سلام عليكم
العزوبيه حلوه والزواج حلو كل مرحله لها عذوبتها
فمثلا العزوبيه يازينها الحبل مطوي على الرقبه لاهم ولا مسئوليه تتمتع بوقتك مثل ماتبي تروح للبحر تروح للبر يقعد تحت شجره وتظبط براد شاي على الحطب وتتأمل السماء وبالليل القمر والنجوم مافيه احد يقولك تعال الولد مسخن البيت مافيه اكل المويه خلصت ( الخ ) يعني فله وروقان وراحت بال ...
الحاله الثانيه الزواج . تروح العمل تجي تلاقي اكل نظيف جاهز تلاقي زوجه تنتظرك تقابلك بابتسامه حلوه تفرح برجوعك تقعد معاك تونسك تلعب بصابعها بشعرك وتمسح على راسك يعني اذا نظرت لها اسرتك هينه لينه وانت في غايه السعاده .. طبعا هذا لايمنع ان فيه رجال ونسوان مغرمين بالنكد والهوشات تدخل من الباب تلاقيها ماده بوزها شبر
وبعض الرجال ايضا يرجع وزوجته زي اي طاوله بالبيت حتى سلام عليكم مافيه
اقولكم لاتؤاخذوني انا خرجت عن الخط الظاهر الرومانسيه سيطرت علي شوي ونسيت طريق البيت حقنا تجاوزته
وسلامتكم