حبيبتي قريت الموضوع من أوله لآخره ماني مستوعبة يعني حقيقي موضوع مايستاهل يعني لو عند وحدة من الأخوات اللي يكتبون عن مشاكلهم الكبيرة في هذا المنتدى كان حتى ماعطته خمس دقايق من تفكيرها ........
بس أنا أعذرك أولا صغر سنك وثانيا إحساسك إنك ماأنت عند أهلك وربما كمان إنك حساسة بزيادة .... وبصراحة أسلوب زوجك في مراضاتك جدا راقي وكلامه والله يبرد على القلب يعني أعترف لك بحبه وإنه مابشوف زيك في الدنيا يعني صراحة غيرك تحلم إنه زوجها يقول لها كذا مع إنه إنت اللي جرجرت أخته في الكلام وأنت عارفة إن الشغالة ماتحبك يعني حتتبلى عليك بأي كلام .......

أختي خذيها نصيحة من أخت كبيرة لك محبة بعيدا عن هذه المشكلة ... حافظي على زوجك وأجعلي الأساس بينكم هو الثقة .... ولاتنجرفي وراء أي كلام دون دليل وتأكدي أن زوجك سيبدأ يفقد حبه لك إذا عاملتيه بهذا الأسلوب المتهور
تعاملي مع الأمر بعقلك لا بقلبك حتى يكون حكمك على الأمور صحيح .....

بورك فيك أختي

__________________
اللهم إن أبي نزل بك وأنت خير منزول اللهم أكرم نزله ووسع مدخله وارفع درجته وجازه بالحسنات إحسانا وبالسيئات عفوا وغفرانا .. آمين

ياعيني ياعيني على البنوتات الدلوعات

الحين يالغالية كل هالصياح والهواش وتقولين ليش ما يسمع كلامي ويعترف

حبيبتي لاتقولين أنا صغيرة عادي أنا تزوجت 18والحمدلله ماخاطرت بمخاطرتك هذي الزوجة تقاس بكبر عقله مو بعمره يالغالية

وبعدين هو اعترف انه مستحيل يفكر بغيرك ليش تهدمين بيتك بيدك

تعوذي من الشيطان وخلك قوية أمامه زوجك بصمتك وحسن تدبيرك

صدقيني كثرة العتاب والصياح تملل الزوج فيك . خلي دمعتك غالية ماتنزل لاسباب تافهة

الشغالة وسافرت بسلامتها الله يساعدها ويغفر لها

لكن أنتي ماله داعي يتدخل أحد بخصوصياتك وملابس زوجك ليش تطلع من غرفته الحمد لله ربي منعم عليك بالعافية أنتي اللي غسليهم ونظفيهم

حبيبتي ليش ثقتك بزوجك تتغير بسبب كلام طفلة أو شغاله

................. الله يعينك

__________________

واضح من كلامك ان زوجك رجال ولاينخاف عليه

وواضح من معاملة الشغاله لك ان عيونها على زوجك

وباين بعد انه مو معطيها وجه عشان كذا هي تتحرش فيك انتي

تبيك تقولين لزوجك عن مشاكلها معك عشان يكلمها ويتعود عليها

لكن زين منك انك ما كنتي تقوليله على حركاتها معاك

وفي الاخير الحمدلله طلعت على حقيقتها.........واللي تبيه من زوجك ماصار الا

بالعكس طقها.................انتي الحين استغلي الفرصه وتقربي من زوجك اكثر

وانسي الماضي............خلاص عيشي حياتك

__________________
سبحان الله وبحمده..سبحان الله العظيم..

كل اللي عملتيه ومو حساسه!!
صدقيني الشغالة ذكرتي في البداية مشاكلها معك وأكيد حبت تنتقم منك بالطريقة هذي!!
وزوجك وضح لك كل شئ وأنه لو بغى يخونك كان دور وحده من برى مو شغاله!!
أنتي مكبره الموضوع وزوجك يحبك ويهتم فيك بس يمكن تضايق من تصرفك وأنتي مكبره الموضوع شوي وتقمصتي دور المضطهده المغلوب على أمرها,,
عيشي حياتك حبيبتي المستقبل قدامك وياما هتشوفي في الدنيا وراح يجي يوم لما تتذكرين هالموضوع تنتقدين نفسك وتقولين ليش أنا سويت كذا ؟؟!!!
اعتذري لزوجك الله يوفقك

