اختي الغالية

انتي عارفه انو اكثر شي يجذب الرجل هي الكلمة الحلوه والبنات --- عارفين هالشي ويحاولون يجذبون الرجل بالتودد
والتمايع وكلام الغزل

فكوني اذكى منهم ايـــــــــــــــــاكِ ثم ايـــــــــــاك ِ ان تسلميه لهم ويقول انك ماعبرتيه
ولا سألتي فيه وتصير مقارنة بينك وبينهم و صدقيني وقتها الرجال ينسى اي شي سوته الحرمة عشانه ويذكر بس الشين من اللي سوته
عشان كذا اقولك كوووووني معاه عشانك انتي مو عشانه أهو ولاتجلسين بديرتك ليلة وحده علطووووول احجزي وطيري له

قبل مايطير عقلك وانتي تحاتينه وصدقيني راح يرجع مثل اول واحسن عارفه ليه ؟ لانه لو كان غلط في غيابك بيحس بغلطته

وبيحاول يعوضك ........ ولا تنسين القريب من العين قريب من القلب والبعيد عن العين بعيد عن القلب

ووووووو انتبهي من تطيحين في الحرام وعلى رأي الاخوه انتي بتجنين على نفسك لو سويتي كذا وبتخسرين الدنيا والاخره

توكلي على الله وسافري له ...ومن توكل على الله كفاه

الله يفرج همك ...... بس تكفين طمنينا عليك اول بأول ..

أشكر جميع الاخوه والاخوات على ردودهم ونصحهم ودعاؤهم لي ولزوجي

وجعله الله في ميزان حسناتكم

===

لكني اريد ان اوضح نقطه اساتم فهمها

اني لم اكن اقصد بالخيانه (الزنا) بل كنت اقصد المكالمات الهاتفيه او بالانترنت او اي شيء يبغض زوجي

وانا اعلم ان كلاهم محرم ,, والحمدلله على ردودكم اعادت الي رشدي

فجزاكم الله في الدنيا والآخره وثبت ازواجنا جميعا

لا اله الا الله ........


اختي المفروض ماتفكرين بالطلاق بهالسهوله والبساطه هذي .

الله يعينه انتي تقولين ايمانه ضعيف ادعي الله ان يحفظه انا اعرف واحد من اهلي

كان يدرس بامريكا وربعه كلهم يواعدون بنات الله يستر عليهم وهو سبحان اللله يقول

ربي حافظني ومالي نفس ابدا اني اشوف او اواعد وحده .


ادعي ربك انه يحط غشاوه بينه وبين الحريم ان شاءلله مايرغب فيهم ادعي بصدق

ولاتفكرين بالطلاق هذا الشيطان يقولج تراه سوى وبيخون .

وبعدين لازم تراعينه بالغربه يعني حالته صعبه اذا تبغين ترتاحين احتسبي كل شي لله

وتوكلي عليه لانه هو بعيد عنك ومابتعرفين شي شويسوي وشومايسوي .


واصلا مفروض مايسافر الانسان هذي الاماكن بدون زوجته اذا عارف نفسه مايقدر يتحمل

بس اهم شي بالموضوع انك ماتفكرين بالطلاق تخربين بيتك بمجرد سفر زوجك وشك

وانتي مش متاكده .


ادعي بصدق وحرقه وتوكلي على الله

من يتوكل على الله فهو حسبه .

وربي ان شاءلله يحفظه ويبعده ويبعدنا عن المعاصي والذنوب .

مراحب الغاليه .......انا من رايي انه تصبرين وتدعينله بالهدايه
وممصيره يرد في يوم تأكـــــــدي من هذا الشي .......لازم في يوم بيرد
وبيذكر كل شي حلو بينكم بس انتي ما عليج غير الدعاء والصبر.......
ولااتيبين شي اسمه طلاق على لسانج ......... هذا من مصلحتج ومن رايي
والله يوفقج
......وطمنينا عليج اختي سماء
snfOOrh

تمسكى بايمانك و كرامتك و دينك ليس لهو و لكن لله والله يفصل بلحق بين عبادة
كونى قريبة من اللة يسبت اقدامك واللة معك

اختي اسال الله ان يفرج همك وان يرشدك للحل السليم

انا عني اقول الله لا يسامح زوجي ولا يحلله والله ينتقم لي منه يوم الفصل امام الله بصراحه نفسي ومنى عيني انتقم من زوجي باي وسيله لانه انسان اناني ولا عنده ذره احساس وذنبي برقبته يوم القيامه حطمني قتلني الله لا يسامحه ويين كنت ويش صرت بسبته الله لا يسامح اي رجل مثل زوجي

__________________
الحمد لله على كل حال

أختي العزيزة ،

كـان الله في عــونك .. أنصــحك بعــدم الإستعـجال في الحكــم علي زوجــك حتى وأن كنت تعرفينه حق المـعرفه ... عــودي الى الله وتضرعـى لأنه القـادر علي كل شــي ... ووكـيـله للحـافظ الذى لا تضيع عنده أمانه .. وأأيــد كل مــن نصـحك بالدعـاء والصلاة في الثلث الأخير من الليل وفي جميع الأوقات ..

