آلمني طلبه جدا.. أنت عزيزة عند الله
بالميثاق الغليظ الذي جمع بينكما..وجعل
الله لك حقوقا كما أوجب عليك واجبات..

فلا تفرطي بأبسط حقوقك وهو أن يعزك
وأن يحافظ على عرضك وشرفك..لا أن
يتسبب بوضعك في الشبهات..

أخية قوي قلبك وإن أحببته واشتقت له
سيعوضك الله خيرا ولكن صوني نفسك
من هذا الطلب الغريب..وعلى كلامك لا
يريد أهله أن يعلموا لمااذا؟!!!

أختي أنار الله بصيرتك وقواك لما فيه
خيرك ومصلحتك..

__________________
يا حي يا قيوم برحمتك نستغيث أصلح لنا شأننا
كله ولا تكلنا إلى أنفسنا طرفة عين..

يا اختي هذا قايلها في وجهك وموضحلك نواياه وبينكم طلقة وينتهي كل شي وبعد تبينه !!!!!
هذا يقولك ابي وحدة احسن منك وزواج احسن بس ابغاك ساعتين وخﻻص ﻻ رجعه وﻻ فلوس رضوة لك عم هجرك 7 شهور وﻻ وعدك بشي وبعد تبينه
وش تبغين فيه ؟؟؟؟؟

عارفه وش الشعور اللي فيه واعذريني كل مااقرا موضوعك نفسي اروح واقطعه قطع قطع
احس صرت متوحشه اعذريني الحياه جعلت مني كذه اكره الانذااال

__________________
اللهم اغفر لي واهلي واحفظ لي عائلتي واهلي من كل سوء واجعلها هاديه مهديه ♥

من اول ماتزوجته وهو يطردني لبيت اهلي
وكنت اترجاه يجلسني ببيته
واحيانا كنت اروح لمده اسبوع ثم ارجع من حالي مو هو يرجعني
قد يكون هذا السبب اللي ارخصني عنده

وانا لا ارغب بالعيش ببيت والدي
ابي انسان عصبي ومتسلط على الكل

والسبب الثاني اللي يخلني اخاف من الطلاق كلام الناس خصوصا اني تطلقت اكثر من مره
والطفل اللي بيننا حرام يتشتت

بما انك موظفه الحمد لله منت محتاجه لابوك ولاله
وشخصيه ابوكي محتاجتها مع زوجك الان يعني انتي مرخصه نفسك لزوجك وكنت احسب اهلك كمان لكن خليه يجي ويكلم ابوكي زوجك يبغاله كلام رجال الدنيا مو سايبه بكيفه

__________________

انا استغرب ليعض الحريم وتدخل تشكي بالمنتدى وهي اصلا سبب مايحصل لها من مشاكل
يابنتي صحصحي ان شاء الله مطلقه مليون مره خير ياطير
احساسك بالضعف بينك وبين نفسك هو لي جايب لك الذل
وزوجك مستشعر هالشي
اشلون يطلبك ساعتين خويته انتي ولا ماتزوجك مسيار؟؟
اذا مااحترمتي معنى الزواج والميثاق الغليظ واغليتي نفسك هو ماراح يغليك ولايقدرك
روحي علمي اهله واذا طلقك وبتم
حياتك كذا عيشي بكرامه وانتي مطلقه احسن من زواج ذل ومهانه
والله مانرضى لخواتنا هالشي
لاتهربي من جلباب ابوك لذل زوجك
ابويا يسوي فيني لي يبغاه ولازوج يحقرني
لا ويبي يتزوج بعد حاسب حساب اهله والحرمه الجديدة وانتي بالطقاق
اسفهيه جد مايستحي على وجهه

__________________
أقّسَمتِ مِرآراً وُتِكٌرآراً أنَ لآ مكَآنْ للّرحِيل بيَننا وُلكِنْ الرّحيلْ كٌآنْ أصَدقْ ...

اختي انا راح اقولك راي مع اني جديد بالمنتدى وانا نفسي عندي مشكله ماني قادر احلها وعشان كذا سجلت ونزلت موضوع عن مشكلتي اطلب المساعد من اصحاب الخبره
لكن انا شفت موضوعك بالصدفه وحبيت اعطيك رأي لأني انا رجال واعرف كيف التعامل مع اكثر شخصيات الرجال
اختي الرجل لايمكن يجي بالعناد ولاتاخذين باللي يقولك خلك قويه ومن هالكلام
نعم خلك قويه لكن على غير زوجك فـ البيت يحتاج قوة الرجل ولين وانوثة المراءه فـ بصراحه موجب وموجب لايمكن يتقاربون
واكون معك صريح انا لما قريت طلبه اوجعني قلبي ولاهو مقبول من اي انسان فيه ذرة عقل
لكن المهم الحين كيف تتصرفين
راي انك تتصلي باهله وتقولين لهم الحقيقه وانك الى الحين على ذمته
وتخلين احد من اهلك اخوانك او ابوك يتصل عليه ويطلب منه انه يجي للبيت عندكم واجلسي معه واتفاهموا
على كل النقاط اللي تضايقك واسمعي منه ايش اللي مضايقه منك ولاتحاولين تدافعي عن نفسك وهو يقولك عيوبك اللي يشوفها وحاولي تعدلي من نفسك اذا فعلا العيوب اللي قالها تشوفيها فعلا موجوده فيك
وبعد مايخلص انتي بعد قولي له اللي يضايقك منه ولاتخلين شي بقلبك وطبعا لااوصيك بالكلام اللين

اما انتي تعاندين وهو يعاند ماراح توصلون لنتيجه

المال مو كل شي
انا احتاج حرية وزوج يهتم بي
ويستر علي من كلام الناس
وما احب ابوي يتدخل بحياتي

ولكن زوجي بعيد عني مو بحالي
ولا استبعد ان يتخلى عن اي لحظه
راح تكون حياتي صعبه
وكلا راح يتدخل بحياتي ويتكلم بزوجاتي المتعدده

دنيا صعبه

والله ماستيعد ان زوجي مايحضر لاهلي ويتناقش معهم
اتوقع انه خجلان من اللي عمله فيني

ويوم يقولي تعالي ساعتين كان شارب المسكر
ورفضت طلبه في وقتها وانتهى موضوعها
وهو مافتح الموضوع بعده

المشكله ان زوجي يمارس العاده السريه
وهذا سبب رئيسي بعدم حاجته لي

تحت تأثير المسكر

لا حول و لا قوة الا بالله العلي العظيم