شيء جيد إنك تغيرتي وهو لمس هالتغير
وإنتي مو تغيرتي عشانه .. تغيرتي عشان نفسك أولا
فلا تنتظري الطرف الآخر يتغير بس عشانك تغيرتي
مع التغير راح يصير الهدوء طبعك
محتوى رسالتك من نفسك قلتي جارح
لو هو رسل لك هالأسلوب أكيد راح تزعلي
وما راح ترضي من نفسك اليوم الثاني مباشرة
زوجك من النوع اللي تقدري تمتلكيه بطباعك الحسنة
فجاهدي من أجل ذلك

طيب ممكن تكتبين لنا الكلام اللي كتبتيه له ؟؟

أنا معاك منفرده هو ليه مايتعير عشانك....

لكن تذكري انه رجل كبير مو توه متزوج عشان يتغير بسرعه

يعني هذا الاسلوب يستخدمه مع اصدقائه ممكن حتى مع اولاده فبيصعب عليك تغيره بسهوله

كلي العنب حبه حبه حتى ربك يفرجها

الله يسخره لك يارب

منفرده حتى لو ما كتباي غير كلمة وحده جارحه من حقه يحظرك ولو انا مكانه بسوي نفس الشي
فما بالك بثلاث رسايل كل وحده سطرين وكلها كلام جارح باعترافك
وتستكثرين عليه انه اكتفى بحظرك!!

طيب غير زوجك يرجعلها البيت ويعطيها من المنقي خيار ويمكن يطلقها
زوجك قصر الشر وما بغى يرجعلك الكلام باقوى منه تعوذ من الشيطان وحظرك وريح واستراح

يعني هو اش دراه انك بتكتفين بثلاث رساءل بريءه!مشى الاولى وعدى الثانيه جات الثالثه قال اكيد بعدها الرابعه والخامسه ووووو خليني احظرها وارتاح واحفظ كرامتي لا تجرحها اكثر
انصفيه من نفسك وانصفي نفسك منه

ولا تنسين انك بعد ما حظرك مصره تلاحقينه واتصلتي من جوال اختك
خلاااااص شفتيه حظرك معناها وصل حده اسكتي يعني تحسبينه بيقول اه معليش حظرتك بالغلط الحين افك الحظر!!

وهو صادق يوم يقول ان كان شيطانك راح وقتها شيطاني باقي براسي
كلامه صح وتصرفه عين الصح احسن ما يرجعلك ويصير شي تندمون عليه الاثنين

منفرده انتي بداتي طريق صح كملي ولا تخلين مشاكل جانبيه حسب وصفك لها ترجعك لنقطة البدايه
زوجك يحبك وطيب بشهادتك اذن اي منغصات تاكدي انها من الشيطان ليهدم استقراركم وحبكم لبعض

المطلوب اتركي العتاااااب
عاتبي بنفس الوقت والمشكله وبهدوء .. طلع خلاااااص لا تلحقينه بالرسايل والاتصالات
بيرجع وتقولين كل شي وجها لوجه وبهدوووووء

__________________
( والذاكرين الله كثيرا والذاكرات )
ادعوا الله ان يجعلكم من الذاكرين له..

المرأه هي الي تتكيف مع طبع الرجل اولا ثم يتأثر تلقائيا
هذا الي علمتني الحياة
من حياتي ومن حولي ومن كلام الخبراء والمدربين
ونصيحه لاتقولين هو ليش مايسوي لان بكذا تقهرين نفسك
ابدي بنفسك وقولي كيف اغير هذا الطبع فيه وش المطلوب مني اسوي
لان الانسان مسؤول عن تعديل نفسه ( : إِنَّ اللَّهَ لا يُغَيِّرُ مَا بِقَوْمٍ حَتَّى يُغَيِّرُوا مَا بِأَنفُسِهِمْ)

السؤال :
لما يتهاوش الزوجين _ ليه لازم متابعة الهوشة عالواتس او النقاش ؟
لا أحبذ هذا الفعل وأنا أنثى , العتب كلمة أو كلمتين بوقته وخلاص ..

ههههه لا حرام عليك

السؤال الثاني :

اش حقه البكي ؟؟
ما عمري الحمد لله بكيت وما أحس فيه داعي للبكي .

( العتب أسلوب صارم يغلفه الأدب لمقام الزوج , بكلمة أو كلمتين فقط )

الصارم وليس الضعيف المليء بالدموع

فيه رجال يجبروك تسوي هذا الشي !

لانه النقاش والعتب وجها لوجه ما يعرفو له، ولا يعطوك فرصة تتكلمي وتقولي اللي عندك

الواتس اب سهل علينا نقول اللي في راسنا من غير هجوم وحرب

ليس كذلك !
أولا : العتب له مقامه وأسلوبه , الرجل لا يحب كثرة الملامة ولا كثرة الكلام .

مثلا :
إذا حدثت مشكلة التزم الهدوء , وإذا شعرت بأنه هاديء , استأذنته بالتحدث ..
إن أذن لي ، عبرت عن رأيي في كلمتين أو أكثر مهذبتين وبصرامة .

وجدت أن هذا الأسلوب مثالي جدا ..


أما الواتساب .. فهو للرسائل السعيدة والمضحكة وطلبات البيت فقط