حبيبتي ام سهيل هدفي من اخباره هو ان يافلان انا عرفت فعلا لان سبق عطيته فرصة لان هو مريح باله يحسب ان ماراح اعرف شي
كيف كنت ببعد هالمرأة لان مستحيل افكر ان اتصل فيها احس اني تافهه بكل بساطة بتقول مابيني وبينه شي عادي
انا ما افكر فيهن اهم شي هو يتغير ومن نفسه يبعد ويتغير للاحسن
ولما علمته ان عرف هنا فعلا اتضح لي انه على علاقة بها والا ما كان بيثور وبيتضايق وبيقلبها علي وبيعطيني حجج واهية
انا فاهمة شخصيته هو اهم شي معه ان لا ازعل وان يتظاهر ان ظلمته ويبي يغير فكرتي عنه بس بطريقة غلط خايف من ان اتخذ اي موقف ضده ويروح فيها هالمرة اختلف وضعي كنت اخذ واعطي حتى وان كنت زعلانه هو فكر ان مثل قبل هالمرة لا ارد على مسج ولا اكلمه ولا ابالي به هالشي يخليه يتعب ويغلي من داخله
وبالنسبة لكتمان حياته السابقة ما اقدر اخلي احد يطلع عليها من باب الستر عليه لكن ان زاد الامر مافيني حيل لكن بيئتنا تقول الرجال شايل عيبه لاحد يلومه هو حر بنفسه وبعائلته اذكر زوجة اخوه تقول لي كل مازعلت على زوجي امي ترجعني تقول استري نفسك واجلسي ببيت زوجك لك اكل وشرب وخل الرجال يسوي اللي يبي هو حر في تصرفاته
ردة الفعل هذي تقهرني



امس بعد ما طلع من البيت رجع بعد ساعة ونصف فتحت الباب ودخلت عنه قال طيب يافلانه بيصير خير مارديت عليه

__________________
يا رب خاتمة حســنة ، وزلفى ، وحسن مآب ..

ضيقي عليه الخناق حبيبتي ومابيرجع للعلاقات ان شاءالله..بكل مره تعرفي عن علاقه ازعلي وواجهيه واقرصي اذنه وخوفيه انك بتتركينه ...

.

للاسف انتي معطيته كامل الاريحيه....
وش يعترف وش تنتظرين يقول؟؟
هو باقي شي عشان يعترف فيه؟

.

__________________
الجنس: ذكر

لا والله ما بقى بتطلع مثل شبيهاتها
طيب اخوي انا ماعاد اكلمه وامس طلع من البيت ع اساس بينام برا بباله بنقهر ورجع من نفسه بعد ساعة ونصف قفلت ابواب البيت ودق الباب فتحت له ودخلت عنه ماقلت له شي

وش الحل برايك ؟
هو كذا شخصيته مايعرف يكون ذكي فكل شي يقوله او بمعنى اصح اللي بقلبه يقوله في احيانا كثيرة ويعترف بصراحة مايخبي
مدري اذا يعتبر الموضوع عادي

هو يرسل من اول الصباح طبعا راح الدوام قبلي وصار يرسل لي مسجات وان ماراح يفرط فيني وانا مارديت
بعدها قال بتغدا في الدوام عندهم وليمة قلت براحتك

__________________
يا رب خاتمة حســنة ، وزلفى ، وحسن مآب ..

انا جد ناوية اغير تعاملي معه عشان يعرف مو بالسهولة يلعب علي بسواياه

__________________
يا رب خاتمة حســنة ، وزلفى ، وحسن مآب ..

.

هو عايش الجو ولا كأنه صار شي, لانه مستمر يبلغك بأدق تفاصيل حياته وهذا مايدل انه على زعل او ضيق منك! او هو بالاخص مو عارف حدوده عشان كذا هو مو شايف مشكله صايره بينكم!

