انتى عندك حق طبعا فى شكواك ومن حقك طبعا تحسى باهتمام زوجك ورعايته وحنيته على اطفاله ومساعدته ليكى
بس برده حاسس انك مكبرة الامور واخداها كتييييييير على اعصابك وده ضرر عليكى وهيكبرك قبل اوانك
كمان غلط جدا انك اخدتى سبب زى ده انك تكرهى زوجك ولو حتى بقدر قليل غلط جدا منك ولازم تفصلى مابين سلوك غلط منه (واحد فقط) وباقى شخصيته
ولازم زى مابتفكرى كتير اوى فى عيوبه كان لازم تكتبى مميزاته وبالتفصيل
وزى ماقال الاخوة هو بيصرف عليكى ومش مقصر فى عمله وانا بضيف انه مش مدمن شىء حرام بس موضوع الصلاة مهم جدا
المهم انا عاوزه يلاقى فيكى اللى يبعده من تلقاء نفسه عن الالعاب
هو الواحد ليه بيحب الالعاب الالكترونية؟؟؟عشان مسلية ومتجددة وكل يوم فيها جديد
طيب ليه انتى متكونيش كده؟؟؟؟مش يمكن انتى بقيتى (اسف يعنى) روتينية ومفيش جديد يشوفه منك؟؟؟
مش يمكن شغلك ودراستك والبيت اثرو عليكى وبئيتى عملية اوى وبعدتى عن المشاعر والاحاسيس؟؟؟؟
حاولى تتجدى وحتى لو هو متغيرش هتستفيدى
انا مش بؤيد فكرة انك تمسحى الالعاب وكده لانه هيبئا مزاجه وحش جدا وممكن ينعكس ده عليكى وممكن يتخانق معاكى بشراسة ...خليه يجيلك بمزاجه وميحسش انه مضطر يجيلك غصب عنه عشان ميعندش
الصبر...لازم وانتى بتاخدى الخطوات دى تصبرى على النتيجة مدة كبيرة ومتياسيش بسرعة لان اللى هو بناه فى شخصيته مدة برده مش قليلة ومتتوقعيش انه يبعد عن الالعاب بصورة كلية المهم يديلك احتياجك واحتياج اولادك
الدعاء ...مهم جدااااااا ولا تقطعيه
الخروج والتنزه...خليه براحته ولو مش عاوز يخرج بلاش حتى لو من غير سبب ومتزعليش ابداااااااا لان لو قعدتوا فى البيت مبسوطين احسن مليون مرة من خروج فيه نكد وضغط وحزن
صلى واقرئى قران معاه وحاولى تفننى فى اكلة حلوة تجمعكوا مع الاطفال على فيلم كوميدى حلو
اعملى stop لتطاولك ونرفزتك عليه لانك هتبعديه عنك اكتر
الدعاء ...ادعى ربنا واحنا هندعيلك كمان وروقى كده