يااختى ابغى اعرف ليش ماتحبيه لكن الظاهر لانه مسكين وطيب صدقينى اخيتى الكثيررررر مننا كذا اذاكان زوجها طيب تحس انها شى وماتبيه وتتدلع وبس لاحست انه بيطير من يدها رجعت وراجعت حساباتها وتغيرت عدل
بدليل عدم احتمالك ضره تانيه
اختى صدقينى انتى تحبيه لكن الغزو الفضائى سيطر عليكى
وحبك للخيال كمان
زوجك للحين صابر بعدين لو لقى وحده وحده ابرك منك بتفتحه على محاسنه ومساؤك وبيطير خليكى فى نظره ست الكل
بينى له انك تغيرى وما تطيقى تسمعيه يتكلم على غيرك
قوليله انا وبس اتشكلك زى ما تحب واجتهدى والله بتلاقى المتعه فى حياتى وبعد مده بتلاقى نفسك تموتى فيه وهو هاجسك مع التدريب
لاتفكرى كيف احبه طبقى زى ما قلتلك
لا رحتى السوق اشتريله قطعه لاخرجتى من البيت كلميه واطمنى عليه
اساليه عن شغله
خليكى قريبه منه
خليه سيد بيته ازعى فى نفسك شى انك تزوجتى عشان تخدميه وهذى مملكتك مافى غيرها
اشغلى نفسك ببيتك بالاطفال ولو ما رزقتى ببعض الكتب عن تربيتهم با المستقبل
حاولى تدلعى عمرك طالما زوجك سامحلك
وحكايه النت انه مايدخله صدقينى خير وبركه
اطردى شيطانك اللعين هذا والله لو يتيح الوقت لسرد لكى قصتى لعلها عظه وعبره لكى والله اى احد يسمعها ما يصدق من البلاوى الى صارت لى
ولكن اصرارى على عدم ترك زوجى وبيتى وحبى لمملكتى هو الى غيره فوق تحت بعد 4 سنوات ولله الحمد
الحين مستحيل يسيبنى ولله الحمد
ادعوللك من كل قلبى الله يطرد الخزعبلات من عقلك

اختي اذا سمحتي لي
واقدم اعتذاري مسبقاً ان كان فيه اي نوع من الاحراج

احاول بجهدي المتواضع ان اساعدك اذا احببتي
من خلال قرائتي لكل ما كتبتيه من كلام وردود

هل لديك تجربه عاطفيه سابقه قبل الزواج ؟

وللحديث بقيه

الاخت صاحبه المشكله
الاختلاف في الاطباع مو ضروري يكون سلبي دايما ! يعني مثلا انتي قلتي انك عصبيه وهو بارد ! معني كلامك انك تبغينه يصير عصبي زيك؟ وتشب نار مالها اول من آخر؟
اعتقد ان من رحمه رب العالمين عليكم ان خلاكم كذا ! لان اذا كنتي تتشابهين معاه في هالطبع بالذات ماكنتو راح تقدرون تستمرون ! وقيسي على هالطبع اطباع كثيره وفكري في الناحيه الايجابيه اللي تجمعكم مع بعض مو الناحيه السلبيه !!

شي ثاني انصحك تتخيلين حياتك بدونه وتقارنين !هل تختاري وضع المطلقه في بيت اهلك ! او وضعك الحالي؟ تخيلي كل تفاصيل الحياه اليوميه وقارني بين اللي تتخيلينه وبين وضعك الحالي! واختاري راحه قلبك ! وانا متأكده ان زوجك ولا نار المطلقه او سلطة الاهل بعد ماترجعين لهم خصوصا بعد هالعشره الطويله!!

