أسأل الله العظيم رب العرش العظيم أن يشفيك اختى
وان شاءالله ربنا يسعدك ويهنيك

السلام عليكم

كل الشكر للاخوان الاعضاء الي عطوا الموضوع الاهتمام وانا اعجز عن الشكر لكم

رفيقة العمر" مشكوره حبيبتي والشو ما يجيك

زنبقة الربيع الف شكر وعسى الله يحنن قلبه عليك يااااارب

سايكاتريست" كلامك من ذهب والله وخصوصا احنا الخليجيات نسوي محسوبيات وايد بس العيب مو منا من تربيتنا الي علمتنا كل شئ عيب وكل شئ غلط

ختومي يكون بعون الجميع

babyface" : والله ما لنا غير الله يرحم الحال وشكرا على المرور


ماء السماء: الله يسمع منك وتكون الايام الجايه حلوه وشكرا الف شكر على الدعاء

زيتونه: ويعدك ويهنيك انتي بعد ياااارب

مشكورين يا اخوان والله ان كلامكم اسعد قلبي وفرحني

واحب ابين لكم شغله هو انه يعتقد يا اخواني ان هذا الاسلوب يريحني على حد علمه !!!!!!!!!!

يعني يقول انا احب اتحاشاك وقت الضيق يمكن ترتاحين

اييييييييييييييييييييه

الغلط عليكي ياجرح من على زوجك ...!!!


تعرفي ليه ... ؟؟؟

انتي قلتي ..


يعني إذا كنتي عارفة انه أصلا معتقد شي غلط شلوووووووون ساكتة وما تكلميه ... ؟؟؟

يا أختي انتي ممكن توضحيله غلطه بطريقة غير مباشرة ....


مو تقوليله .. انت منت حنون .. لالالالا

لكن لما يقول أقل كلمة حلوة أظهري له فرحك وإعجابك واترمي عليه >>> عشان الكلمة هذي ...

طبعا هو بيحسبها ويقول : والله أكيد الكلمة هذي عجبتها ..<<< ويصير كل يوم يقولك ( صباح الخير ... وبعدها على طول يقولك الكلمة حق البارح حتى لو ماكانت مناسبتها .. .


أتمنالك حياة سعيدة انشالله


أخوكم / ساي

__________________

أنك إذا لم ترضى سوى بالأفضل فسوف تحصل عليه - بإذن الله -

والله ما ادري شقولك يا اخ ساي

الغلظه الي عنده علمتني اني اتحاشاه

وارضى باي شئ لكن شسوي بقلبي الي قعد متاخر !!!!!!!!!

والحين يطلب الحب والحنان والكلام الحلو

ترى هو يقول الحنان لازم يكون منك لان النساء منبع الحنان وانتي منتي مقصره

انا بصراحه بعد ما سمعت الردود تشجعت ورحت كلمته وقلت له شدعوه عاد ما استاهل كلمه حلوه منك عاد يقولون عنك ابو الكرم اشو ما اشوف هذا الكرم احنا اولى

كان يقول الكلام الحلو للحريم وانا طبعي كذي والا انا مو قاصد الحقران بس ما اعرف اعبر . وبعدين تعالي انا مقصر بواجبات البيت

بشي ؟؟؟ اومتطلباتك انتي وعيالك؟؟

قلت حشى والله بس يا بو العيال مو كل شئ طلبات وواجبات في شئ ثاني محتاجته انا اكثر من هالطلبات ؟؟ كان يقول شنو قلت

يعني تبي لي مدى اهميتي عندك بكلمه حلوه بلمسه حنونه . كان يقول انتوا يا الحريم الواحد يحتار معاكم قلت اشلون قال يعني

اقصر معاكم بالمصروف زعلتوا وان عطاكم ما قنعتوا اشلون نرضيكم ما ندري ؟؟ طفي طفي اليت خليني انام باكر عندي دوام يا يا

عمري !!!!!!!!!!!!! ها اشرايك وقعدنا نضحك بس قالي انه اذا ابي كلام زين ما اطالب بالمصروف وانا رضيت بس قلتله بس الشهر هذا

ههههههههه


المهم ان نصايحكم جابت نتيجه ولو انها بسيطه لكن العوض ولا القطيعه مثل ما يقولون

وكل الشكر لكل من اهتم بالموضوع

طييييييييييييب زيين زين

أنا والله عندي لك حركة حلوة بس باكر أقولها لأني وانا قاعد أقرا ردك

بصراحة عجبني ومرررررة مبسوط حاس انه الاخوان ساووا شي جيد

وناوي أقولك على شغلة حلوة تخليه كل يوم رومااااااااااااااااانتيك

بس عاد السموح
باكر أكتب الرد انشالله


وبالتوفيق

وانشالله حياة سعيدة

__________________

أنك إذا لم ترضى سوى بالأفضل فسوف تحصل عليه - بإذن الله -

وانا بانتظار ردك