حقيقة طلب زوجك طبيعية يريد أنثى بطبيعتها التي خلقها الله وتصنعها لا يمكن

وبيئة الأختلاط كافية أن تدمر الإنوثة الربانية , بالذات صوت المرأة لأنه مهما يكن

جمال المراة فإن كان صوتها عالي فهذا خلاف الطبيعة الأنثوية .

اييي يا سهر
تعالي اشكيلي واشكيلك
....
شوفي ياستي
لا تتوقعي ان سبب جفائه هو لانه بدو يكسر لك راسك
الله وكيلك ..
انا وحدة نادرا ما يرتفع صوتي ولا احب اجادل زوجي
مع ذلك هو جاااااف
باختصار طبع ..
ولازم تتقبلي هالشي عساس ما يصيدك احباط
.....
ما يمنع انك تغيري شخصيتك شوي باللي يتناسب مع زوجك
وانا اشجعك على الخطوة
كما قالوا خواااتي قبلي
لا باس من التغابي احيانا
...
الله يسهلك و ووافينا باخبارك
خلينا نتطمن عليك

__________________

كلك فهم يا سهر
حبيبتي مش صعب عليكي تفهمي جوزك وانت علم اجتماع
بالعكس عايزين منك دورات نفسية
ياقلبي جوزك مابدو يكسرك
جوزك بدو يحس انك انثى و انو قائم عليكي
هيك تربية رجالنا الشرقيين
مابحبو يحسو الست فاردة حالها عليهم
في عاطلين بدهم يكسرو الوحدة فعلا
وفي زي جوزك
بدهم يحسو برجولتهم وقوامتهم
وصدقيني ... الرجال لو كنتي خاضعة الجناح الو
عينيه بعطيها الك
ولو كنت قاعدالو عالوحدة والله مابتشوفي منو خير
هوة الاسلوب الي بفرق وانا بقلك عن تجربة
بحب الرجال يحس انو الست لطيفة وادعة
بتعرفي الست بتحكم الرجال بطيبتها و خفة دمها و انوثتها ودلعها
بتاخد منه اي شي بهادول
وهوة بحب هبك ليحس انو القوي و القائم عليكي
ووقتها لما تسحريه وتاسريه بقلبك صدقيني بتلاقيه حمل وديع قدامك
هالحكي عن تجربة كم سنة صدقيني
بشكل غير مباشر الرجال بتملكه المراة فعلا بس في حالة لما تحسسو بالخضوع
وشوي شوي بتعمل الي بدها اياه

وضلك احكيلو تقبر قلبي ابن عمي ههههه
الله يخليلك اياه ... مع الوقت بتفهميلو اكتر
اديش الك متجوزة شكلك مش كتير

__________________

سهر حبيبتي..

منذ أن كتبتِ الموضوع وأنا داخلة طالعة .. لا أجد ما أكتبه.

عبارة (ما حيرتاح لحتى يكسر راسي) ألجمتني!!

بل ويقولها لأخيكِ!!!

__________________


اللهم طِيبَ الأثر .. وحُسْنَ الرحيل.

ما يجب أن يكون واضح لك ان جاف و قاسي هده شخصيته و تكسير رأسك لن يجعله طيب و حنون

ربما إظهار بعض الخنوع و قليل من المسكنة تجعله أكثر هدوء .أقول ربما لأن بعضهم يصير مسلم ادا أظهر الطرف الآخر ااصعف

قصدت متسلط

وتريد أن تساعده ليشعر أنه فعلها

!!!!!!

حلم الايام ..

انا عارفة انو هو بدو ياني كون تحت سيطرتو .. بس زعجتني كلمة انو يكسر راسي اول ما سمعتها .. بس يعد ما فكرت فيا حسيت انو فعلا معناتا في عندي مشكلة بتعاملي معو

الراجية رضا ربها ..

فعلا هادا الي رح يصير رح غير حالي بوجودو و احتفظ بشخصيتي امام الناس

كوكي ..

تماما ما رح اخسر شخصيتي الي تعبت عليها بس متل ما حكيتي لازم حسسو انو الاهم بحياتي

ام الدانة ..

تسلميلي حبيبتي و صدقا انا استفدت من هالمنتدى اكتر من دراستي الجامعية لانو دراستنا نظرية بس هون استفدت بالجانب العملي

ريتاج ..

الله يفرج عنك .. متابعة مواضيعك .. انا حاليا عمبشتغل ع حالي لاكون امامه بدور الضعيفة الي بتستمد قوتها منو

ميمي ..

انا ما بلشت بتجاهلو الا من بعد ما طفرت من جفافو العاطفي .. بس صدقي كانت طريقتي مفيدة لانو لولا تجاهلي الي ما كان انفجر و حكا لاخي و عرفت شو وجعو .. ع الاقل حاليا توصلت لراس الحبل صار فيني اعرف شو لازم اعمل

روز .. الله يخليكي حبيبتي .. مرورك شرفني و اعطاني معنويات ..

