لا تزعلين من كلامي بس تصرفاتك تدل ع ذا الشي واضح انك متضايقة من عياله عشان كذا زعلاتي منه لأني ما شوف شيء يزعل بعدين هما كذا الصغير يحبون ينرفزون يمكن حتى مع امهم كذا يعيدون الكلام وراها لو انك خليتي الكلام والعتاب لليوم الثاني وكلمتيه بشكل حلو وعلمتيه ان ذا الشي ينرفزك ويضايقك بس شكلك جيتي في وقت وهوا تعبان
الله يألف بينكم

اختي منفرده بنصحك نصيحه ولك الحريه بأخذها او تركها
زوجك والله وشوفي حلفت لك والله واضح جدا يحبك ويغليك كثير
ضربه لك لانو كان من زمان متحمل منك عصبيتك ونرفزتك وممكن هو من النوع الي مايتحمل بس عشان حبه لك يسايسك...
راح يرجع لك وتلاقيه اللحين جدا متندم لان الواضح فقد اعصابه..
ماهو متنازل عنك ولا راح يتنازل الا اذا انتي جلستي له ع كلمه ولا كل حركه منو وكبرتيها...
الى متى بيطبطب عليك الى متى بيجلس يحتوي فيك بيجي يوم وبيمل وراح يتنازل عنك بسهوله...
ماتحبي اولاده يجوا عندك اوكيه من حقك ...
اشرطي عليه وريحي دماغك بس حطي ببالك انو راح بالبدايه يسايرك بس بعد مده من الزمن وبعد ماتجيبي عيال اكيد بيكون هدفه انو يجمع عياله ويألف مابين قلوبهم
اختي انتي اخذتي معدد تعرفي وش معنى معدد ..
لازم تتحملي تبعات اختيارك...
وللمره المليون نقولك حاولي تضبطي اعصابك وتختاري الوقت المناسب بالعتاب والمحاوره بالله لو استنيتي بعد مايوديهم لأمهم واخترتي وقت وعاتبيته بهدوء شو تخسري..؟
لاتهدمي بيتك بيدك...؟؟
لو استمريتي ع كذا حتخسريه!!
هدي نفسك وروقي واتركيه ولاتشدي وتكبيرها اكثر من كذا..
مصيره يجي ويعتذر ...

__________________
(سيدة الموقف)
لم ننساك ونسأل الله ان تكوني أنتي وأولادك بخير

السلام عليكم ورحمة الله وبركاته ..
منفردة كلمة الحق مهما كانت مؤلمة فهي الأصدق ، أنت للأسف تُريدي الطبطبة فقط ولا أحد له الحق أن يمس بأخطائك .
وكيف تُريدي أن تغيري وأنت لا تتحملي ، أي كلمة قاسية في مصلحتك وتناقشي ولا تتجاهلي .
أنت تدركين تماماً بأنك مخطئة لكن النفس تكابر وإلى متى ستدافعي عن أخطائك وتُبرري ؟!!!
اذهبي توضئي الآن !

....................
وأشكر كل الأعضاء
انا غلطانه وانا فيني عيوب الدنيا والمفروض ما اشتكي
ياليت الادارة تحذف موضوعي وهذا اخر دخول لي هنا في هذا المكان
مع السلامه وشكرا للاحتواء

الغلط عليك وأرجع اكرر غلطك اكبر من غلط زوجك
شفتي الي بالاحمر في الاقتباس الي انا حاطتهه وحس بغلطه وكان بيرجعهم وعرف غلطته
جيتي انتي سويتي نفسك زوجة الاب المثالية وقلتي لا خلهم
ما اشوف انه غلط زوجك
نفس الشي تكرر عند السيارة وكابرتي و ودني لاهلي وما ادري ايش وكبرتيها
ولما وصل عند باب بيت اهلك هونتي وقلتي باعني ومايبيني؟؟؟!!!
انتي متناقضة مع نفسك كيف زوجك بيفهمك ؟؟؟!!!
مانتي عارفه وش تبين مره تقولين اترك العيال خلاص مساكيين ومرة تقبين في وجهه الرجال وتقوليين ليه
ومرة تقوليين ودني بيت اهلي بروح ما ابيك طلقني وبعدين لما تعنى زوجك في مشوار الروحة المسكيين قلتي ما ابي
خليتيه يطق مشاويير لبيت اهلك واخرتها تقولين ماني نازلة ؟؟؟؟؟؟!!!!!!!
وبعدين تعالي احد يحط راسة براس وحدة عمرها عشر سنين لا لا منتي صاحية
قسييت علييك بس معلييش هذا الصدق ماراح اطبطب عليك