ثالث شي تعوذي من الشيطان وحطي في بالك ان الشيطان يفرح لما يفرق من الرجال وزوجته! يكره الانسان في الحلال ويشجعه على خراب بيته! انصحك بالاكثار من الصلاه وقرأه القرأن والدعــــــــــــاء ! وحاولي تتذكري كل الايام واللحظات الجميله اللي عشتيها مع زوجك! وانا متأكده ان لو تعيشي لحظه وحده بس من هاللحظات بقلب صافي راح تكتشفين انك تحبينه وتموتين فيه بعد! صدقيني البنت محتاجه لرجال يكون لها ويعطيها الدفا والحنان!! وغيرك يتمون زوج ويرضون بالشايب والزواجات المشبوهه من المسيار وغيره بس عشان يعيشون لحظه من اللي انتي قاعده تعيشينها!!
فكري مره ثانيه وقارني وان شاء الله ربي يهديك ويريح بالك

اتمنى لك السعاده وراحه البال

أختك أسيل

__________________

لاإاله الا أنت سبحانك إني كنت من الظالمين

اضم صوتى الى صوت الاخوة
وحاولى مرة اخرى

__________________
لا يوجد شىء اسمه صعب ، ولا يوجد شىء اسمه مستحيل ... نحن من نصنع الصعب والمستحيل

مشكورين علىالتفاعل جدا وشكل الموضوع طوّل بس حبيت اشكر الجميع على آرائهم واعطي آراء ختامية...
كثير قالوا (صابر عليك) وانا ما اقول كذا مدح لنفسي او دفاع لا والله بل فعلا وضعه هو ماهو سيء بالعكس اعطيه حقه كامل اكثر الاحيان..وحتى مشاعري دايم احسسه اني كل سنة احبه اكثر عن اللي قبلها يعني تراني تغيرت! الاهتمام فيه وفي اللبس حتى الافكار الرومانسية سواء في البيت او في غرفة النوم .او الاهداءات وطريقة تقديمها وكتابات مختلفة .........الخ ماني مقصرة فيها واعتقد انه لو تزوج ماراح يلقى افكار جديدة من كثر ما سويت....ما اقصد اني احسن امراة بالتاكيد لا بس من كثر الافكار هو صار ما يستغرب أي حركة جديدة...
ومن كثر كذا صار يقول احمدي ربك على السعادة اللي وصلتيلها!!! وكلمات كثيرة...تين انه متوقع اني صرت في الفترة الاخيرة سعيدة ومتشققة من السعادة بس حاس انه في شي في السالفة ما هو عارفه وعلشان اتكلم يقول انت منت مرتاحة!
وانا لما طرحت المشكلة لاني انا اعاني من البرود مو هو اللي متضايق لاني ضاغطة على نفسي لاقصى درجة علشان ما يحس بالمشكلة وما ابغى انفجر فابحث عن حل يخليني احبه واعطيه من قلب ولا تصير الدعوة تمثيل وغصب بل حقيقة وصدق...
شي ثاني هو شخصيته وثقافته واهتماماته وطريقته في التفكير مؤثرة علي جدافهو بسيط وانا عشت في بيئة جدا مثقفة وراقية ومنفتحة...وفيه فرق شااااااااااااااااااااااااااسع في تفكيرنا مؤثر حتى على سواليفنا او تعليقاتنا او أي شي بينا...
شي ثالث هو يحبني ايه نعم بس سلبي جدا جدا جدا وما عنده استعداد يسوي او يتغير او يتنازل علشاني ولا سامحلي ادلع نفسي ! ...كلام يعطي الى بكرة مشاعر الى بكرة حتى الدموع يبكي علشاني بس من دون تضحيات!!
واذا ناقشته تدمع عيونه ويقول ما عندي رد.. احرجتيني والخ.....وقت الجد يرجع زي ماكان
ففيه كثير حقوق مانعني منها وكثير طلبات اساسية رافضها وووو
ومسالة اني ما حاولت احبه وما سعيت لا والله حاولت كثيييييييييييييير جدا وطرقت كل سبيل عرفت انه مؤثر واحاول اني اركز على الايجابيات واغفل السلبيات واكتب المزايا واقنع نفسي اني احبه... وكلها على بعض لها تاثير ما اكذب لكن زي ما قلت من قبل المسالة مي سهلة جدا!
