اهلا اخوي
ايه تقبل اذا كانت مطلقه او ارمله وعمرها بالثلاثين
بشرط اولادك يعرفون اللي لهم واللي عليهم مع العلم لها الحق في الدراسه او الوظيفه
لانهم بالاول والاخير مو اولادها وماهي ملزومه فيهم عندهم خادمه هي ملزومه فيهم


بالتوفيق


ــ

__________________

هو كذلك لن يقبل بكِ ، لانه اذا وافق عليك او انتِ وافقتي عليه راح يصبح البيت حلبة مصارعه بين اولادك واولاده ...!

__________________
رَبِّ أَعِنِّي وَلَا تُعِنْ عَلَيَّ، وَانْصُرْنِي وَلَا تَنْصُرْ عَلَيَّ، وَامْكُرْ لِي وَلَا تَمْكُرْ عَلَيَّ، وَاهْدِنِي وَيَسِّرِ الهُدَى إِلَيَّ، وَانْصُرْنِي عَلَى مَنْ بَغَى عَلَيَّ، رَبِّ اجْعَلْنِي لَكَ شَكَّارًا، لَكَ ذَكَّارًا، لَكَ رَهَّابًا، لَكَ مِطْوَاعًا، إِلَيْكَ مُخْبِتًا قَلْبِي

لا ،،، الامل بالله موجود والحريم كُثُر بس نحتاج صاحبة القلب الطيب ، وان شاءالله نلاقي بس الاهم ان الواحد يرتب اموره وانا لازلت بمعمعة المحاكم ..!
فيه مميزات كثيره والحمدلله واولها البيت ملك لكن الماده جيده نوعاً ما ومتى ماخلصت من النسره تتعدل الامور بحيل وقوة ربي ..!
انا اشهد بيبطون راسها بط اعرف عيالي شيل ابوك وحط امك ضرب مضارب لكن ممكن وانا رايح للدوام اخذ بعضهم معاي يهدأ البيت ، طبعاً انا ارغب ببنت عمرها 29 الى 35 و الله كريم ويحقق امانينا

__________________
رَبِّ أَعِنِّي وَلَا تُعِنْ عَلَيَّ، وَانْصُرْنِي وَلَا تَنْصُرْ عَلَيَّ، وَامْكُرْ لِي وَلَا تَمْكُرْ عَلَيَّ، وَاهْدِنِي وَيَسِّرِ الهُدَى إِلَيَّ، وَانْصُرْنِي عَلَى مَنْ بَغَى عَلَيَّ، رَبِّ اجْعَلْنِي لَكَ شَكَّارًا، لَكَ ذَكَّارًا، لَكَ رَهَّابًا، لَكَ مِطْوَاعًا، إِلَيْكَ مُخْبِتًا قَلْبِي

نصيحه اخوي المتواضع لا تتزوج حتى تنتهي من تأسيس إبنك الصغير
اذا انتهى من أولى أبتدائي او ثاني تزوج

لأنه طفلك بحاجه لأهتمام كبير في الدراسه وتأسيس الطفل متعب جداً ويبغاله طولة بال إلا إذا أنت بتقوم فيه وهذا بيكلفك وقت للجلوس معاه

مااعرف اذا فهمت قصدي الافضل تتزوج لما يكون إبنك معتمد ع نفسه في الدراسه وتقدر تتهنى في زواجك وتهنيها

لا اتفق معك

ممكن ان يتزوج وابنه يدرس، سواء ابنه يدرس في أي فترة تعليمية ابتدائية جامعية دكتوراة

بالعكس اذا هو لم يستقر ولم يتزوج بأقرب وقت ممكن ستكون حالته النفسية سيئة وبالتي ستؤثر على ابنائه وعلى تعليمهم

المشكله ان الي تبي أتزوجها اتعرف ظروفك مع اولادك عدل.

انا الحمدلله وضع اولادي ممتاز ومعتمدين على نفسهم بشكل كبير و كلنا انساعد بعض. يعني لو صار لي نصيب مع البنت الي في بالي الحين بقولها اني ما ابي منها شي حق اولادي الا اتكون علاقه طيبه و محترمه بينهم بعدها اذا بادرت وقوة العلاقه مع الاولاد جزاها الله خير.

جاوبني بصدق هل مسكت طفل لك او قريب وعلمته كيف يتعلم اللغه العربيه بدايتها من حروف وبعدها من كلمات بسيطه وبعدها كلمات أطول وبعدها جمل ؟

أنا من خلال تجربتي بطفلين إذا يبغى إبنه يتأسس كويس
ويعتمد ع نفسه ويتقن الكتابه والإملاء يكون متفرغ له لإنه في الغالب الطفل يرفض الكتابه ويتعذر بأعذار كثيره ولازم الأب يداريه ويعطيه من وقته كثير ليجذبه للتعلم

وهذا مزعج للزوجه لإنه بيظل وقت مو قليل معاه يعلمه هذا إذا كان شايل هم تأسيسه

أما لو ماتفرق معاه وبيعتمد ع تدريس المعلمين الي غالباً يوصل الطفل لسادس وهو مايعرف الإملاء أوافقك الرأي يتزوج ويستقر ويريح باله

نعم لدي تجارب وكنت اشرف لوحدي فقط ومن الممكن تنظيم الوقت، واذا لا يوجد لديه وقت او صبر ممكن الاستعانة بمدرسين خاصين او دروس تقوية

لا اعتقد في امراءة تكون موافقة.. وان كانت تفعل هذا أمامك بس من وراك الله يعلم..
تجربه .. خالي نفس وضعك العام.. واختار ان نبحثلله عن فتاه بس كبيره بالعمر اعتقد 35 عمرها وكانت ايام الخطبه تجنن وتعاملهم كانهم اخوانها وتلعب معهم وووووو عقب الزواج تغيرت الأحوال وتقلبت 189 درجة. خالي يسافر بسبب شغله وكذا والله انهم يشوفون الويل منهاوصارت تدق عليه وتشتكي منهم وأحيانا يضربهم بسبب انهم ماطاعو خالتهم ولدرجة الحين سكنها ب شقه لحالها هذا كان شرطها .. ف انتبه يا اخي الكريم هذا كان هدفها من البدايه بس قالت اذا ضمنت الزوج خلاص.
والله ولي التوفيق

والله الي تبي تحط راسها براس عيالي وتأذيهم بيت اهلها يسعها ، اذا قبلت في وضعي حياها الله واذا موقابله ماتشوف شر واذا اشرطت علي قبل الزواج ووافقت فالمسلمون عند شروطهم...!

__________________
رَبِّ أَعِنِّي وَلَا تُعِنْ عَلَيَّ، وَانْصُرْنِي وَلَا تَنْصُرْ عَلَيَّ، وَامْكُرْ لِي وَلَا تَمْكُرْ عَلَيَّ، وَاهْدِنِي وَيَسِّرِ الهُدَى إِلَيَّ، وَانْصُرْنِي عَلَى مَنْ بَغَى عَلَيَّ، رَبِّ اجْعَلْنِي لَكَ شَكَّارًا، لَكَ ذَكَّارًا، لَكَ رَهَّابًا، لَكَ مِطْوَاعًا، إِلَيْكَ مُخْبِتًا قَلْبِي