يا جماعة كبروا عقولكم

corazon اختي الله يجزاكي خير الله مشكوره على الرد
بس انا ياختي محد اتصل فيني وقاللي كلام صدقت لا انا اللي قالولي خواته واسلوبها هذاك اليوم مرررررررررره يشكك حتى اهل زوجي استغربوا ليش مستقويه عليه وهذا اللي شككني وكلام اخت زوجي جا بنفس الوقت والشيطان شاطر و تصرفات زوجي ( سبحان الله لما تصيري شاكه الشيطان يزينلك وصرت اشوف كل تصرفاته مريييييبه وللا انا اول عمرييييييييي ماشكيت فيه ولا كنت اقبل احد يتكلم فيه او ينتقده
ووالله اني من حبي له خفت هالخوف وانصدمت وانهرت لانه كل حياتي
وبعدين هو نفسه غيور ومره زعل مني زعل لان اخت زوجي الصغيره مرره جتني وقالتلي فلانه ترا بكره بتجي حفلة ماجد المهندس وانتي اكيد بتنهبلين هو كان يسمع وسوالي سالفه ومعاد كلمني من غيرته علي
فلازم يحس فيني ومشكوووره ياعمري

حبيبتي lana انا والله ياعمري ماقد اذيت احد فهاذي الدنيا وحتى ايام يتهموني بضعف الشخصيه لاني مااخذ حقي من اللي انا مقهوره منه
وهذا مو ضعف شخصيه لا بس انا اراعي مشاعر الاخرين بشكل ماتتصورينه فكيف اهين شغاله او اذيها
وهذا اللي شككني لاني لو سويتلها شي كان عرفت ان الكلام هذا حقد منها وانتقام
ولاشغلت نفسي بس انا عمري ماسويتلها شي واحتكاكي فيا بسييييط فمافي منطق يخليها تنتقم مني
ومشكووووره ياعمري

sun of me
حبيبتي انا عارفه ان هذي الشغاله تكرهني وان اخت زوجي مريضه وتكره زوجي بس اجتمعت هذاك ليوم ووساوس الشيطان وتصرفات زوجي المتوتره اللي ربما تكون مجرد عصبيه زائده وانا شفتها غير كذا
يعني والله اني معذوره ووالله انطبعي مهو كذا انا انسانه في غاااية الهدؤء والتعقل وتصرفي هذا سوا لزوجي صدمه وهو عارف ان هذا مو طبعي بس الظرف خللاني اتصرف كذا ( لانكم ماعشتوا الموقف لانه في الحقيقه اكبر من كذا بس لاني قاعده اكتبه كتابه ومستحيل اقدر انقلكم الصوره كامله وواضحه كما شفتها انا وتسلمين ياعمري على تهداتك لي

حبيبتي حرم فلان الفلاني انا عارفه انكم من قراءتكم للموضوع اخذتو فكره خااااطئه جدا عني
انا متزوجه من ثلاث سنين وماني جديده
والكل يثني على هدوء اعصابي وتفهمي للامور وانا متعلمه وواعيه ( يعني مو بنت منغلقه وغيوره وماقد عشت وضع مفتوح عشان اسبب مشكله بيني وبين زوجي لمجرد غيرتي وشكي ) وسافرت انا وزوجي لبرا وعشنا فالخارج وكان الوضع مفتووووح ويسمح لزوجي بان يسوي اي شي وماقد حدثت مشاكل بيني وبينه هذي اول مرره وكل الناس حاسدتنا على مدى تفاهمنا وحبنا لبعض وثقتنا ببعض
حتى لدرجة اني بدات اشك ان الموضوع ممكن يكون فيه عين او حسد وفكرت اروح لشيخ يقرا علي وعلى زوجي يمكن تهدا النفوس و رح اقرا سورة البقره واعمل بمشورتك جزاك الله خير وجعله في ميزان اعمالك

توتي فروتي ياعمري كلامك زي العسل وابشرك انا عادي الحين مع زوجي وتصالحنا ولا غاثته بالموضوع بس انا قاعده افضفض لكم وكاتمه نار القهر فقلبي منها حسبي الله ونعم الوكيل ( كذا الحال صاير -اللي فحاله يلاقي المشاكل مدري من وين واللي يدور المشاكل محد يقرب منه خوفا منه ) وشكرا ياعمري

بنت طيبة الطيبه ياعمري الظاهر ان هذا الحل الوحيد اني اتعامل مع الموضوع بعقلي مو بقلبي لاني لو تبعت قلبي الي الى الان يلتهب كان صارت علوم ومشكووووووره

عقود اللولو هذا مهو دلع وانا ماصيح ولا ولول على اي شي والله ان دمعتي ماشافها من ايام الدخله ( ايام الدلع صدق ) وزي ماقلت مرررررره علاقتي فيه قويه ومانستغنى عن بعض بس المشكله مهي هينه
لاني زي ماقلت ماقدر ابدا اوضحلكم الصوره كما حصلت وفي كثير كلام ماقلته وحاسه ان راس بينفجر من الكتابه وانا مختصره الموضوع ولا ابغى الخبطكم زي ماتلخبطت ومشكور ه ياحبيبتي

الله يخليك ياسحابة وررد وكلامك مثل الورد الله يتممك بعقلك وانا بحاول ارجع المياه لمجاريها قد ماقدر ويجزاكي خير ريحتيني