لقوله تعالى: { إذا سَأَلَكَ عٍبَادي عَنْي فَإٍنْي قَرٍيبٌ أُجٍيبُ دَعوة الداٌع, إ,ذا دَعَان}

وقال صلي الله عليه وسلم: { ولا يـرد القـدر إلا الدعـاء}

وفي كل مــره تحــادثينة .. أسمعيه كـل كلمـات الحب والولــه والشغف وأنك واثقـه منه .. ومهمــا كــان ردة لا تظهـري له حـزنك وقلقـك ..

أدعــو لك من كــل قلبي .. ان الله يهديه لك


أختــك في الله ،،

للحيـــــــــــاة

كل اللي اقدر اقوله لك الله يكون في عونك
وانتبهي انتبهي انك تدخلين في الغلط بسبته هو
كل انسان يحاسب لحاله والله حط لنا عقل نفكر فيه

أختي العزيزة صدقيني وانت تسردين مشكلتك والله وكانها مشكلتي انا

فانا عاقدة القران وزوجي ايضا سافر للدراسة قبل 6 شهور للخارج وتغير وانقطع عني وكنت انا احاول اني اتصل فيه واكلمه وكنت دايما ابعث له برسائل وكان يطنش ومايرد علي

ومره بعثت له برساله اقوله فيه انه تغير علي ولكن رد علي انه هو اصلا ما يباني خلاص واني انا ما انطاق وانه غلط يوم اخذني صدقيني اختي والله اني عشت تقريبا شهرين وانا اتالم من داخلي وعايشه في صراع داخلي هل هذا يعني ان هو طلقني او ماذا عشت حالة نفسية والله لا يعلمها الا الله ووايضا مرضت وطحت في الفراش لمدة اسبوع كامل لا استطيع الحراك.... يوم قالي هالكلام والله كنت ابكي وانا اترجااه ان بس يرد على مكالمتي ونحل كل المشاكل بهدوء ولكن زوجي مثل زوجك والله في كلامك وكانك تصفين زوجي

صدقيني والله شهرين وانا ما ذقت النوم ولا اعرف اخبار زوجي كل يوم كنت ابكي من خاطري وادعي ربي ان يفرجها علي سواء كان طلاق او ان زوجي يرد مثل ما كان ....والله اني تعلمت كيف اتضرع بالدعاء تعلمت كيف اخشع في الدعاء

اختي لا تهوني في الدعاء بتضرع ابكي وادعي الله ان يفرجها وحاولي انك تخشعين وصلي كل ليلة ركعتين وادعي فيهم

وشي اخر ساعات االواحد يوم يقعد مع نفسه الشيطان يوسوس له فحاولي اختي انك ما تنعزلين بنفسك واكثري من قراة القران في وقت الفراغ واصبري وان شاء الله الامور كلها راح تتصلح

اكلمك عن تجربة صدقيني يوم زوجي رجع انا ما اتصلت فيه وكان في بيت ابوه تقريبا اسبوعين وبعدها توكلت على الله واتصلت فيه سمعت منه كلام ما عجبني ولكن كلامه كان يدل على انه هو زعلان مني لاني مااتصلت له اول مارجع من السفر

والحمد لله صدقيني اختي العزيزة عادت المياه لمجاريها واحسن عن قبل

اختي لا تفتحي للشيطان باباً وبعدين مثل ما قلتي ان زوجك ما يحب الغربة فاكيد هو متضايق الى الان من هذا الشي
عزيزتي ومو عند كل مشكلة نقف ونقول خلاص لازم ننهي كل شي
اصبري فالصبر جميل واان شاء الله ربي بيفرجها عليك

مثل ما قلت اكثري من الدعاء بخشوع صدقيني فانا اكلمك عن تجربة

تحياتي وتمنياتي ان زوجك يرجع مثل ماكان

وتمنياتي للجميع بحياة زوجية هادئة رائعه

اختكم أم راشــد

اختي إن بعض الظن إثم - يمكن مع الغربة متضايق ومن خوفه على نفسه - عليك بالدعاء وخليك قريبة منه