والله ياخي مدري وش اقولك, لكن ثق بي, الحمدلله ربي منعم علي بحسن الخلقة
ايوة هذي المشكلة, البنت الحلوة مرة تتكبر وتتشرط اكثر,
ياليل يعني مافيه بنت حلوة واخلاق؟
ماتصدقون انا مرة من خلال السؤال مدحوا لي بنت يقولون جمال فاره, يصقع صقع
والاخلاق والركادة , وفوق ذلك ملتزمة وراعية قيام ليل
لكن جاءك على هذا عيب يمشي طبلونه
مريضة بالقلب :-(

سبحان ربي

الله يبارك فيك اختي فعلا انتي جبتيها, ماابي وحدة انا احلى منها
وانا ادري ان الجمال نسبي وفيه اشياء ثانية راح تدخل الحكم مع الجمال مثل الاخلاق ونمطها وعقليتها وحلامتها ههه
وادري بعد ان الجمال اذا استمر مع الايام راح يصير بنظري عادي
مثال ذلك حنا الشباب لما نروح مناطق فيها ربيع وعشب وخضار, من الوهلة الاولى نحس ودنا نرعى فيها ونعلف مع الغنم ههههه من شدة الروعة
ولكن لما نخيم ونجلس بعد كم يوم يصير عادي وودنا نغير لمكان احسن

مثال ثاني, انا كنت اول راعب مطاعم مشي حالك, بوفية ابوهنود او سلتة وفحسة حقت ابويمن
وبعدين تطورت وصرت اروح مع الشباب لمطاعم فخمة, اجل فيه عصير اسمه رضعة الأسد هه
وشوربة التنين ول
اول فترة لارتيادي لهالمطاعم كنت اناظر بالملاعق طول الوقت, من فخامتها
مع الايام صار عادي , وشورية التنين صارت عندي مثل شوربة القطو
كلها واحد
ومع ومع ومع ذلك, لازال عقلي يبيله شوي تسطير عشان افهم, محتاج تكلموني كلام يفهمه عقلي الباطن واتذكره كلما اقبل علي ليل الوسوسة ..

بارك الله فيك اختي

الله من الثقة فيكم يالعيال
نفسي أشوف ولد يقول عن نفسه مو حلو
بصراحة ما أدري من وين تجيبونها
متأكدة إنك ماقد فكرت بموضوع الجمال إلا بعد ما صاحبك اللي ما أدري وش اسميه !
قالك إنه زوجته تقول عنك إنك أجمل من خطيبتك !؟؟؟ ( وأتمنى يكون فهمي خطأ )
بإختصار زوجة صاحبك غيورة وبايخة وزوجها اللي هو صاحبك الله يخلف عليه اللي مبسوط بزوجته
تشوف صاحبه وتمدحه !!!
تعوذ من الشيطان وابعد عن الوسوسة لأنه شياطين الإنس والجن في هذا الوقت يتمنون ما يجتمعون اثنين بالحلال
وبيطلعون في راسك مليون علة علشان مايتم الزواج

طيب انت طول مدة الملكة عشان تتعرفون على بعض زين
الله يوفقك اخوي

أولا أخي ما كان ينبغي أن تصفها فالعين حق وأيضا يوجد رجال يقرأون ما كتبت فقم بتعديل المشاركه بارك الله فيك
ثانيا هذه وسا س الشيطان فاستعذ بالله فهي بصفات تفوق الجمال مشاء الله الذي تبحث عنه واعلم وفقك الله أن الجمال لن يدوم فإذا اعتادت العين عليه فيصح عادي فالجمال جمال الروح (واظفر بذات الدين تربت يداك )أو كما قال عليه الصلاة والسلام
يسر الله أمرك ووفقك لكل خير وجميع شباب المسلمين

انت انسان اناني، تدري ليه ؟

أعطيتنا مثال، انه لو وحدة معها 300 ريال عشان تشتري مكياج، مو مثل اللي معها مادري كم ..

معنى كذا ..
اذا كانت خطيبتك اجمل منك، فالمفرووووووووض انها تبحث عن اللي اجمل منها ..
و اللي اجمل منها، لازم يبحث عن اللي اجمل منه .. و هكذا

و ماحد بيتزوج في الاخير ..

.
.

ياخي، انت ماراح تشتري سيارة ؟
انت بتتزوج وحدة تعيش معاها بقية عمرك .. تتونس بها و تتونس هي بك ..
تعينك على الدنيا و انت تعينها ..

الجمال كلنا نطمح له بالتأكيد .. لكن جمال الروح هو الأهم ..
فلا تخلي تفكيرك سطحي ..

شكله دخلك الغرور بنفسك، يوم شفتها تبكي عشان نتيجة التحاليل ..
و شفت انك ( لقطة ) على قولة المصارية، بس طلعت (نقطة عالشمال هههه )

ايقونة يد تصفق
برااافو عليك اختي, يعني اكثر وحدة قربتي من تفكيري
اي نعم ماابي انسانة يقولون عليها ان زوجها احلى منها
يعني القرايب وكذا بالتاكيد راح يقارنون
لكن املي الوحيد نقول انها ان شاءالله حلوة كثير, يارب

صحيح البنت اذا كانت ملكة جمال وسيئة فالرجل ينسي شكلها نهائيا بسبب المشاكل
الله يبارك فيك اختي, شاكر لك كلامك الطيب

الله مااجمل الردود الرايقة, حسيت هالرد قليل في التكلف وكبير في تأثيره
جميل جدا , بارك الله فيك اختي وشكرا جزيلا
الله يوفقك ويسعدك انتي بعد

اي والله صدقتي اختي
كثير ناس تشرطوا في البنت واخر شي اخذوا بنت مافيها ذرة من اللي يبون
انا ترى متخوف ان هالسنة الكونية تنطبق علي ههه الله يستر
اي والله البنت دخلت قلبي لكن اذا جن الليل واختلى بي ابليس قام بفرفرة مخي > الله ياالفصيح
عشان كذا ضروري محتاج كلام منكم ارد فيه على عقلي, ترى عقلي يشتغل مايوقف ومتعبني شوي
هذي من مواصفات مواليد الدلو < طبعا ماني فاضي ابين حكاية الدلو ذي وان بينها وبين الرجم بالغيب فرق فخلوها بعدين
الله يبارك فيك اختي ماقصرتي شكر الله لك

اذا فاضي شف مواضيعي تلقى خرابيط زي خرابيطك بالتوفيق

__________________
انــــــــــــــ رجــــــــــــــــــــــل ــــــــــــــــــــا احتــــــــــــــــ المـــــــــراه ـــــــــــــــــــــرم