اقترح تبلغينه بالاتي
1. لا يجيب طاري اي وحده على لسانه قدامك. وان حصل العكس العقاب انتي اعرَف, حدديه بنفسك!
2. خبريه انك الى الان زعلانه منه وراح تظلين زعلانه على كل افعاله السيئة واذا يريد يسترد الثقه اللي بينكم, يلغي البصمه او الرمز على جواله وتكوني على اطلاع في اي وقت, وانصح يكون حاظر ف كل مره تشوفين جواله, وليس من وراه. وايضا يفعل لك امور اخرى هو يقترحها عشان استرداد الثقه اللي بينكم, وفي حال قال اكلم احداهن وتسمعين الحوار او شي من هذا القبيل, قولي هذا الكلام مايمشي معي, وتواصلك مع اي وحده ممنوع منعاً باتاً, ولا راح اتصرف تصرف ثاني معك.
3. خبريه ان وجدتي اي دليل ملموس وصحيح على وجود تواصله مع اي امرأه, هنا انتي توقفين وقفه, ولا يهمك نظرة اللي حولك!

.

__________________
الجنس: ذكر

مب مستعدة اسمع منه اي شي عن اي وحده وبالنسبة لنية ان اكلمه بخصوص البصمة هذي ببالي بتجي بنقاشي معه بعد ما ابدا الحوار معه ، اما ان افتش وراه ما اسويها ولا مرة سويتها كل شي اشوفه يجيني بالصدفة سبحان الله هذا لو افتش وراه وش بحصل الله يعين

بالنسبة للوقفة ناوية انهج نهج ثاني معه ولا بيهمني احد

أشكرك من قلبي على الاضاءات اللي اثريتني فيهم

بوركت

__________________
يا رب خاتمة حســنة ، وزلفى ، وحسن مآب ..

المستجد في موضوعي
بعد مارجعت من العمل لقيته سابقني للبيت ظنيت راح يتغدا بس هون عن غدا العمل ورجع للبيت انتظرني من رجعت سلمت ودخلت الغرفة ولحقني
قال شو فيك يافلانه مارديت عليه
قلت تعبانة مالي خلق اتكلم قال لا انا ابيك تتكلمي المهم قلت الكلام معك ضايع
قال جايب لك هدية قلت الهدية ما اطمع فيها هديتك لي انك تحافظ على استقرار مو محتاجة هدايا
قال طيب اجلسي بنتفاهم
قلت اسمع يافلان عديت لك كم مرة ولا تبت قال ظلمتيني واقسم بالله وبالمصحف ان مابينها وبينه علاقة وانها ارسلت له الفيسات بالخطأ
وقال انا وعدتك سابقا ان ماراسل اي وحده او اقدمها عليك انت الاساس بحياتي ومستحيل افرط فيك وازعزع ثقتك فيني
قلت لا تظن نسيت سواياك ولو اني ادري بسواياك قبل ماكنت وافقت اتزوجك سكت وشوف يافلان لا تظن ان ممكن اصبر على اي اهانة او ذل وانك تتواصل مع حريم من وراي وتظن ان ماراح اعرف ترا بعرف وبطين العيشة مو مستعدة اعيش التعب والحزن عشان نزواتك
قال انا حافظنك في قلبي
وما احد يسواك قلت اعطني جوالك وريني وش دارك بينك وبينها المهم مالقيت الا رسالته والفيسات ورسالة دينية
ولقيت ان متصل فيها الصباح وعصب عليها وقال ليش ترسلي لي فيسات قالت بالغلط رجعت لسجل المكالمات مالقيت بينهم شي كلها مكالمات رجال وامه وخواته
رحت للواتس فتحت كل المحادثات ما لقيت شي
قلت له من بعد اليوم تشيل البصمة وخلاص قال ابشري
قلت هالمرة ماراح تعدي بعد ببحث ورا هالحرمة ولو اكتشفت ان في شي ماراح يصير خير
قال لو اكتشفتي اي شي من بعد اليوم سوي اللي يرضي قلبك فيني
قال ندمت ان طلعت من البيت وتركتكم بس كنت متضايق ودي تكلميني بأي طريقة وندمان على الماضي كله وعلى اي وحده عرفتها وربي رزقني فيك
قال اروح العمرة اضيع عمرتي عشان بنات ليش ؟!

هذا اللي صار بينا امس
الله يجعله قرة عين لي ويجعله قرة عين له

__________________
يا رب خاتمة حســنة ، وزلفى ، وحسن مآب ..

.

ماشاء الله تبارك الله, خبر جميل وحوار هادف, باين انه يبيك وهذي امسكيها في يدك بتكون سندك وهوا بيخاف انه يخسرك في كل شي يعمله لكن اهم شي تحذيرك يكون حاظر!

والله يسخره لك ولا يبعد نظره عنك

.

__________________
الجنس: ذكر

__________________