الله يستر عليك..
لانعرفك ولاتعرفينا وهدفنا هنا الاصلاح احنا نشوف الشي الي مغيب عن عيونك ومعميك ..
لو نحتويك ونطبطب عليك ونمشي ع مزاجك راح تتطلقي..
رحم الله امرء اهدى الي عيوبي..
الله يعينك ع نفسك ويصلح حالك...
صدقيني واقولها وانا واثقه لو تجلسي ع طبعك ذا بيمل زوجك ويطلقك ويرجع لزوجته الاولى ...

__________________
(سيدة الموقف)
لم ننساك ونسأل الله ان تكوني أنتي وأولادك بخير

ماهي الفوائد والدروس التي خرجتي بها من هذا الموقف؟

مرحبا عزيزتي منفردة
دعي والدتك تتصرف أنتي لاتدخلين ولاتكلمينه امك ماشاء الله فعلا هي ابوك وامك وتعرف تأخذ حقك

ابناؤه واضح انهم اشقياء وفيهم قلة أدب
ففعلا أنتي تعتبرين لسه عروس و 10 و 11 يفهمون انه عيب هالتصرفات

هذي المرة الثانية يجون مادري أنتي وضحتي له وجهة نظرك من بعد جيتهم المرة الاولى

يعني هل قلتي له ماحب أحد يدخل غرفة نومي
اذا وصخوا ينظفون
لاينامون عندي
أعتقد هالامور من حقك وكان وضحتيها من المرة الاولى
تدلعي وازعلي وخليه يعاملك كطفلته لكن بذكاء

كان طول الجلسة خليتي يبان عليك انك مو مرتاحه علشان من نفسه يوديهم
لما قال بوديهم مافهمت ليه رفضتي على شقاوتهم المفروض تنبسطين

انصحك ماتختبرين غلاتك بكلمة ودني بيت أمي
حلي مشاكلك بينك وبينه مهما عظمت المشكلة بعينك

تصرفه مرفوض وامك بتاخذ حقك فلا تقلقي

منفرده اعرف احساسك بذيك اللحظه ..محتاجه يحضنك ويراعي خاطرك ويشوف وش مضايقتك وقت ماكنت زعلانه ..وكل زوجه تتمنى من زوجها هالتصرف
بس مين اللي يفهم ..

مايفهمون ان الزوجه اذا بدت تصارخ ان معناتها احضني يازوجي
لكن للاسف غالب الرجال يتمادى ويبدا يستفز الحرمه
مادري وش يضر لو حضنت زوجتك وقلت لها احبك وخلصت من الموال

المره الثانيه ضبطي اعصابك وخليك اهدا علشان نفسك مو علشانه

الشئ الثالث زوجك يحبك ويمووووووت فيك وحتى لو تصرف هالتصرف
باين يحبك حب اكثر من الاولى بمراحل ...
يعني مع انه جاف وقاسي ما رد عليك بكلام جاارح اقصى شئ سواه سحبك من السياره
اوكيه هو غلطان بس تذكري انك عصبتي عليه وسبيتيه و قومتيه من فراشه ومشورتيه وبالنهاية تقولين موب نازله
وش بيسوي ياعسل ؟؟؟ اقل شي ينزلك عند اهلك طالما انك طلبتي منه


وتاكدي انه بيرجع لك وبيترجاك ترجعين له لانه يحبك فارجوك لاتقفلين باب الصلح وترفضين

وش اكثر يامنفرده اذا زعل من الاولى بيومها جاء لعندك واذا زعل منك جلس عندك ..
وس اكثر انه يطلبك تجلسين عنده بايام الوحم مع انك مالك خلقه ابد ويرفض مكوثك ببيت اهلك
هذا دليل انه يكره الاولى بس مجلسها عنده علشان عياله والا انت لك الحب كله

واللي يلومونها تراها بفترة الوحام يعني النفسيه بتكون زيرو ..

الله يهون عليك حملك

وعلى فكره عنوان الموضوع فيه مغالطة هو مامد يده عليك مجرد سحبك تنزلين من السياره
مدة اليد تكون بالضرب ..
فانتبهي تأؤلين الكلام عندما تتحدثين لوالدتك زي ماحصل هنا بالعنوان
قولي لها الحقيقه بتجرد