والله سرتني ردودكم الجميلة

أشكركم من قلبي

أنا فعلا تنازلت وأرسلت له مسج ولا تأثر رد علي بمسج قاسي يوم شفته ما حس ومركبني الغلط و‘ن هجره لي جزاء على المشاكل اللي بيننا رحت له على طول وواجهته وتكلمنا وجها لوجه وعبرت له عن حبي وأشعرته إنه قسى علي وهجره أصلا ما يرضي الله حتى لو إني أخطيت أنا هو أيضا مخطي وخطاه أكبر
المهم انشرح صدره وتصالحنا وفجأة صارت مشكلة جديدة لأنه هو يطلب حاجات ما هيحق وأنا من النوع اللي ما يتنازل عن حقه ولا أتنازل عن شخصيتي وأسلم كل شي له
رجعت ومشيت الأمور لكنه استمر زعلان
المهم قعد يهاوش وما أدري وش يقول ليلة حنا راجعين من السفر كلها ما كملت أسبوع
دخل البيت وقفل على نفسه غرفة المجلس بغيت أروح وأغطيه بس فكرت قلت هو اللي راح ليش أحن عليه قلت أفتح الباب وألقي نظرة عليه وبس اكتشفت إن الباب مقفول أصلا ما كنت أدري إنه بالغرفة هذي

عرفت إني لازم أسكت لأني المرة اللي راحت قبل أسبوع بس تنازلت من كرم أخلاقي على إن اللي سواه شي عظيم المفروض يدرون عنه أهلي وأحزم أمري وأوقفه عند حده بس ما حبيت
المهم المرة هذي ما راح أسوي شي واللي راح برغبة منه أنا ماأجبر أحد إنه يجي
ليش أحاول أرجعه ماهي إهانة

أنا أفكر أمارس حياتي بشكل طبيعي في بيتي وآخذ راحتي وأنساه وهو إذا دخل وشافني بيحس إنه ولا شي عندي وبيحس إني مرتاحه
ويمكن بعد يحاول ما يدخل لأنه بيخاف يشوفني
كان المرة اللي راحت يصد إذا شافني في بداية هجره ويتفاجأ بوجودي في المجلس
وبعدها خلته أنا على راحته إذا دريت إنه بيجي أبعدت عن المكان والصالة يعني عشان يدخل ويشوف عياله

طبعا هو هجرني بس ما ترك عياله يجي يمر عليهم ويشوف وش يبون

المرة هذي قررت أصير قدامه مع عيالي وبوسط البيت
ليش لأني لازم أنساه وآخذ راحتي ولا كأن شي صار

صحيح إن مشكلتي ماراح تنحل

[ومسألة إني أبحاول مرة ثانية بمسج ولا أيشي أحس إنه خطأبس وش رأيكم بحاجة ثانية من أفكاركم

الله يصبرك

انتي عنيده ولا تتنازلي بسهوله وموقفك ضعيف لوجود زوجه اخرى


زوجك لن يتنازل نهائي لك


اذا تنازلي انتي وتسامحي منه وتغاضي عن اشياء كثيره حتى يسير المركب

ممكن بيوم يطفش ويطلقك بيشترى راحته

__________________

	لاتقل أنا طيب فالكل طيب! ولا تقل أنا متعب فالكل متعب! ولا تقل أنا حزين فالكل حزين! بل قل فقط الحمد لله صبحاً ومساءً ، ليخف أنينك وتضمحل أوجاعك وتقل أمطار دموعك ... وعش هانئاً مؤمناً...متسامحاً عفواً متعاطفاً مع الغير..و ابتعد عن النزاعات والأحقاد والانتقام فلن يكسبوك سوا الندامه في الدنيا والآخره..

حتى لو كان يبي المصاريف علي كلها ما أعيش مع واحد أنا أتحمل المصاريف عنه
أنا حقانية يبي شي النص بالنص ولا كل شي عليه لانه رجال

عيشي حياتك وفكري في نفسك وبس ولاتسالي فيه من باعك بيعيه ...

