اهلا والله وغلا وعليكم السلام ورحمة الله وبركاته انا بقولك قصتنا كلها أول شي زوجي يصير ولد خالتي لزم ثاني شي انا كنت احبه من صغري وهو كمان (مادري كان حب أوبس اعجاب شديد من ناحيته )الى سن المراهقة وحدنا نظرات بس ماكان في اكثر من كذا .. خطبني اول مرة وانا عمري 19 وهو عمره 19 كمان وابوي رفض بحكم انو احنا صغار وماكان يبي يربطني فيه الما نخلص دراسة يخاف نتعلق ببعض وبعدين احد فينا يترك الثاني بعدين قال بس يكبروا يصير خير الحين هم اصغار وكمان اللي زاد الطين بله ابوي قال انشاور عمامها (تعرف بدو ) المهم اهله كبروا السالفة وهو زعل واخذ موقف وبعدها سافر يغير جو وبذيك السفرة شاف بنت عمه اول مرة ومثل مايقولو هي ارسلت عليه وقالت تبيه وهي اعجبته وخطبها ولما وصلني الخبر جاني شبه انهيار وصدمه فضيييعة المهم استمرت خطبتهم كم شهر وبعدين انفسخت ماادري ليش وبعدها رجع لي واعتذر وقال انه يبيني لسة طبعا هذا كان الكلام عن طريق اخته وهو اللي مرسلها وانا قلت انا باقية عليه دامه ييبيني وكان هذا اول اعتراف منه انه يحبني
طبعا هو ترك الدراسة واشتغل وكون نفسه ولما صار عمره 21 خطبني من جديد وابوي وافق واستمرت الخطبة 6 شهور كان فيها مشاكل بين امي وامه على اشياء سخيفة واحنا ماكان بينا مكالمات الا قبل الزواج بشهر واحد لانا ماكنا ملكين كنا بس مخطوبين وابوي شديد مرة
اما من ناحية اهله هم من زمان يبوني ويحبوني ولسة يحبوني بس الحين ماخذين مني موقف على طلباتي
لكن ودهم نرجع لبعض
طبعا اول صدمه لي بعد الزواج اني اكتشفت انه خطب غيري(غير حبيبته وغير بنت عمه وهذي بالفترة اللي رجع لي فيها وقال يحبني ههههههه) قبل وكمان اكتشفت انو كانت له علاقة بوحدة ماتقرب لنا وكان يحبها ويبي يتزوجها وابوه كان رافض (قضايا التناسب تعرف بدو)
وانا حاولت اعدي هذي الاشياء قلت انا مالي دخل فيها هذي قبل الزواج المهم انه الحين يحبني انا
يعني (كذبوا علي باشيا واجدة )
بس الشهادة لله ماقد خاني وكمان حبيبته الاولى دقت عليه وماعطاها مجال
وبنت عمه ماصار بينهم مسجات الا بعد ماخطبها المرة الثانية المهم الوضع مررررة يخربط ووالله مادري هو وش يبي حسيته كازانوفا من جد

الله يعاااااااااااااااااافيك اي بيت احنا لنا ثلاث سنين متزوجين وساكنة بجناح عبارة عن غرفة وحمام ببيت اهله ويوم اجي اطلع لبيت لحالي اطلع على ضرررررة آآآآآآآآآآآآآآآآآآآآآآآآآآآآآآآآآه ياربي ودي اضحك على نفسي من جد يعني صمت صمت وافطرت على بصل ههههههه
وبعدين على حالته المادية هو ياخذ بدل سكن 18 الف سنوي والبيت اللي بياخذه بتبوك مو في الرياض وتبوك ارخص بكثير يعني مومعقولة مافيها فيلا ب18 يقدر يقسمها دورين انا والله بس هذا اللي ابييه والله ارخصت نفسي واااااجد بس هو يبيني على كيفه ارضا باللي يعطينياه ويكون هارون الرشيد زماناانه والله مااقدر اسكن معاها حرااااام مااقدر احرك كنبة من مكانها الا واشاورها انا ابي مملكتي لحالي انا مواشوفه يوم يروح لها وتشوفه لما يجيني ونتشارك الحمام يعني والله يظلمنا كذا وراح يتجازا على القهر اللي بنحس فيه والغيرة وبعدين اللي ماخذه الحين دور ارضي بس يقول كبير وانا ماادري حيرني الله يحيره بنفسه

انا الحين عند اهلي واكمل دراستي لكن هو ماخذ موقف يقول انتي اخترتي الدراسة علي وكانت الدراسة عند اهلي احد الشروط اللي حطيتها لكن هو الله يهديه ماوافق على شي عشان يصير في تواصل او يصير يزورني هو يبيني امشي معه وبس وصارت مشاكل بينه وبين اهلي واخذ موقف منهم وحتى امس لما جا الرياض مافكر يجي عندنا وارسل امه تجي تاخذ الولد يشوفه ورجعوه بنفس اليوم