حبيتي انا مب مستعده اضيع عمري معاه انا عمري صغير23 سنه والشيب في راسي متروس

ولدي ان شاء الله راح يشوف كل خير وادري اختي ما في احد مرتاح لكن انا مب مرتاحه انا متعذبه معاه

مشكوره اختي على ردج مب بس يده الكسر عسى لسانه القص وانا مب متنازله عن اي شي

والحين ولدي عندي الحمد لله

الله يساعدج اختي , عورني قلبي عليج وعلى ولدج , وزين انج رحتي المجلس الاعلى وان شاء الله الاميره سبيكه , مارح تتركج , وراح تساعدج ,والله ينصرج على زوجك ..

..الله يوفقج وينصرج على من ظلمك ..ويخلي لج ولدج .. والله يريح بالج ..

..وطمنينا عنج وعن آخر مستجدات قضيتج ..

اليوم الصبح اخته اتصلت فيني تبيني اتفاهم معاه واعطيه فرصه وقلت لها لو شنو انا مابيه وتقول علشانا عطيه فرصه قلت انتوا على عيني وعلى راسي لكن اخوج تحت ريلي وتقول اذا مره ثانيه قال لج شي ولا مد ايده تعالي قولي لنا احنا بنقوله يطلقج خراطه الدنيا

وتقول احنا كلنا فهمناه وماراح يعيدها وقلت لو من اليوم الى باجر تحاولين تغيرين رايي ما راح اغيره

اخوج ما يبين في عينه اي شي وتقول اهوا خايف انج تحرمينه من ولده قلت شفتي يوم واحد
وما قادر عيل انا وولدي شنو انحرمنا من بعض اسبوع ولا حس


وقلت الي ما يحفظ كرامه مرته مب ريال ترى اهوا مب ريال غلط اذا تسمونه ريال وانا صايره له المراه والرياال في البيت


وتقول انتي اشتكيتي عليه قلت اي تقول ليش وصلتيها جذي قلت لها شنو تبيني اسكت عنه واحط يدي على خدي ابجي وتقول اني تبين الطلاق لانه في الاحضاريه الي طرشوها بأنه مكتوب الطلاق قلت لها علشان يحققون كم مره طلق وكم مره محسوبه وعلشان يثبتونها في المحكمه

وحاولت وحاولت وقالت وين الحب الي بينكم قلت لها مات مات وتقول عطيه فرصه عشان الحب الي بينكم وقلت لها روحي وسأليه كم فرصه عطيته وشكثر سامحته على غلطاته وزلاته وخياناته
وتقول ولدج حرام تسون فيه جذي قلت لا تلوميني لومي واخوج مب انا
وتقول يوم يسب في شرفج كان معصب وقلت لها انا بعد اعرف اسب اخس منه لكن احترمته واحترمتكم ولكن الواحد لازم يثمن الكلام قبل لا يقطه على ايد احد

.. عزيزتي ..

.. الظاهر زوجك شاف انك قويه ومو ممكن تتساهلين .. وانه السالفه صج , وفيها محاكم وقضايا ومرمطه , قال أبدأ بالصلح وأوسط أخواتي ..

.. بس ألحين لازم تثبتين طلاقج منه , لانه اهوا نطق عليج الطلاق , وقالها أكثر من مره , بس تنحسب مره وحده ..ولما يردج له ويرجع يطلق تنحسب ثنتين , فهمتي ..

.. أحين الا ابيه منج , انج تهتمين بولدج وبنفسج , وتريحين بالج ,, وتفكرين زين ..

لانه القاضي راح يحاول يردكم حق بعض , وراح يسئلج إذا حابه تردينه له .. وانتي اهنيه بكيفج , وهذه حياتج ..

بس لازم تفكرين واايد .. هل ارد له علشان ولدي ؟ وهل اذا رديت بتعدل حاله ؟ يعني لازم تفكرين فيها عدل ..ومن كل النواحي ..

.. الله يوفقج ويريح بالج .. وطمنينا عنج ..

فرج الله همك وكربتك وعليك بالدعااء والاستغفار

وقبل الانفصال اتصلي على مصلح اجتماعي واستشريه

__________________
اللَّهُمَّ إِنِّي أَسْأَلُكَ الثَّبَاتَ فِي الأَمْرِ وَأَسْأَلُكَ شُكْرَ نِعْمَتِكَ، وَحُسْنَ عِبَادَتِكَ، وَأَسْأَلُكَ قَلْباً سَلِيماً وَلِسَاناً صَادِقاً

انا خلاص كلامه يرن في اذني وادري به بو طبيع ما يوز عن طبعه انا احس اذا رديت راح تيم مثل ما هو فوق ذي راح يهزئني ويذلني لاني اشتكيت وولصلتها للمحكمه

والله العظيم كثر ما حبيته انا الحين صرت اكرهه اضعاف اضعاف الحب وانا مب مستعده حق اعيش مع انسان ما عنده احساس وخمس سنوات وعلى الي اسوي له مب مبين ولا ينقع في عينه
وانا مابي ارد له بس لانه خايف ويبيني انتازل عن الشكوى نفس قبل اشتكيت وعليه وتراضينه ورحت وتنازلت وتم يهواء على كيفه ورد نفس الحركه يسويها والله العظيم شكثر سامحته وراعيته واقصر على نفسي علشان نعيش مرتاحين وفوق كل الي يسويه في حق يقول اني انا اييب المشاكل واحب المشاكل مب كأنه اهوا يب المشاكل معاه البيت


كل واحد يدخل يدعيلي ان الله ينصرني عليه والله الصراحه مرتبكه لاني باروح الحين المحكمه
وادعوا لي الله يقويني على الظالم واعرف اخذ حقي منه

اسال الله باسمائه الحسنى وصفاته العلا ان ينصرك نصر عزيز مقتدر عاجلا غير اجل وان يكتب لك السعادة في الدارين وان ينير طريقك بالحق .اللهم يامن نصرت سيدنا ونبينا محمد بن عبد الله انصر اختي في الله واظهر لها الحق ان على كل شي قدير لا اله الا انت سبحانك انا كنا من الظالمين اللهم فرج همها وهمنا وانصرها على من ظلمها امين يارب العالمين.طمنينا عليك قلبي معاك يا اختي

آآآمين
آآآمين
آآآمين
الله يكون معاك آآآآه على رجال آآآخر زمن أعوذ بالله منهم
سبحان الله صاروا الرجال عمله نادره وثمينه بهالزمن

__________________
أشتقت لكم جداً 💔

مشكوره على دعاءج ويا رب يفرج همج في اقرب وقت