جزاك الله خير
راح ياخذ وقت كثير مني لان فقلبي اشياء كثيييررررررره
وساكتب لك غدااا

أنا امرأة
ومريت بحالتك لكن عندي حيثيات أخرى تختلف عنك فراح أنصحك بالنواحي اللي فهمتها واللي نحجت معي .

دائما اقول أن علاقة الليل تبدأ حقيقة بالنهار مو لحظة التقارب الجسدي .. وهذا للجهتين سواء الزوج أو الزوجة ..افترضي زوجك جالس طول النهار ينكد عليكي وما يقول لك الا اللي يقهرك راح تتقبلي قربه منك بالليل ؟؟؟
أكيد لأ .... ما أقول هذا لأني شايفتك نكديه ...أبدا ...إنما أوضح لك وجهة نظره سواء هو على حق أو لأ
أحيانا والله يكون زوجي مفتري عليي افتراء واضح وضوح الشمس لكنه شايف نفسه مظلوم ومسكين . فممكن يكون هو اللي على غلط وعنده هذا الشعور بالظلم .

ما أأيد التطنيش لأن ما ينفع بحالتك وأنا ما أعطيتك نصيحتي الا بعد ما جاوبتي الأسئلة عشان أعرف شو طبيعة مشكلتكم ... التطنيش ينفع بحالات ثانية مو حالتك . التطنيشبحالتك بتزيد الأمر سوء وتخلي شعوره بالنقص يزيد .
عنده شعور بالنقص بقوامته عليكي ... حتى لو أنتي حاسه انك خاضعه بما فيه الكفاية ومغطيه هذا الجانب لكن ممكن هو تعود عند اهله يشوف خضوع أكثر فيحس أنه اللي تعطيه مو كافي .

أرجع أأكد عليكي لا تناقشي مشاكل البيت بوقت جلستك معاه ...هذا اجمل وقت بين الزوجين فلا تخربيه حتى لو تمت الأمور معلقه وما انحلت ..عنها ما انحلت مقابل مصير حياتك الزوجية برمتها .
وقت ما قبل النوم أسوأ وقت تناقشي فيه مشاكل لأنه يقلق النوم ويوتر الواحد ويخليه يتهرب من هذي الجلسه حتى ما يتعرض للتوتر والقلق هذا ..
هو يجلس عالتلفزيون حتى يفرغ دماغه من مشاكل النهار ويقدر يدخل ينام فتجي انتي وتخربي شغله فأكيد بيتهرب من جلستك ونفسيته بتنفر منك ومن القرب منك .

المشاكل كلميه فيها الصبح قبل يطلع الداوم ... لو كانت حاجة بسيطة اتصلي خلال دوامه .. بالبريك .
لاقي وقت ثاني بالغصب أو حلي المشكله لحالك بدون الرجوع له .

الرجال يختي قلوبهم قاسيه ..طبع فيهم مهما كان حنون وحساس تلاقي قلبه قسى فجأة ما تدرين كيف ..فما تحاولي تستعطفيه .. شوفي وين مصلحته واشتغلي بناءا على هذا .. اللي ممكن يلف راسه ويخليه ينتبه لك هي مصلحته فقط لا غير .

ولا تنسي الدعاء الله ييسر أمرك ويحنن قلب زوجك عليكي

__________________

اختي الله يعينك ان شاء الله احب اصارحك وكون لي مشاركات وحلول بهذا المنتدي لايعني انني لا اقع في مشاكل مع زوجتي

الذي تمرين فيه الان زوجتي تمر فيه معي بصراحه والسبب هو


ان زوجتي عنيدة تطنش تسوي نفسها ماتدري ماتسعي لي وتحاول معي ابدا راكبه راسها
لا اخفيك جالس افكر اتزوج عليها لاني حرمت من حق الفراش وهي لاتمنعني ولاكن بتصرفاتها معي اشارة المنع كيف

انا اقول لك

لايوجد رجل لايشتاق لزوجته واللقاء معها جسديا ولاكن اذا زوجتك نفرتك باسلوب بتعامل بشينة نفس عنااااد اقول لها يمين تقول شمال تصارخ علي الولد تقفل مزاجي كذا انا اوصل الي الكره ولااتقبلها

الان لي شهر عنها وممكن اكمل اكثر طبيعي جدا لان اللقاء الحميمي يبغي نفس طيبه يبغي تعامل حلو
يبغي احترام الرجل اللذي امامه ، هذا السبب اتمنى انك استفدتي والجميع ممن يمرون بنفس المشكله

__________________

When you're out of my dreams
I will be in the best case

لما كتبت كل الي صار
حسيت اني مو مقهوره مره من الي صار بروود تجاه الي صار
ماادري هذا عادي والا لا

حسيت ان زواجي منه غلط
هو له مآرب من ورا الزواجه هذي بس طلعت انا غير الي توقعه
انا فهمت من تصرفاته انه بيتزوج وحده ضعيفه بس ليرضي اهله
وهو يعيش على كيفه زي قبل
انبسط اول شهرين وبعدين مل وصار في مصاريف ومسؤليات هو مو قدها
وبيرجع لحياته السابقه بس انا كشفت تصرفاته
هو انسان عديم المسؤلية تجاه بيتنا
حتى الطبات العاديه يتثاقلها من مؤونه ومويه وتصليحات ومراجعات مستشفى
لكن لاهله وامه واخواته واخوانه واصحابه يسوي المستحيل عشانهم

لو كان البخل أو الكسل طبع فيه لكان هذا الطبع تجاه الكل سواء أهله أو بيته لكن الرجل يحب يبذل لمن يشعر بأنه يحتاجه ومن يحبهم .