استخدمي معاه شعرة معاويه

الان هو شاد معاك ويبي تلبي له طلباته

اذعني له وقولي نعم كامل المصاريف علي ويكفينا دخلتك علينا بالدنيا كلها

الى ان تهدا الامور ثم اذا ارخي

شدي وقتها بس بشويش

__________________

	لاتقل أنا طيب فالكل طيب! ولا تقل أنا متعب فالكل متعب! ولا تقل أنا حزين فالكل حزين! بل قل فقط الحمد لله صبحاً ومساءً ، ليخف أنينك وتضمحل أوجاعك وتقل أمطار دموعك ... وعش هانئاً مؤمناً...متسامحاً عفواً متعاطفاً مع الغير..و ابتعد عن النزاعات والأحقاد والانتقام فلن يكسبوك سوا الندامه في الدنيا والآخره..

وعليكم السلام ورحمة الله وبركاته

نصيحة محبة اهم شيء احساسك بالراحة النفسية والاستقرار افلوس تجي وتروح

بالعكس ايؤيد راي مشرفتنافيافي جربي وش يضرك ودي اساعدك بس انتي حاولي تكسبينة بالكلمة الطيبة

انتي بحاجة زوج طيب وهي ان شاءالله كذلك هوعندة زوجة بس انتي بحجة رجل نصيحة لله تعوذي من الشيطان اختي

واغمرية بعطفك ومصيرة بيرجع لك وعليك بالدعاااااااااء يارب يسخرة لك ياكريم ماراح احد ينفعك حياتك غالية عندك حافظي على مملكتك كل عايش حياتة ومحد راح يسال عنك تكفين اهتمي بنفسك ونفسيتك والله اني ناصحة لله

الرجل مثل الطفل قولي اميييييين جعك ماتفقدينة

اناتطلقت ومالي ذنب بس الحمدلله على كل حا ل ادعي الله يوفقك ويشرح صدرك وارسلي له مسجات حلوة وجهزي له هدية وسوي له حفلة اغمرية بطيبك يااجمل احساس الله يحفظك دنياواخرة


اسمعي كلامي وباذن ربي ماانساك من دعواتي الله يوفقك يارب اتمنى من كل قلبي لك حياة زوجية سعيدة

__________________
دعواتكم لي
الله يجزاكم خير

فعلا كلامكم جميل الله يسعدكم

جناين ورد صحيح لازم أعيش حياتي ولا أفكر

فيافي نجد والله إنك صادقة إذا شد ونرخي

فلها وربك يحلها ربي اعانني وغمرته بحبي من دون ما أفكر باللي سواه


صحيح هو هجرني ذيك الليلة وحسيت إنه بيستمر مع إني متوقعة رجوعه
وفعلا رجع لأنه ما يقدر يستمر على هالأسلوب
قابلته ولا كأنه سوى في شي
طبعا هو معصب ومكشرفي وجهي وجلس يتشرط علي مع إني ما فاتحته بموضوع
وفعلا شد معي وأرخيت أنا بس بعدين نتفاهم
وأحس إني إن شاء الله أبنجح

لا عدمت نصائحكم الله يوفقكم

وفقك الله واسعدك باين انك ذو قلب طيب ومتسامحه وهذا سبب استمرارزواجك معه

__________________
اللَّهُمَّ إِنِّي أَسْأَلُكَ الثَّبَاتَ فِي الأَمْرِ وَأَسْأَلُكَ شُكْرَ نِعْمَتِكَ، وَحُسْنَ عِبَادَتِكَ، وَأَسْأَلُكَ قَلْباً سَلِيماً وَلِسَاناً صَادِقاً

لقيت حل بزوجي اللي تزوج علي
تدرون وشو الحل هو إني أستقل عنه بمالي
ما أخليه يدير مشروعاتي ولا يدري عنها
ثاني شي أبشتري سيارة وأرزها قدام البيت ولا أخليه يركبها حتى يحس إن لي خصوصيات
طبعا هو بيغار ويموت قهر لأنه بيحس إن بينيوبينه حواجز طبعا زوجتة أكبر حاجز حتى لو عطاني قلبه كله وحسيت بالأولوية لا يمكن يكون له خصوصيات وأنا لا
وش رأيكم ؟؟