. الامر مايحتاج حنكة وذكاء زيادة
كم كلمة على بعضهم " انتي مظلومة ، وريه نجوم القايلة ، زين تسوين طردتيه ، هذا مايستاهل العشره ، انتي تستاهلين أحسن منه "
هذا اللي تبينه ؟ هالكلام ماراح يفيدج

يعني انتي ألحين أكبر همج إن تستانسين بالسوق ؟ خلاص يبا بالهداوة وشوي شوي بتاخذين اللي تبينه
كوني لج صداقات حبيبتي ، السوق مو 24 ساعة
بس الصديقات الحقيقين راح تلاقينهم قريب منج دائما

__________________

معليش حبيبتي الغباء لما ادخل موضوع وما افهم محتواه زين ..
انا قصدي انو يتخيلني اناا نفسي بنت لجيران او صديقه مو يتخيل شخص ثاني او شبه ثاني ..

بعدين انا ما ستوعبت الفكره الا بعد كلمته وبعد ما قلبتها براسي حسيتها جد الي اخترعها او اخترعتها فيها نوع من الانحراف الا خلاقي..الاعتراف بذنب فضيله ..

آنه اتمنى لج الخير ما ابيج تكونين تعيسة ، ترى الانسان والشخص المضغوط نفسياً
تدرين شيصير فيه ؟
النفس تتعب من كثر حمل الضغوط والهموم فـ تستأذن " الجسم " تقوله آنه تعبت من هذا الحمل ، انت تحمل جزء مني
فـ انتي تمرضين! تبدين تشكين من آلالام في المعدة وو إلخ

ابتسمي ، حطي في بالج إن القادم شيء جميل ، وإن انتي تقدرين تتخطين كل شيء
شذنبهم عيالج يعيشون هالهم وهم صغار ؟
آنه لما كنت صغيرة اذكر مرررررتين بالعدد شفت أمي وأبوي يتهاوشون
وكنت صغيرة شرايج إن لحد الآن اتذكر ؟
واتذكر وقتها شلون نفسيتي!
مع ان مرتين بس ! مابالج عيالج انحرموا من ابوهم شهر ، وغير خلافاتكم وو إلخ
انتي الكبيرة ماتتحملين شلون هم أطفال

ثانياً انتي حامل ، والجنين يتأثر من نفسية الأم

ثالثاً انتي تبين تكونين مطلقة ؟ بعيد الشر عنج ، بس إذا واصلتوا جذي نهاية هالطريق طلاق!
وانتو مجتمعكم ما يرحم المطلقة ترى! حطي ببالج هالشيء


عشان جذي حبيبتي انتي .. فكري بالنتائج المترتبة على كل هالمشاكل! وابتدي حليها عشان لا تكبر وتتفاقم

__________________

بليززززززززززززززززززززززز ركز معي
انا مو اكبر همي السووق انا اقول حتى الوسيله الوحيده لتنفيه عن نفسيتي بيحرمني منها بس

Lawyer Zainab
رئيك اني اسكت وخلاص انا ما ابي عيالي يتحطمون
وهالكلمه الي قالها الى الان براسي
وهل توقعين بعد الكلام الي قلته له راح يزيد او بيستحي من حاله
وانا ترا ما ينقصني شي انا حلوه مره ولهلوبه ومرحه وشكلي ما يعطي على عمري وكل من شافني ينهبل على ..
بس الي ينقصني اني انفعل بسرعه ما اتحمل الغلط ابدا
بس اعجبتني كلمتك .
((من الان قررت ان اكون سعيده))
جاري التطبيق الله يقدرني ولا راح افكر فيه .

هيه يالطيبه انا ماقلت انك غبيه
انا قلت ان الفكره غبيه
وماتودي الا للشذوذ والعياذ بالله