اسمعي مني وسايسي زوجك عشان تكسبيه ... في رجال ما يتأثروا كثير لو زوجاتهم كانوا مسيطرات وفي رجال يحبوا الزوجة المسيطرة حتى يتركوا علها الحمل كله ويرتاحوا وف رجال ما يقدروا بعيشوا ولا يقدروا يتأقلموا مع هذا الوضع والظاهر زوجك من الصنف الأخير

كلمة اخيره وما راح أزعجك بعدها لو نجحتي بان تكون جلستكم ما قبل النوم حلوه وشفتي زوجك ارتاح فكمليها ونامي بنفس الغرفة أو الصاله حتى لو على الكنبه امقابله لكنبته

__________________

طيب اختي بيتا من ناحية النومه بديت انفذ ومن زمان اجلس معه دايم ومرات انام معه بالصاله
بس هو عنده قدره على الاستفزاز فضيعه اذا حب ينكد علي فهمتيني ؟ يعني يقعد مبوز والا يعصب ويهاوش على اي شيء
واذا جلست جنبة يحسب اني المح لعلاقه فيفتعل مشكله
ومن ناحية انه يقول انا كيفي وليش تتجسسين اكيد انه قالها وعصب وهاتي الجواز وبس مالك شغل لايكون انتي الرجال ومن هالكلام
بس هو لما شاف اني خلاص نويه اروح مع اهلي يوم جو خاف منهم و خاف اني انا والولد نروح
بس الخيانه هو منكر تماما وانا ماواجهته بالادله للخيانه الجسديه بس المكالمات زمان واجهته فيها
وماادري ايش اسوي اكث من طاعتي له
يعني نقعد انا وولدي بدون اكل وشرب عشان يحس انه قوام ومسيطر!!
عطيني طريقه للطلب عشان احسسه باني مطيعه وتحت سلطته

الله يصلح الحال .....
يمكن زوجك ينتظر منك شئ ما ادري لكن تصرافاته
تدل انه تسمحي بشئ مثل السفر أو تغيري تصرف فورا عشان
يتغير و مسوي هذه الحركات نوع مَـَُِنٍّ الضغط عليـڪَ

__________________

مو عارفه وين المشكلة بطريقتك الحالية بالطلب . وهذا انا وانتي جالسين نفكر مع بعض وين المشكلة

حاولتي تقولي له أنه ولدكم بحاجته واماله غيره يلبي له حاجاته ... لما يجيب الحاجة تشكريه عليها وتبالغي شوي بحمد تصرفه . تكرري ذكر المرات اللي قام فيها بواجبه تجاهكم من باب المدح وكأنه أنجز انجاز مو سوا واجب
يمكن محتاج تعزيز من هالنوع ؟

__________________

سنا نجمه
ايه ممكن هالشيء , هو ماييأس

انتظر الاخت unlimited
عشان نكمل الطريقه


واضافه في نقطة مو عارفه كيف اتعامل عها
هو وعدني بسفره بعد العيد رد اعتبار
وماادري هل افتح الموضع و اسأله
والا اطنش..؟؟
مع العلم انه ماسوالنا جواز
واعرف ان السفر له ترتيبات قبل وقت طويل
وش رايكم؟

الاخت بيتا
قبل الزواج قريت كتب ومن النت عن التعامل والذوق واتيكيت الحياة الزوجية وكنت اعامله بكل طيبة
وكنت بالاول اشكره على كل شي لو جاب مويه لاني عرفت ان الرجل يحب الشكر مثل المرأه لما تحب كلمة (احبك)
واطلب بالهاداوه وارسل رساله باغراض البيت يجيبها معاه وكذا
لكن بعد المشاكل صرنا نتعاند وصار لساني طويل شوي عليه واحسه يضحك مني وانبسط اني اتكلم وارد لاني باول الزواج مساالمه ولامره تخاصمنا واول المشاكل كنت انهار وابكي مااعرف ارد واتخاصم
لكن من كم شهر صار يحب نترادد بالكلام ( فهمتي الكلمه) زي خصام بطولة لسان كذا
واذا رجع يكون منفذ الطلب او جايب الغرض او راجع يراضيني ويتحايلني
وانا استغرب منه ,
بس مرات انقهر منه واقوله خلاص انا ادفع بس مستحيل ينفذ ويمشي كلامه اغلب الوقت
انا بارجع لاسلوب الشكر والهداوه بالطلبات وبالمناقشه
وان شاالله يتقبل مني و مايفتعل مشاكل