كل الغلا اختي مشكووره وانا زي ماقلت لتوتي فروتي تصالحنا وانتهت المشكله بس اللي بقلبي مقدر اطلعه الا لكم وتسلمييين

اختي او اخوي وادي الغضا ماتحفتنا برايك الله يخليك ؟

انا اشكر جميييع اللي ردوا علي وربي يجعلها فموازين اعمالكم لان لولا كلامكم وتهداتكم لي واقتراحاتكم كان انخرب بيتي واتمنى من كل من يقرا موضوعي انه يرد لو بسطر واحد ودمتم بخير

__________________



** اللهم اهدى لى نفسى وزوجى واولادى واهلى والمسلمين والمسلمات وفرج كربتنا واقضى حاجتنا **

اللهم أمين


نسعد بزيارتكم : فى ركن الثقــافة الزوجيــة


هل تريد ان تعرف اين تذهب مشاركاتك .. اضغط هنا

اختنا العزيزة

تأكدي ان الرجل الى يكلم بنت ما تحل له بيكلم غيره ميه بالميه وانتي واثقه فيه من قبل السالفه هذي انه لك فقط
ولو بيسوي علاقه مع بنت صدقيني ما راح يسويها مع شغاله بشعه بهذي الأخلاق
خصوصاً لو عرف ان كذا اخلاقها بيخاف منها
وهو قالك لو ابغى الخراب اقدر عليه مع غير الشغاله وافضل منها بكثير جداً

فا تعوذي من ابليس الرجيم وعياله
لان له ولد - داسم - مقرب له جداً الي هو يفرق بين الازواج

الله يوفقكم ويهديكم لما يريد

حبيبتي بصراحه الاخوان والاخوات ما قصرو ا لكن انا اقول لك ليش الشغاله كانت تكرهك
حنا النساء نحب نكون اجمل النساء صح؟؟؟؟؟؟ طيب هي شايفتك حلوه وصغيره وزوجك يحبك راحت كرهتك وتريد انها تنكد عليكي راحت قالت لاخت زوجك الصغيره وللي اكبر منها وما قدرت تقول للاكبر يعني ليش بس قالت للصغار ؟؟؟؟؟ لو في شي كان قالت حق الكبار صدقيني بس مافي شي اصلا فقامت تخترع يعني بختصار غيره
وانت ادرى بالغيره وبالذات بين النساء وانت تقولين عنها مو حلوه يعني مبين ليش هي غيرانه منك لكن المشكله انحلت وخلصت يعني ما تخلي الشيطان يلعب براسك خلي سوره البقره دائما شغاله بغرفتك وهدي نفسك والشغاله سافرت وزوجك لو انه ما يحبك ويبي يخونك كان ما صالحك وخلاكي منهاره وماعنده مشلكه لكن هو يحبك طلع برى وصالحك ونيمك عنده علشان يتأكد انك رضيتي يعني حبيبتي مافي مشلكه ابدا ابدا عيشي حياتك وخليكي فرحانه ويا زوجك ومايهزك ريح ياقمر كوني اقوى من هيك
أختك في الله






الاشراف /عفوا :يرجى الابتعاد عن اللهجات المحلية قدر الامكان ..ولكم جزيل الشكرفهذا مخالف للبند رقم 21 من قوانين المنتدى

http://www.66n.com/forums/announcement.php?f=3

__________________
سبحانك اني كنت من الظالمين

انا مقدرة ظروفك ومتخيله كيف كان الموقف وعاذرتك.. لكن

برضوه فيه مبالغه كيييف تشكين ان زوجك يخونك مع شغاله سمرا وسمينه ومشعرة؟؟؟؟

والله ما الومه ان زعل منك في البدايه لانها تهزيئه له ترا بعني بالعقل هو لو حاس بنقص بيسوي علاقه مع بنت برا البيت وانتي عارفه ان البنات الداشرات على قفا من يشيل الحين الله لا يبلانا..

اقنعني كلام وحده من الاخوات وهو ان الشغاله حاطه عينها على زوجك وهذا السبب اللي مخليها تكرهك رغم ان مالك فيها احتكاك( تفسير منطقي لموقفها تجاهك بدون سبب والاشاعات الغريبه اللي تطلعها ) واحمدي ربك انها ماسوت شي في ولدك يوم انك تتركينه عندها..

وثقي بان زوجك لو فعلا يلاحقها كان ما صارت تكرهك ولا سوت اي مشاكل رح تكون مبسوطه بالعلاقه معاه وبتحس انها منتصرة عليك وبتنظرلك بعين الشفقه بدل عين الاحتقار والحقد..

عموما الحمدلله المشكله عدت على خير والشغاله سافرت وزوجك صالحتيه يعني صلي ركعتين شكر لله واحمدي ربك ومافيه مانع من سورة البقرة والذكر والحمدلله انكم فتشتوها عشان ماتحاول تسوي سحر ولا شي لا قدر الله..