وتنبيه مالي تجارب عاطفية مسبقا...ومسالة الاستمرار افضل من الطلاق احيانا اكون تعبنة بالمرة واختار العكس! وما اقولكملعنوسة احساس صعب بس صدقيني ايضا وضعي صعب..
وهذي الصورة بطريقة اخرى: انسانة عاشت حياة مترفة ولما تزوجت تفاجأت بشخصية الرجل للي قدامها وبخله وبساطته ورفضه للحياة وكلما راحت لاهلها وجدت الفارق بين حياتها وحياة اخواتها واخوانها سفر لكل مكان وملابس وهدايا .....الخ وهي ولا تطلع برا الرياض وطول يومها تغسل وتكنس وتطبخ واذا جا الليل كل طالب بحقه تبدا بالزوج وهي طبعا ماعندها رغبة يعني تمثيل وتضغط على نفسها وتحاول من هنا وهنا الى ما ينام بعدين تلتفت للاطفال وصراع من نوع ثاني هذا اذا ماغردوا بصياحهم وبكاءهم.....ولما تدور على نفسها تلقى يومها انتهى ونفسها تلفانة ...غير لما تروح للمجالس تسمع من النساء تعلقهم بازواجهم وبيوتهم وهي ابدا ما هي لاقية هذا الاحساس مو شعور صعب؟! ركض ركض بس بدون احساس بدون لحظات حلوة تغير حياتك وتجدد نشاطك؟! اسويها لاني مسؤولة فقط بس مو حاسه هذا عالمي وكياني واعطيه برغبة وسعادة.... مجرد مسؤوليات فوق بعض كل وحدة تاكل منك سعادتك وراحتك.....الشي الوحيد اللي انتظره...هو اني اشوف عيالي كبروا بين ابوهم وامهم.....ونجحوا وتخرجوا وصار كل واحد مستقل وناجح......وهذا طبعا ما راح يصير قبل 25 سنة على الأقل!!!!!!! وهذا شي صعب جدا جدا....
ختاما: اتمنى تفهمون اني حاولت بكل الطرق اللي مرت علي وساستمر في المحاولة ، ايضا وضع زوجي مو سيء زي البعض فاهم بالعكس ...بس هو حاس فيه شي واني ما ني مرتاحة ..بس فعليا كل شي ملبى له حنى في العلاقة الخاصة اسعده قدر ما اقدر..فضلا عن مشاعري عموما
انا ما انكر واتكبر على التغيرات اللي صارت وكان لها تاثير بالعكس احاول أفعّلها في نفسي واقنع نفسي اني الى الاحسن بإذن الله
واخيرا.... اشكركم على آرائكم وصدقوني حفظت الملف عندي عشان اطبق الآراء او ارجعلها اذا بغيت ويكفيني احساسكم فيني ودعواتكم لي وصدقوني ما يأست ابدا ولا راح بإذن الله وزي ما قالت اختي Miss Hawaii الين الصخر.. واحبه غصب عنه ووقتها اكتب قصتي لكم اهداء...
بس بقولكم فعلا الاذكار والدعاااااااااااااااء ادوية سحرية حسيتهابنفسي...فلا تنسونها...
وسلامتكم..

اختى الفاضله :
اكيد طبعا الادعيه والتوجه الى الله تعالى هو خير من الدنيا وما فيها
وهناك فى القرآن الكريم من القصص ما يثبت ذلك
تحياتى

__________________
لا يوجد شىء اسمه صعب ، ولا يوجد شىء اسمه مستحيل ... نحن من نصنع الصعب والمستحيل

اخيراً
ادعوا لك بتلك الدعوات الصادقات التي ارجوا ان تكون ساعةاجابه

اللهم ياحي ياقيوم ياحنان يا منان ياواجد ياماجد ياذا العرش المجيد يابديع السموات والارض يامن بيده مقاليد السموات والارض يامن اذا اراد شيئاً ان يقول له كن فيكون يامن قلوب العباد بين اصبعيه يقلبها كيف يشاء
اللهم يافرد ياصمد ياواحد يااحد ياعزيز ياحكيم ياخبير ياعليم يامن يعلم هواجس الصدور
اللهم اصلح لاختنا ( إتكاءة حرف ) زوجها واصلحها له واجعل حياتهما هنيئة رغيده
اللهم اسعدهما بالحب في طاعتك ومرضاتك اللهم اجعلهما من خير عبادك واحبهما اليك اللهم اصلح نياتهما وذرياتهما
اللهم واجعل في قلبيهما حب الاطهار وحب الازواج الابرار وحب كحب اسعد الازواج

