هذا القلب بيد الله وحدهـ
عن نفسي مو مهم الحب أهم شي أرتاح معاهـ وأشعر بالمودة والسكن
ربي قال (( وجعلنا بينكم مودة ورحمة ))
الأزواج اللي مافي قلبهم مودهـ ورحمة لبعضهم..في شي ناقصهم لازم يسدونه
أتمنى إني أفدت..مع إني أعاني بقوهـ من هالمشكله
شكرا ع الطرح الحساس

__________________
اللهم صلي وسلــم على سيدنا محمد
وعلى أصحـــاب وأزواج سـيدنا محـــمد
يارب إني مسني الضر وأنت أرحم الراحميـــــن..لا إله إلا أنت سبحانك إني كنت من الظالمين

عاد اقولك على شي اكتشفته

بعض هولاء المتزوجين اللي قلت لك عنهم
سالتهم عن الحب بحكم قربي الشديد منهم

منهم من قال الحب من الله اول ماشفتها بالوادي حبيتها و ملكت قلبي
ومنهم من قال .. تزوجته عادي و لما شفت طيب معاملته حبييييييييييييته
ومنهم من قال .. تزوجت و عشت اول فترة حياة زوجية عادية بدون مشاعر
بس تمشية حال و لاني لازم اتزوج و انجب .... و طالما انه زوجي (انها زوجتي )
مافي بديل (كان يمنع التعدد عندنا الا بموافقة الزوجة الاولى) برمجت نفسي على حبها و الان ملك-ت قلبي !!!!!!!!!

__________________
سبحان الله... الحمدلله ... لا اله الا الله .. الله اكبر
سبحانك لا اله الا انت اني كنت من الظالمين
استودعكم الله

الحب قبل الزواج لايموت بعده الا اذا استهلك قبل الزواج و كان مبني على خداع او كذب
الحب قبل الزواج اجمل لكن الحب بعده اريح ...

راق لي رد المسداني ^_^

ما قريت كل الردود بس اعتقد أني فهمت اللي تقصدينه


ابن القيم له كلام جميل ومفيد في هالموضوع

اسم كتابه روضة المحبين وجنة المشتاقين


يقول ان في مجموعتين من الناس

الاولى تشوف ان الزواج يوأد الحب

والثانية - اللي انت منهم- تشوف ان الزواج يولد الحب


ولكل مبرراته وأسبابه ووجهات نظره


والاثنين صح. والاختلاف بين الناس طبيعة الحياة


يعني ربنا تعالى خلقنا مختلفين ومن ضمن الاختلافات الموضوع هذا



باختصار أقرئي كتاب ابن القيم راح تلقين إجابة سؤالج

__________________
لا اله الا انت سبحانك اني كنت من الظالمين

نورا ...

فترة الملكة هذي اللي فيها مو حب ..
هذا لذة الجديد ،، او ممكن تكون الرغبة في الحب اللي يعيشها
الشخص طول عمره و يعتقد ان الحب لا يكون الا لزوج او الزوجة
و اذا تزوج لازم يحب شريكة ...!
عشان كذا يتوهم الحب و بعد فترة يبرد الشعور ..

الدورات الطبيعية مالها علاقة أبدا بتجديد الشوق ..
بما ان المشاعر لا تتغير من بدايتها ..

و كمان الإجازات بالعكس احيانا اشوف زوجات اذا سافر زوجها
ورجع تتضايق نفسها يطول اكثر و اكثر ..

هذي الشوق اللي تقولي عنه اذا كان موجود هو شرق للرغبة الجنسية
او مسالة اعتياد على وجود الشريك و الحياة المعتادة بينهم ..

و أقولك بصراحة .. أنا بعد اسمع زوجات و ازواج انهم يحبون بعض
بعد سنين من الزواج .. و هذولا ما اصدق كلامهم..
لأني اعتقد ان بعضهم يا انه يبالغ او يحسن صورته امام الناس
او يسير على حسب أقوال العامة ..
ما فيه شخص ما يرغب بالجديد أبدا أبدا ..

الحب اللي اقصده ما هو المشاعر الروتينة بيت الزوجين
و لا هو كلام بعض الزوجات اللي تقول انها تحب زوجها وانه يحبها
وهم لهم عشرين سنه متزوجين ...!

وشي ثاني اختي نورا ..

هذا اللي يقول لك التعدد ممنوع ..
التعدد حل للرجل فقط ، لكن الزوجة مطمئنة ما لها حل ..
في مجتمعنا عندنا ان المرأة لا تحب الا زوجها و ان ما تزوجت خلاص
مهما كان عيوب زوجها ..
و تلقي لو وحده قالت احب واحد وهي بنت نظروا لها نظرة منكرة
وأنها مذنبه و ارتكبت ذنب عظيم ...
و لو كانت متزوجة هنا الجريمة بحد ذاتها ..
لكن لو رجل متزوج عااااادي جدا يحب غير زوجته و عااادي
جدا يعترف بحبه حتي لو ما تزوجها ...

مع ان الحب حق مشروع للجنسين لانهم من بعض ...

هذي الفكرة اللي أحاول أوصلها ..
ان الاغلب مثلك ما بينهم حب و لا لذة المشاعر ..
حياة عادية هادية نسميها نحن ( مودة و سكن ) ..

احترم رايك ..
( الحب قبل الزواج اجمل ،، و الحب بعده أريح )

ممكن تعللي لنا السبب ؟!

موهبة الكويت ..

انتي فاهمة غلط ..

أنا ما قلت ان الحب يولد بعد الزواج .. أنا ضد هذا القول ..

أنا قلت ان الزواج بشكل عام يقتل الحب بشكل عاااام ..

فالأفضل للمتحابين ان لا يتزوجوا ..

اي فاهمتج يا قلبي


بس ابن القيم يقول ان فيه ناس تنظر للزواج انه قاتل للحب اللي انتي منهم فالأفضل ان ما يتزوجون ويفضلون ان يعيشون في حالة الشوق والوله


اما الناس الثانية ينظرون للزواج ان متوج ومكمل للحب. فيتزوجون بأقرب وقرب لان ما يفضلون ان يعيشون حالة الشوق ويفضلون يعيشون التقارب النفسي والجسدي



انصحج أقرئي كتاب ابن القيم وراح تفهمين انا شنو اقصد

__________________
لا اله الا انت سبحانك اني كنت من الظالمين