طيب البنت قالت له: لو أنا عملت شي غلط فأنا آسفة.

يعني قدّرت زعله واعتذرت.


من حقه يزعل لأنها تأخرت وما كان معاها ريال كبير؟ .. آمنا بالله.



صعب يقول: مرة ثانية لا تطلعين لهالوقت المتأخر؟

صعب يقول: مرة ثانية كلميني وعطيني خبر إذا كنتي بتتأخرين؟

صعب يقول: ما يصير تتأخرين بدون ما يكون معاج ريال كبير .. أخوج الصغير ما ينفع؟

بلاش هذا كله .. إذا كانت الطنقرة واصلة حدها معاه فهل كان صعب يقول: خلاص نلغي الاتفاق السابق اللي كان بينا ومن اليوم ورايح لا تطلعين من بيت أهلج في أي وقت ولا لأي مكان بدون ما تستأذنين مني؟





كان ممكن يعبّر عن ضيقه واستنكاره لتصرفها بطريقة أفضل .

__________________


اللهم طِيبَ الأثر .. وحُسْنَ الرحيل.

الداشر له كذا معنى اختي مهره
مو بالشكل اللي انتي فسرتيها
تقال للي يلف بالشوارع بدون شغل
حتى ان بعض الشباب اذا سألته وين رايح يقول ابي ادشر بالشوارع يعني يلف
وهي بصراحه سوت هالشي اجل من العصر الى اخر الليل بالشارع مع طفل !! وماتبينه يزعل
وبعدين الاحترام واضح بينهم انه مو هذاك الزود
والدليل كلامها انه قليل حيا ولئيم وانها تبي تأدبه وتسكر الجوال بوجهه وغيره واما موضوع الاستئذان مو معناته انها تنام برى البيت بحجة انه اذن لها انه ماتستأذن وهي عند اهلها يعني تطلع بالمعقول

حكيمة وكلامك درر ❤

طيب أنا قلت إن المعنى هو الفرفرة في الشوارع.

بس هو قال:



بعدين أنا ما قلت إن مب من حقه يزعل .. وقلت إن من حقه يعيد النظر في أسلوبه بخصوص مسألة الاستئذان وخروجها لما تكون في بيت أهلها .. هذا من حقه وما حد يقدر يعترض .... لكن إذا بغا يزعل فالمفروض يزعل بأدب


وصحيح هي غلطانة إنها تستخدم كلمات سيئة في حق زوجها .. لكن فرق بين كلمة لئيم .. وكلمة داشرة وأهلج مب عارفين يضبطونج.[/COLOR]

__________________


اللهم طِيبَ الأثر .. وحُسْنَ الرحيل.

والمفروض عالاشياء متفقين عليها
واذا اول مره تعملها زوجته تتاخر للوقت يزعل عليها ويانبها
واكيد ماراح تعودها
لكن يتلفظ عليها بهالكلمه غلط
لازم يعتذر او على الاقل بيني له ان وقع هالكلمه صعب عليك

هو قال الكلمة في لحظة غضب مو قصده معنى الصياعة قالها من خوفه وحرصه عليك وإنت مسكتيها زلة عليه.
يختي إنت الغلطانة مافي واحدة عاقلة تلف من مكان لمكان للساعة 11 بالليل يعني نص الليل.

من جد الهجوم خير وسيلة للدفاع..

حتى أسلوبك في الإعتذار منرفز وأنا بأقرأ مالمسحت فيك إحساس بالخطأ.

فعلا الكلمة لها اكثر من معنى
وتوقعت الادارة تغير العنوان
علشان الكلمة البذيئة
خاصة ان المنتدى فيها
جنسيات مختلفة
وممكن يعتقدون انها كلمة عادية
معناها الفرفرة في الشوارع...؟

الكلمه لا خلاف عليها ، لكن أظن ان سبب الزعله كلها و الأساسيه ، ليس عشان الكلمه بل ليه ما تتأخر وليه يحاسبها و ليه يضع لها قانون انه ممنوع تطلع من دون أذنه .

كلام مهره كلو صح في صح ، هوا كان يشكك في اخلاقي يقول علميني ايش عندكم هاه ايش المقصد أنكم تاخذوا اخوكم الصغير ؟؟؟ خايفين من ايش ؟ و اني قليلة حياء وداشرة وما استحي وانو اهلي مو عارفين كيف يضبطوني انا وأختي ؟!!! وفي الأخير تفل عليا وقفل الخط ؟؟؟
كل دا الكلام عندكم ولا شيء ؟؟

اللي صار انو رجعت بيتي ، وفي حاجه حابه اذكرها وهي انو زوجي فيه طبع اذا كنا في البيت يصير زي البسه لطااافه وكيااته مالها حد ولما ننزل عند اهلي ولا عند أهله يتغير مدري ايش يصير فيه وممكن يغلط عليا زي دا الخطأ !!!

المهم اول مارجعنا جالس يضحك لي ويضمني وكأنو ماغلط عليا بشيء قلت له بعد عني ولا تلمسني انا داشرة صح خلاص بعد عني ..ويضحك ويمسكني بقوه ويحاول يغير الهرجه وقلت له يعني انت ماتحس نفسك غلطان ؟ قال لا مو غلطان لكن أسلوبي كان خطا وقال انا أسف ، وانا صراحه كنت حاقده عليه و من قوة الزعل قلت له ماني مسامحتك اول شيء بوس ----- واعتذر وبعدين حسامحك
وسلم عليا واعتذر قلت له خلاص سامحتك ومرا تانيه لا تعيدها وقعد يضحك لي ويتكلم معايا ...وعدت الهرجه ع خير 😴