اللهم واجعل لجميع اعضاء المنتدى منه اوفر الحظ والنصيب ولجميع المسلمين والمسلمات


اللهم اغفر لجميع المسلمين والمسلمات والمؤمنين والمؤمنات الاحياء منهم والاموات
برحمتك ياارحم الراحمين

اخى ملك القلوب
لقد احسنت قولا وانا اضم صوتى اليك وادعوا الله بان يحسن خاتمتنا جميعا
اللـــــــــــــــــــهم آميـــــــــــــــــــــــــــــــــــــــــــــــ ـــــــــــــــــــــن

__________________
لا يوجد شىء اسمه صعب ، ولا يوجد شىء اسمه مستحيل ... نحن من نصنع الصعب والمستحيل

حاولي ياعزيزتي ان تبتعدي عنه فترة زمان اسبوعان مثلا
وشوفي يمكن تحسي بحنين واشتياق
حاولي ان تكوني انت الكسبانه من حيث الجماع ليس فقط لارضاءه وسعادته
استسلمي وانت في احضانه ولا تفكري باي شيء ولا تبكي واستعيذي من الشيطان وضميه كالطفلة
عيشي ايامك ومتعي نفسك خليه يتكلم معاك وانتم في السرير نكتي معاه وانتم في لحظة جماع ليس الجماع جنسا فقط بل هو سكن وسعادة وحنان وفي الاخير تمتع وشهوة حارة جدا تنطفي وترتاحين
انت لست باردة بل تكيفت مع هذا الوضع واصبح الجماع له فقط علشان كذا تعانين من الاكتئاب والهم لانك ما اخذت حقك
حاولي وحاولي وصلي ركعتين قبل الجماع وتخيلي انه اتي وان حبيبك سوف يضمك حتى تشتعلي واكرر عليك لحظة الجماع انسي حالك واتركي وسوسات الشيطان واغرقي في الاحلام مع زوجك وحبيبك ولا توسوسي بانك لم تمتعيه وانك فقط بنت هوى ولست زوجة
ووالله حينما يرى ذلك ويحس بانك معاه في التمتع والحرارة لا يجن ويروح فيها وسوف يطلبك دائما كزوجة عشيقة حبيبه وليس الة لتفريغ شحنة الجماع

__________________
لافرق بين عربي ولا اعجمي الا بالتقوى

اختي اتكاءة حرف!
اسال الله عز وجل ان يبدل حالك لاحسن حال

واختك المتوكلة ماهي باحسن حال منك

انت يمكن عند اهلك .....
زاد الطين بله اني بشوف اهلي بالسنه مرة والحمد لله
سبحان الله
بستغرب كيف النساء متمسكين بازواجهم وبيوتهم

بعمل كل شئ لانه واجبي بدون اي احساس بالمتعة
متعة الامومة ومتعة ربة البيت

وحبيت احكيلك حتى تعرفي الدنيا وكيف ؟؟؟؟؟
بعد ما تزوجت كان دعائي اولادي يكونوا ذكور
لان حياتهم ايسر واسهل واسعد ........الله يسعدهم ويجعلهم من الصالحين


طلبت الطلاق بس الكل وقف ضدي من اجل الاولاد
الان شلت هالفكرة من راسي بس هدفي يوم ازوجهم لاولادي
اطلق هذا هدفي لانه اهانني و مسح فيني الارض وما ع بقدر انسى
وله الحمد في السراء والضراء وعلى كل حال