المشاركة الأصلية كتبت بواسطة مكلومة

أخي هل أنت بحاجة للزواج للعفاف؟
إذا عندك قدرة تتحمل وتصبر بدون زواج اصبر ولا تتعجل،،
أنا لست ضد زواجك،
ولكن أنصحك تقبل عليه بدون توجس ومخاوف ووساوس،،تقبل برغبة وشغف وحب وصفحة جديدة بيضاء مع نفسك ليس فيها تراكمات وترسبات الماضي.

المشاركة الأصلية كتبت بواسطة تحملتك كفاية

السلام عليكم ورحمة الله وبركاته

الاسبوع الماضي بعد صلاة المغرب قابلت جاري مستأجر جنبنا وسوالف معاه وهو عارف اني منفصل ومطلق

سألني مالك نية ترجع طليقتك وتلم شمل عائلتك وكان ردي بالرفض تماماً لفكرة عودتنا لبعض وان عدتها انتهت وانتهى معها كل شئ خلاص .

فقال لي اذا لك خاطر بالزواج اهلي ساكنين بالحي الفلاني جيرانهم عندهم بنت ابوها وامها منفصلين من هي صغيرة عايشة عند جدتها وكانت لها مثل الأم وخالها كان لها مثل الأب

والوالدة دايم تتكلم عنها وانها تزورهم مع جدتها وتمدح فيها وش رايك يابو فلان قلت ماعندي مانع اسألوها اول هي ترضى برجال عنده طفلين وعايشين عنده والله يجزاكم خير

وفعلا كلمني وقال الوالدة كلمت جدتها والبنت تقول ماعندي مانع بس يكون محافظ على صلاته بالمسجد ( وكل الفروض ) ويكون حسن العشرة والأخلاق

انا ارتحت لما ذكرت الصلاة وكذا حسيت انها صالحة

قالي اجيب رقم خالها تكلمه وتقابله وتقوله انك من طرفنا ولا لا

اذا مالك رغبه لاتفشلنا ترا بحياتنا ما خطبنا لاحد وهذا من غلاتك ومن هالكلام اللي يحرج الواحد

قلت له عطني مهله يومين اكلم الأهل واشوف وش بخاطر الوالده والوالد وارد لك خبر

الآن انا متردد احس اني مستعجل ماراح على طلاقي الا 5 أشهر تقريباً واحس ان كل البنات نفس طليقتي الكل يمدح

وعقبها يطلع مافيه شئ من هالمديح ثقتي بالنساء احس مهزوزة مع اني اقول يارجال تعوذ من الشيطان اصابع يدك مو سوا بس احس بخوف لسببين

لاسمح الله صارت مشاكل وماكتب الله نكمل وحصل طلاق انا بيكون هذا طلاقي الثاني وعندي طفلين ويمكن يزيدون مع الزواج الثاني وسمعتي بتصير زي الزفت ان هذا يتزوج ويطلق ولو تبي تتزوج ماحد بيزوجك بيقولون انت لعاب تتزوج وتطلق

وشئ ثاني انا ما اعرف عنها شئ ابداً ولا اعرف عن صفاتها شئ بس اللي سمعته من جاري والله اعلم

وش الحل اكمل ولا اتريث واقوله اني راجعت نفسي والافضل انتظر سنة

المشاركة الأصلية كتبت بواسطة تحملتك كفاية

ترسبات من الماضي والله للآن موجودة ومازال ذكر التجربة الماضية يؤرقني والتفكير متعبني ومادري هال الزواج بيمسحها تماماً او بالعكس بيزيد همومي

اشكرك على ردك