12-01-2015, 04:28 AM
|
المشاركة الأصلية كتبت بواسطة SFY
هذا مثال ينطبق على الموضوع السابق (الصراحة راحة) لا تتجاهلون الامر هذا مثال حي
|
12-01-2015, 04:30 AM
|
المشاركة الأصلية كتبت بواسطة soqya
السلام عليكم ورحمة الله وبركاته ..
سأقول لكِ هذا الأمر بعض الممرضات من لا أمانة لها تستطيع أن توصف حبوب للتنزيل طبعاً بمبلغ مالي دون اللجوء للعملية والألم يكون شديد جداً أخص من ألم الولادة رأيت حالات كثيرة وبعدها تذهب مستوصف مافي أمانة ويكون التنظيف سيء وتظل الدورة عليها ومماسببت لواحدة سرطان في عنق الرحم ، وفي بعض المحلات ما يسمونها بالأندونسية توجد لديهم الحبوب .. لا تأخذي شيء ، حتى لو زعل مصيره يرضى . |
14-01-2015, 10:28 AM
14-01-2015, 10:32 AM
14-01-2015, 11:33 AM
|
المشاركة الأصلية كتبت بواسطة أتألم بصمت
مرحبا .. كيفكم ..
قبل يومين جلست معاه وقلت له خلاص خلينا نرضى باللي كتبه ربي نجيب هالبيبي وبعدها بسوي لولب ان شاءالله عشان ماعاد تكرر هالغلطه .. قال البنات لسه صغار ويكفي ازعاجهم مو متحمل يجي واحد ثالث ويسوي قلق وحاول يقنعني انه يجوز الوحده تسقط قبل اﻷربعين يوم لانه لسه مانفخ فيه الروح.. طلبت منه نروح للدكتوره واشوف عمر الحمل .. وافق على طول وطلب مني اجهز نفسي يوديني ب الليل .. رحنا للدكتوره وقبل لا ادخل عليها قال ( لازم نقول لها انه مانبغا هالحمل ونحاول معاها يمكن تساعدنا ) وطول الوقت يضغط علي ولما دخلنا ع الدكتوره ماعطاني فرصه اتكلم .. وشرح لها كل شي وانا اشوف الفرحه بعيونه وهو يحاولﻻ يقنعها .. وانا خانقتني العبره .. جلست انتظر رد الدكتوره وما شاءالله عليها طلعت بنت حلال وجلست تنصح زوجي وتقول له يرضى ب قضاء الله وانه هذي نعمه من رب العالمين ومحد يدري وين الخير وووو... قالت كلام كثير برد على قلبي شوي واتمنيت يكون كلامها لامس قلب زوجي .. وبعدها طلبت من زوجي ينتظرني برا عشان تقيس لي الضغط .. طلع زوجي وعلى طول قالت لي انتي ماتبغي تنزليه صح .. اول ماقالت لي هالكلام ماتحملت وبكيت عندها وشرحت لها انه جالس يضغط علي وكأنه الحمل هذا جريمه .. حاولت تهديني وقالت لو مكتوب له يجي ع الدنيا مافيه اي قوه ع الارض راح تمنع هالشي .. وطلبت مني اسوي فحص دم واراجعها اليوم ان شاءالله .. رجعنا البيت وكان ساكت طول الوقت .. نيمت بناتي وجلست معاه قال الدكتوره هذي ماعندها سالفه لازم نشوف لنا حل ثاني .. نروح عند دكتوره اجنبيه مو مسلمه واكيد راح توافق تسوي لك تنظيف وقبل لا تكملي 40 يوم .. ناظرت فيه وانا ساكته قال ليش ماتتكلمي .. قلت له انت واحد ماعندك قلب ماتحس اناني تفكر بنفسك وراحتك وبس .. ماتفكر فيني ولا بصحتي ولا ايش ممكن يصير فيني لو طاوعتك .. كل همك ماتبي ازعاج ماتبي حليب ماتبي حفاظات .. ليه جالس تحسسني وكأنه نهاية العالم وكأنه لا سمح الله حمل بالحرام .. ليه ماترضى وخلاص.. انفجرت وماقدرت اوقف وانا اتكلم وابكي لانه طول الوقت هو ويعيد ويزيد .. لما شافني بهالحاله قال ليه تفكري كذا صدقيني انتي كمان بترتاحي شوفي البنات كيف مطفشينك .. بعدين سكت شوي وقال انا عارف انك تبغي هالحمل .. بس وقتها لا تلوميني لو تزوجت ودورت راحتي لاني مليت من كلمة جيب حليب جيب حفايظ.. مارديت عليه ودخلت غرفتي انام .. اليوم ان شاءالله براجع الدكتوره تشوف لي عمر الحمل . . وبعدها ماني عارفه كيف اواجه الضغوطات من زوجي .. لما اشوفه يتصل ع ممرضات ويسأل هنا وهناك يبي بوصل لحل استحقره اكثر واكثر واحس بمشاعر كراهيه تجاهه لانه يفكر بنفسه وراحته وبس .. كل يوم ابكي ولما اوقات امي تتصل تخنقني العبره اول ما اسمع صوتها . نفسي اشكي لها بس ماني قادره ﻷنه هددني ما اكلم احد ف الموضوع.. نفسيتي تعبانه .. وزوجي قلبه متحجر . . حاسه اني جالسه اتحمل فوق طاقتي .. عايشه ألم نفسي فظيع وكل يوم اتخيل اللحظه اللي يجي يقول لي فيها خلاص نرضى بقضاء الله .. دعواتكم .. |
14-01-2015, 11:46 AM
17-01-2015, 09:48 PM
18-01-2015, 04:48 AM
| مواقع النشر |
ضوابط المشاركة
|
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|
العرض العادي
