الا الان ماحد فاهمني ولا فادني بشيء كلكم تقلون شك طيب ماضي وراح وش تشوفون صح الي انا اسويه ولا

صح يوم ماكلمته بعد سفه لي الأربعاء الصباح اتصل علي الخميس لان شاف صور ولد ع ألبي بي وكلمني

الخميس السبت ماتصل ولا فكرت اتصل فيه تشوهها صح مني ؟؟

أكيد بكرا بيتصل ويسأل عن مفتاح البيت وو أني رحت للبيت اولا

بس اذاجاء و قالي ليش ماتتصلين علي او ليش تحققين معي مسوووي البريء وش ارد عليه ؟؟

يلا جاوبوني ؟؟ *

ويجزاك يارب انا قلتها عشان تصبر على زوجها ان الله مع الصابرين وانا صبرت عشان ولدي اللي دوبه شهرين عشان واحد صبرت فما بالك باللي عندها اكثر مجبوره تصبر رضيت او مارضيت

__________________
لاتـــغــركــ <> الـضـحـكــــ..هــ تـــرىــ كــــلــيــ أحــــزانـ

أختي الكريمة لما يجي لا تزعلين، بما أنك شاكة ولا مسكتي عليه، بعد وقت يعني بعد كم ساعة من وصوله قولي له فلان سلامات كلمتني وانت مو طبيعي لا تصير قاعد تحلم تقول كلام ماينفهم ومادري ايش، هنا ماراح يكون عليك ممسك لا انتي اللي اتهمتيه ولا انتي اللي مررتيها بسلام وكأنك تحذرينه، وجدعي لك كم كلمة قولي المرة الثانية ماراح اخليك تسافر لحالك خايفة عليك ياحبيبي ، عاد انتم يالحريم ماتقصرون بالحِيَل والرسائل الغير مباشرة، وبالتوفيق لك

__________________
ياصبحِ لاتِقبل !!
عط الليل من وقتك..

والله تبغى الصراحه .. احسسسك انتي مو فاهمه نفسك وش الي تبغيه .. موب احنا الي مو فاهمينك ؟

شاكه ولا منتي شاكه ؟ شفتي شيء بعيونك ولا ماشفتي شيء ؟ زعلانه من سفرته ليه ؟
ترا كان بإمكانك تكتبي المشكله بسطور بسيطه وتركزي على الشيء الي تبغي توصليه ... !!

حلو التفصيل .. بس ليتك حددتي وين مشكلتك ووين النقاط الي تبغي نتباحثها مع بعض ... !!

زوجك وانتي اعلم فيه وأخبر فيه وتعلمين متى يكون صاحي ومتى يكون عكس ذلك

اذا كان صاحي ومافيه شئ فأنتي طفشتيه بالطلعه وكرهتيه بحياته بصراحة

حتى تلميحاتك حتى لو هو مسوي شئ تضايق وتنرفز انا ما ادافع عنه لكن هذا الواقع

يعني ماحطيتي اي احتمال ان يكون فيه شئ مشغل باله او يقرأ شئ او اي شئ آخر

زوجتي وانا في العمل تتصل علي واكون اقرأ او احلل ارقام او ماشابه تتكلم ولا ادري وش تقول

مره تسولف وتقول بروح لمكان كذا واهلي بيجون ياخذوني وبعدين بنروح كذا معليش

وانا اقول هاه ايه اوكي معليش طيب

اخر شئ قالت بروح الإستاد اشوف مباراة معليش قلت ايه معليش تقول مانت معي وانا اقول الا معك خلاص معليش

فأنا في وادي وهي بوادي فمو شرط يكون الواحد ذاهب العقل بشراب او منكر ممكن يذهب العقل في أمور أخرى

في النهاية زوجك وانتي اعرف فيه لكن ان كان تواصلك معاه مكثف بهالطريقة والتحقيق معليش بيعاند اكثر ويطفش من هالأسلوب

اطالب باغلاق الموضوع

الله يكون في عونك انتي تسألي اسئله مايعرف بها غير رب العالمين
وماعندك ادله اكيده ضده خلاص قفلي على الموضوع والمفروض كل يوم تدعي ربي وتقولي
اللهم اني استودعك قلب زوجي وسمعه وبصره ولسانه وفرجه في ودائعك فاحفظها لي يامن لا تضيع ودائعه وادعي انو ربي بيعده عنه اولاد وبنات الحرام وسيبك من الشك الا مايجي من وراه الا الكره والامراض النفسيه حتى سبحان الله الي تسلم نفسها للشك تصير شكلها زي المجنونه

ليش بس إحنا الي نضحي ونتعب وندور وراههم وهم لا ولاكن صار شيء وبالاخير نطلع إحنا الغلطانين

!!
لا عزيزتي ما يصير كذا و يين ثقتك
قرأت موضوعك و عندك تحليل لكل حركة و همسة و ليش مارد و يمكن
و تتعبين نفسك بأفكاااااار
الزبدة
أنك تريدين أن تتصرفي و كأن هذه الشكوك وصلت لحد الواقع و القناعة
و تريدين ردة فعل أزاء ما تؤمنين أنه حدث
هذا غير منطقي
ما عندك دليل ليش توجعين راسك
و من قال أنه من التضحية النبش وراء الزوج
خلاص مافي دليل ثابت
تصرفي بطبيعية و عادي و استقبليه جيدا
و إلا راح يقلب الموضوع عليك
أرجو أن تتقبلي رأيي بدون عصبية
أختي
و اعلمي أن زوجك و أنت أيضا بشر
لستما مثاليييان , فهل تحبي من زوجك
أن يراقبك و يحلل كل تصرف تقومين به و كيف رديتي على الهاتف ووو

أتمنى أن شكوكك تكون مجرد أوهام
و تعيشي سعيدة وواثقة من زوجك

__________________

لا بالعكس كلامك عين. العقل

تو اتصلت عليه قال انه في صاله الانتضار قلت اها طيب ليش ماتتصل قال انتي الي ماتتصلين وبعدين انتي عارفه ان جوالي مايكلم قلت الا يكلم تقدر تتصل وتسكر زي كل مره قال إيه انا كذا مره اتصلت بس مايمسك قلت بالله ؟؟!! قال إيه قلت يلا اجل مع السلامه



اما عاد الخط مايمسك كثثثثثثثر منها وقسم قاهرني الي معه محرشينه علي. ولا وش الساالفه

زوجي حريص مستحيل مايتصل أوف بس