اعشق جنونه .. حاليا ماشية معو ع السراط المستقيم .. الي بقولو لازم يصير و شايفة نتايج حلوة

عطر الفجر .. بالزبط صارلي فترة موقفة معو النقاشات و صايرة عمحاول قدر المستطاع انو ورجيه انو هو الصح خاصة ازا كانت مواضيع مو ذات اهمية .. بس الله يستر و قت يجينا شي موضوع جدي شو رح يصير .. مشكلتي لساني اطول مني هههه

الهم رؤوف

و الله و انا شايفتا كتير ثقيلة هالكلمة و اول ما حكالي اخوي ما تقبلتا .. بس بعد تفكير عميق حسنت اتوصل للمغزى .. ومعظم الرجال بكون كلامن بالصميم بدون تجميل
و بالنسبة للمدح و الله طول ما منكون لحالنا بمدحو و بحسسو انو ملك .. بس مشكلتي اني امام اهلو ما بمدحو و بورجيين انو بعاملني بشكل مو تمام منشان ما يكرهوني .. لانو المتعارف عليه اهل الزوج خاصة امه و خواته ازا شافو ابنهم عمبدلل زوجتو بيكرهوها فانا بحاول اظهرلهم انو تعاملو معي ليس ولا بد منشان اخليهم يحبوني .. بس شكلا نظريتي غلط .. لازم اغير كل استراتيجياتي بالتعامل معو

علو النفس .. بس نحن ببلدنا عنا الجامعات كلها اختلاط .. حتى هو درس بجامعة مختلطة
و ما حدا بقلي انو ما فيني انوثة الا زوجي هو الوحيد بالدنيا الي بسمع منو هالكلمة
بس الي اكتشفتو هو ما بدو انوثة هو بدو يمشي كلامو علي و بدو ياني اكون بلا راي و لا تفكير و انا رح اعطيه الي بدو ياه لانو اولا و اخيرا هو زوجي و لازم اعمل شي لنعيش براحة بال

جمانة .. معنانا لازم تبحثي بمشكلة زوجك معك .. بتعرفي انا من اول ما كتبت الموضوع و كنت عمبشوف ردود الاعضاء و بطبقها .. و الله العظيم خلال هالفترة زوجي انقلب معي .. الا شوي رح قول عنو رومانسي .. لسا ما وصل لدرجة الرومانسية بس متغير معي كتير
جربي طنشي زوجك لوقت ما يصل لمرحلة ما يقدر يتحمل فيا و ينفجر و يحكي شو وجعو


ملك شادي

هو اكيد بدو ياني كون خاضعة الو بس في اسلوب الطف من هيك .. بجوز انا وصلتو لمرحلة الانفجار بس ع الاقل عرفت شو المشكلة و عمبعمل بنصايحكم و الحمدلله شايفة فرق واضح و ان شا الله ع التمرين و التعويد رح كون دايما متل ما بدو و ارتاح و اريحو

مهرة .. و الله انا اول ما سمعت الكلمة من اخي كنت مقررة انو ما ععد ورجيه وشي ووصلتلو حكي عن طريق اخي انو انا وقت اتزوجت كان هدفي الاول اني كون عزيزة مكرمة مو متزوجة ليجي حدا و يكسرلي راسي
بس بعد ما فكرت بكلامو حبيت اراجع حالي بكل تصرفاتي وشفت انو فيني شغلات زاعجتو من اول زواجنا و نبهني عليها و انا ما كنت اتجاوب معو و عرفت انو ما قال هالكلمة الا من بعد ما يأس مني .. و بالاخير هو زوجي و ابو ابني و متل ما فيو عيوب فيو كتير ايجابيات .. فحبيت اني اعرف كيف ممكن حسسو انو حسن يحقق مرادر يمكن يرتاح و فعلا اتبعت اسلوب جديد معو و الحمدلله متغير تماما معي حتى الجفاف العاطفي الي من اول ما تزوجت بعاني منو . بهالفترة حسيتو زال و صار اكثر ليونة معي ..

ميس لا زوجي مو قاسي بمعنى انو ممكن يظلمني او يعذبني .. قساوتو بعدم التعبير عن مشاعرو .. هالجفاف الي عندو الي خلاني اتجاهلو لفترة مو قصيرة .. ضليت اكتر من شهر متجاهلتو لحتى وصل لمرحلة و حكا مع اخي و حكالو هالكلام ..


بتشكر كل مين رد ع موضوعي .. و بنصايحكم فعلاااا حسنت اغيير شوي من جفاف زوجي .. ادعولي احسن استمر و يضل هو عميتجاوب معي