أختي لمسة غروب
في خطأ فادح في طريقة تعاملك مع زوجك، صحيح إنك تحاولين تلفتين نظره لك وتخلينه يتعلق بك
لكن أساليبك اللي تستخدمينها منفرة ..

1- عندك تعلق زائد بزوجك وصل لدرجة الشك حتى لو كلم رجال ؟
أحبب حبيبك هونا ما .. فعسى أن يكون بغيضك يوما ما ..

كل ما جاك الشك تعوذي من إبليس ، حاولي تبطلين المراقبة والتجسس ، ومثل ما قالوا في الردود: اشغلي نفسك
ترى الشك إذا استرسل معه الرجل أو المرأة ، في الغالب تكون النتيجة الطلاق والكره والعذاب واللعن ..

2- لا تكثرين من سؤال زوجك: وش شفت ؟ ليه ما تحبني ؟ وغيرها من الأسئلة اللي يتهيأ لك إنها تلفته إلى شيء
فيك وتجعله يتعلق بك ؟ وقفي كل الأسئلة اللي تتعلق بشخصك .. صدقيني ربما يكون سبب تهربه منك هو تحقيقك
معه : ليه ، ولماذا ، ومتى ، ,,, وأخواتها .. حتى لو تحبينه جنون .. ترى والله إسلوبك الحالي بينفره منك وبتخسرينه

3 - تقدرين تعبرين عن حبك له عن طريق الهدية مثلا ، اشتري له عطر رائع ، جوال يحبه هو ، ساعة فاخرة
ملابس ، غترة .. عبري عن حبك له بالخدمة ، بالإبتسامة ، شوفي وش المواضيع اللي يحبها والهوايات اللي يمارسها
ثقفي نفسك فيها وسولفي له عنها .. مو تسولفين عن مدى حبك له ومدى تقصيره معك ؟

4 - جربي الكلام اللي قلت لك لمدة شهر وبتشوفين كيف يتغير تجاهك ..

ونصيحتي لك أولا وآخرا أن لا يتعلق قلبك بأحد أعظم من تعلقه بالله ، بدلي همك من رضا زوجك وحبه
إلى رضا الله وحبه ، لأن الله إذا أحبك ورضي عنك سخر لك زوجك وأرضاه عنك ورزقه حبك

بالتوفيق

انا الزوجة الثانية
غصب عني يمكن فيا عين ولا بلا
الله يرفع عني مابتلاني فيه

__________________
أقّسَمتِ مِرآراً وُتِكٌرآراً أنَ لآ مكَآنْ للّرحِيل بيَننا وُلكِنْ الرّحيلْ كٌآنْ أصَدقْ ...

لا ماكان كذا في البداية
الي خلاني احبه اهتمامه بي اول ماتزوجنا وحلمه وصبره علي
كان يبي يسعدني باي طريقة
كان يرغبني بشدة
ويمكن اناا لازلت متعلقة بماضي معه وابغى ذيك الايام تعود لاني لم اتقبل التغير
مابي اتكلم عن اهله الثانين لان الامر يخصني انا ومو من حقي اجيب طاريها
واذا تشبع عندها من حقه لانها حلاله مثلي ولا انزعج من الحلال المهم عندي والاهم انه مايكون الاشباع بالحرام
وان كانت نظرة

__________________
أقّسَمتِ مِرآراً وُتِكٌرآراً أنَ لآ مكَآنْ للّرحِيل بيَننا وُلكِنْ الرّحيلْ كٌآنْ أصَدقْ ...

ان شاء الله بحاول اسوي اي خطوة جديدة بحياتي وكيف استرجع ثقتي بنفسي من جديد
مشكلتي مع الوسواس مقدر استمر بعلاقاتي مع اي احد
لازم اعالج نفسي مابي اصلح علاقات واخسرها بسبب وسواسي لانه بمجرد ارتياحي لشي يتسلط علي الوسواس
وخاصا مع زوجي والاكثر تركيز هو
احيانا من كثر حرصي عليه والكل يعرف هالشيى اخاف يستغلونها من حولي ويكيدون لي بنقطة ضعفي
حتى الشغالة الي في بيت اهلي تعرف اني مقدر افك زوجي وبديت اشك فيها لا تقط على زوجي رقم ولا شي ولا احد يسلطها علي
الانسانة الوحيدة الي اثق فيها بهالوجود امي وعشانها امي ادري لا يمكن تضرني

__________________
أقّسَمتِ مِرآراً وُتِكٌرآراً أنَ لآ مكَآنْ للّرحِيل بيَننا وُلكِنْ الرّحيلْ كٌآنْ أصَدقْ ...

لا ماهو جاهل وذكي جدا جدا
ويفقه بهالامور
تمنيت لو جاهل مايعرف كان ارتحت ورضيت بنصيبي

طبعا انا قلت ممكن اتغاضى عن امور تافهة زي ليش طالعت وسويت وخاصا اني محرومة من نظراته لي باعجاب لكن لايمكن اتغاضى عن اشياء تجرح كرامتي ابدا

__________________
أقّسَمتِ مِرآراً وُتِكٌرآراً أنَ لآ مكَآنْ للّرحِيل بيَننا وُلكِنْ الرّحيلْ كٌآنْ أصَدقْ ...

تصدقين .. اتوقع لو زوجك تجيه اوقات يهتم فيك جداً ويلاحقك ويحسسك بوجودك مثل منتي تسوين .. رح يكون الامر عادي وتنحاشين منه..
هذا هو الانسان لا يهتم بمن يهتم به.. ويهتم بالقاصي اللي مادرى عنه

