اكتبي بقوقل العنروت للسعادة الزوجية وجددي حياتك وتثقفي ...واقراي بتطوير الذات والجمال والفقه والتفسير ..أحيي بداخلك روح الاكتشاف .. وغيره يمتلي وقتك

الحمدلله بدأت من يومين تغيير نظام نومي لاني كنت اهرب من الواقع للنوم ،
وحاليا افكر بالخطة اللي راح امشي عليها

جزاك الله خير ..

تصحيح ..العنزروت للسعادة الزوجية

ايوا اللي ما نعني اخويه الا لو بالبيت بس امي وابوي كانت تطلقت من زمااان

ياشين المرأه !!!!!
والله الظروف اجبرتني اعيش معاه، وهو السبب اللي وصلني لهذي المرحله
وبعدين مو عشان نفسي عشان ولدي انا عايشه كذا ،ما ابغاه يتضرر ، ولا اقدر افارقه
وانا لو اسوي نفس سواته ماحد رحمني ولو استشار كان قلتم طلقها ،

شكرا من الاعماق على كللامك الجميل اللي كله تفائل
بس اخر نقطة دايما بقرر اسويها بس لما يجي وقت الجد اتكاسل
اعترف اني مقصررره كثير فقط اقوم بالواجبات بدون نوافل ، و بتجيني افكار اعوذ بالله منها
واجلس اقارن بيني وبين بنات بعيدين عن الدين وعايشين حياة جميلة انا قبل وضعي هذا كنت ملتزمة جدا بس بعد الاحداث الاخيره تغيرت كليا

للامانة اي شي فيه عن السعادة الزوجية اعتزلته من سنه سواء مقاطع او كلام مكتوب
تشبعت من كلامهم احس ماحد فاهمني
قبل شوي دخلت العنزروت وقرأت ((بعد 15عام لازلت اعيش مع خاين))
تنرفزت وقفلته يالله مو معقول هم مو حاسين فينا ولا نحنا ما عرفنا نوصل مشاعرنا

جميل جدا انك بدأتي بخطوة مهمة وهي تعديل نومك لانها نقطة مهمة جدا بحياة الانسان وصحته النفسية والجسدية والعقلية ...انتي مرأة عاقلة وممتازة ومفعمة بالحبروالحيوية من داخلك ..فقط أوقظي الطفلة الجميلة بداخلك وأحييها من جديد وانسي كل شي قرية لله وابداي علشانك وعلشان ابنك وعلشان زوجك ...


وبالنسبة للعبادات لاتثقلين ع نفسك ...لان اجبار النفس ع كثرة التعبد وهي غير متقبلة هيرإماتة للقلب ..لان القلب احيانا له ادبار واحيانا له اقبال ..فاستغلي وقت الاقبال ووقت الادبار خليك على الواجبات بتوجه والاستغفار والتحصين اليومي بالمعوذتين واية الكرسي.. امور بسيطة تخليك قريبة من الله ومرتاحة وتشحنك طاقة للعطاء والتغير ...


البنات الكافرات مرتاحات ظاهريا ودنيويا فقط ....تذكري هالامر وانتي مسلمة بامكانك كسب سعادة الدارين يعني انتي الافضل والاجمل والاكثر قدرة بإيمانك وتوكلك واعتقادك بري الوجود ويوم المعاد ....

الموقع مليان امور حلوة جدا غير خذا الموضوع الي قرأتينه ...وحلو ان زوجك ايضا تعودينه يقرأ ...واقراي التعليقات مفيدة ايضا ع المواضيع ...بالاضافة الى انك لما تقراين استمتعي وابعدي الماضي والاهم حاولي تطبيق الاي تقراينه لان قراءة وعلك ون تطبيق هو حبس واكتئاب خصوصا بالامور التطبيقية الترفيهية ..لان النفس لما تتعلم شي جديد وتحبه تحب تنطلق فيه مباشرة ...وحبسها عن ذلك يؤذيها ..طبعا فيما يرضي الله

موفقة خيتي ...وهنا الجميع يقف معك ودعمك لتغيرك للافضل والخطوة اللولى والتطبيق يبقى عليك ..

سورة البقرة شغليها ..وقراءة القرآن لو ورقتين تقرايت باليوم راح ترتاحين ومع الوقت لربما تشعرين بالعطش اكثر وتصيرين تحبين تقراين اكثر من ورقتين



الرقية الشرعية باليتيوب ..أرتاح شخصيا لما أسمع لشخص اسمه ميثم التمار ...شغليها واسمعيها وان شاء الله القرآن يبعثر الكثير من الطاقة السلبية والملوثة الكاتمة ع افكارك ونفسيتك وعاطفتك وكسبك عن العبادة


انتي فتاة جميلة وقوية وقادرة ع التغيير والثبات والعفو عن نفسك وعن زوجك والبدء من جديد ...

تم التعديل ..اعتذر لاني اكتب من التلفون

الهدى النوري
شكرررررررراً لك بحجم السماء شكراً من الاعماق
الله يجزاك كل خير على كل حرف كتبتيه
كنت احتاج مثل كلامك هذا جداً خصوصا في ما يتعلق بأمور الدين
نسخت كلامك عشان بين كل فتره وفتره اقراه
الله يسعدك يارب