الله يجزيكم خير الجزاء يارب
وكل واحد ووحدة خطت يدة بكلمة لي الله يجعلها بموازين حسناته

انا استخرت وقرئت كلامكم والحمدلله وافقت عن اقتناع
وطبعا عمري ووضعي لهم دور يعني صعب اتجاهلهم
لكن الحمدلله احس براحة لموافقتي واحس بفرح

يااارب ييسرلي ويتمم لي بخير

الاخ اللي قال استشير اهلي صعب مرة لانه طلب مني ما اقول شي عن عقمة سواء وافقت او رفضت

الله يوفقك ويكتب لك الخير وين ماكنتي

__________________
سبحان الله وبحمده سبحان الله العظيم

مبروك عليك أختي الله يتمم على خير ويرزقكم من واسع فضله


الحياة ما بتكتمل لأحد.. وانت عرفت قبل ماتوافقي يعني عندك حرية الاختيار وبتعرفي وين رايحة، غيرك تزوجت وتفاجأت بعدين وهنا بيكون موقفها صعب لاهي قادىة تتركه ولاهي قادرة تستمر..

واذا الرجال كفؤ فصدقيني يستاهل والله، فيه هنا مواضيع لسيدات طلبوا الطلاق من بعد مادروا عن مشاكل ازواجهم في الانجاب وبعدها تندموا ويدورون كيف يرجعون

انت مابتضمني اذا الاولاد الي بتولديهم يكونون نعمة أو نقمة او اذا بتكون عندهم اعاقات مثلا تتعبك فحياتك ويتفطر قلبك عليهم وعلى مستقبلهم..

لكن تأكدي خلال الملكة ان الرجل كويس وابن ناس وويستحق هذه التضحية

اخي صارله متزوج 14 سنة والله مارزقه وزوجته الله يكثر من امثالها خلاص تقبلت الوضع ومفوضة الأمر لله اذا جاء مرحبا واذا ماجاء خيرة من الله اقسم لك انها مرتاحة وتعودت ومتماسكين ومتعاونين هي وأخي، وطبعا هو بعد مايقصر وهي ماشاء الله بنت ناس وتعرف حدود الله عاطيها حرية وعندها سيارة ملتهية بحفظ القرآن والتدريس وتروح مشاوير بغيابه وكثير مرات تجيب اولاد صديقاتها لأن أخي حنووون و جدا يحب الصغار بينيموهم عندهم ويعملولهم جو و امسيات وأصلا هو من الله رجل مافي منه قلب وايمان ومعاملة يعني مايطاوعها قلبها تتركه عشان شي في علم الغيب،

والأطفال مابيجوا من الهوا بيجوا مع رجل آخر طيب كيف بيكون هذا الرجل؟ كيف بتكون العيشة معاه اسألي المجرب لما زوجك يكون مايسوى بتنسي نعمة الاولاد أصلا وبتكرهي نفسك وحياتك وتندمي اشد الندم انك انجبتي منه، تأكدي انه مافي رجل أو امرأة بتترك زوج صالح او يترك زوجة صالحة ويلقى مثلها خاصة في هذا الزمن صار الزوج الصالح والزوجة الصالحة صعب تحصيله والي ربنا رزقه بهذه النعمة لازم يعض عليها بالنواجد ويحمد الله ليل نهار..

مرة قرروا يربوا يتيم ويكون رضيع واذا كان ولد كانت هي بتخلي أختها ترضعه واذا كانت بنت طلبوا مني أرضعها عشان اخي بيصير خالها.. بس ماصار نصيب..



برجع أكرر الشرط الوحيد للتضحية هو صلاح الرجل ماهو المال والطلعات لان مالها طعم اذا الرجل سيئ.. واذا اجتمعوا الاثنين فهنيئا لك

وألف مبروك عليكم

__________________
{قُلْ يَا عِبَادِيَ الَّذِينَ أَسْرَفُوا عَلَى أَنفُسِهِمْ لا تَقْنَطُوا مِن رَّحْمَةِ اللَّهِ إِنَّ اللَّهَ يَغْفِرُ الذُّنُوبَ جَمِيعًا إِنَّهُ هُوَ الْغَفُورُ الرَّحِيمُ}

صدق الله العظيم

الله يوفقك ويسعدكم ويرزقكم من واسع فضله

لكن فيه أمور مهمة تحطينها في بالك
اتخذتي قرار تكونين مسؤوله عنه
الرجل شهم وكان واضح وصريح وانت قبلتي الآن لأنه بيكفي (بعض) احتياجاتك اللي ناقصتك الآن وفرصه العوض ولا القطيعه !
لكن بعد ماتاخذينه ويشبع احتياجاتك العاطفيه والماديه بتبدين تفكرين بالاحتياجات الثانية اللي ناقصتك وهي فطرية وحقيقة محد ينكرها !
لكن تبرمجين نفسك من الآن ماتتصايقين ابداااا من الموضوع ولاتتكلمين فيه وتعيشينه جو سعيد وكامل هو صارحك وانت قبلتي ..

فيه بنات وقت الشدة وقلة الفرص ترضى بأقل القليل لكن اذا تزوجت واستقرت وبدت الطموح والآمال تتسع تنكد عليه وعلى ابو اللي خلفوه لأن فن صناعة القرار عند البنات اغلبها كلام!! ..

وفيه سؤال مهم : عقمه ايش بالضبط ؟
يعني قلة في العدد ؟
او انعدام تام في العدد ؟
او تشوه يمنع الانجاب ؟

__________________
﴿رَبِّ إِنِّي لِمَا أَنْزَلْتَ إِلَيَّ مِنْ خَيْرٍ فَقِيرٌ﴾

‏هُنا دلال ، حيثُ نجد وحيثُ الشمال

الله يوفقك

الله يوفقك و يبارك لك ويتمم لك ان كان فيه خير
وفعلا تكونين متبرمجة و عارفة قبل
افضل من اللي تكون بانية طموحات و تنصدم بعدين .

اختي مسك الليل
الله يريح قلبك ما تدرين كيف كلامك ريح قلبي ولا يهنون البقية الله يرزقكم جميعا ما تتمنون

صح يأختي مثل ما قلتي الحياه ما تصفى لأحد ومحد ياخذ كل شي كامل

الحمدلله الله ييسرلي امري

عبلة

الله ييسر أمرك:
كلام أبلة دلال مهم و ضروري،
جاوبي عن تساؤلاتها بدء لتحقيق مصلحتك انتهاء.

و كلام أخت هنا مايسعني الاسم مهم بعد:
هل توثقت من سائر الأمور الأخرى، كيلا تأخذك العاطفة و تتخذين حكمك الكامل وتركزين ع السؤال عن الانجاب
و تنسين سمات الشخصية و الاهتمامات بينكم لمجرد حديثه معك مرة أو مرات " مهاتفتك شخصيا دون غيرك، ربما تستعنين بثقة ليبحث عن الأمور الأخرى دون علمه".

و أخيرا،
طلبي فحصكما معا عن أفضل مركز طبي تقدرون عليه لتشخيص فرصة انجابكما معا.


أنا هنا بالمشاركة هذي لا أقدم و لا أؤخر أي حكم، فقط أنوه للأمانة على استكمال
نواقص في تعقيبك الأخير حثثنا عليها قبله، و إن الله يحب إذا عمل أحدكم عملا أن يتقنه،
أي فعل أسباب و حسب.

الله يوفقك،
و يبارك لك.