انا اشوفك طبيعيه .. بس مزودتها حبتين تري الرجال اللزقه فيهم تتعبهم

__________________
ان انت اكرمت الكريم ملكته.. وان انت اكرمت اللئيم تمردَ!!

بالعكس انتي حبوبه من خلال مااطلعت على المكتوب من تصرفاتج وحبج للرومانسيه والحركات اللي اتسويها اي بنت اتجاه حبيبها وزوجها والحلو انج متزوجه من ست سنوات وكان حليو معاج في البدايه لين ماتغير معاج هالفتره
شو رايج السفره اليايه للعلاج يعني تسوين عمليه اخصاب عشان يصير الحمل لانج تحبين العيال وخاطرج في بيبي يشغلج
الله يوفقج ان شالله وفكري بموضوع العلاج ترى وايد ناس ساروا للعلاج وردوا بحمالهم

صح كلامك
اسلوبي منفر وانا انفر من نفسي
بس بحرقة وغصب عني ولا احس باللي اسويه لو ما اللتفت لي
هو يقول اني معك وانا احسه مو معي جسد بلا روح
كل شوي انت تحبني ولا ماتحبني والله اني احس اني عبيطة وتافهة واحتقر نفسي بس صدقوني ماحس بالي اقوله من غلبي وقلة حيلتي
اذا مسكني الوسواس استرسل مايفكني الا لمن يجيب فيا العيد
بالنسبة للهدية اذكره من وقت للثاني وان كان عطر
لكن هو مايهديني حتى بعيد ميلادي يقول ماعترف باعياد الميلاد
مرة اشترى لي شنطة غالية وكان بسبب خطأ ارتكبه وعاقبته بالهدية
قال انا مدري وين كان عقلي كنت مغفل

انا ماودي اخسره وليته هو بعد يحسسني انه ماوده يخسرني واتوقع لو وصلت معه لهالمرحلة انه يخاف فقداني لما تعبت
وخاصا تهديده لي بالطلاق بكل مشكلة
ودي لو ايش مايحصل بينا لو يحبني يتمسك فيني ويكفي لو وصلني منه هالشعور بتخف الفوبيا والرعب عندي

من ناحية البلا انا تاكدت انه في شي فعلا بيني وبينه سحر عين لا اعلم

فترة سفري انقطعت عن الزيت المقري عليها واتوقع لقى الشيطان لي مدخل
امس من رجعت وسويتها حسيت اني ارتحت شوي الحمدلله ونمت نومة عميقة
شغلت القران امس بالليل قبل الزيت ماطقت اسمع قران اشلغله واحط ميوت

لذالك مابي اخسر زوجي ولاربما يكون الخطا من غير مقصود او خارج عن ارادتي
وهو بعد يقول ما الومك الحين شيطانك ماسكك

الي ودي تشيرون علي فيه هل احتاج رقية مع طب نفسي ولا بس استمر على الرقية والزيت

بعد ابي زوجي يكون رحيم بي بهالظروف

ماقصر معي خلال الايام الماضية كان يرقيني كل يوم ويهتم بي اني احط الزيت

بس بالسفر انتكسنا

هي بس اول ثلاث ايام عقبها صارت عينا تغفل عن صلاة الفجر احيانا نسمع المنبه واحيانا لا

شيروا علي يا اهل الخير

كيف ابدأ علاجي

__________________
أقّسَمتِ مِرآراً وُتِكٌرآراً أنَ لآ مكَآنْ للّرحِيل بيَننا وُلكِنْ الرّحيلْ كٌآنْ أصَدقْ ...

في شي ذكرته الان
وقت وحنا مسافرين كان زوجي يصلي ورافع صوته
قال ربنا لا تحملنا مالا طاقة لنا به
وصار يرفع صوته بالقراءة حسيت انه ودي اسكته وشعرت بضيقة وكتمة بصدري وصديد باذني
فترات تجيني اسمع القران بحلاوة واتلذذ فيه وفترات ما اطيق اسمعه ولعيذ بالله

__________________
أقّسَمتِ مِرآراً وُتِكٌرآراً أنَ لآ مكَآنْ للّرحِيل بيَننا وُلكِنْ الرّحيلْ كٌآنْ أصَدقْ ...

اهلا بك اخي الجريء

سالفة مزودتها حبتين ابي احذفها من حياتي لكن صدقني اخي تجيني حاللات انا بعد استغرب من نفسي

واصل طبعي غيورة على من احب
حتى امي اغار عليها ولا ابيها تحب غيري
جزء من شخصيتي الغيرة
لكن الي اتكلم عنه سالفة الشك والوسواس لي قهرني بحياتي مع زوجي
هل وسواسي من مرض نفسي ام من شيطان
في الاونة الاخيرة مع الرقية اتضح لزوجي اشياء غريبة ومقدر اقولها علننا
الي اقدر اقوله اني كنت افقد وعيي واصحى وكاني بعالم جديد او يكون ليل واحسه صباح بدري
ومرة اخرى مع الرقية شربت لترين مويا ضربة وحدة بدون توقف كاني كنت بصحراء قاحلة
وش تفسير هالامور
الجانب الطبيعي الي فيني جدا اعتمد عليه واثق فيه وكذالك والدتي تثق بكلامي وتصرفاتي وممكن تعتمد علي بكل امورها

__________________
أقّسَمتِ مِرآراً وُتِكٌرآراً أنَ لآ مكَآنْ للّرحِيل بيَننا وُلكِنْ الرّحيلْ كٌآنْ أصَدقْ ...