يااخوي انت حدد وقت تناقشها فيه
انها مثلا تحدد ساعه للتنظيف بلبيت
يعني

كلمها
وخذ منها كلام انها تحاورك! ولازم اي زوجين يتناقشؤن ببئ اختلاف فيما بينهم ! .....
وماعليك
تزعل ماادري ايش!

انت اللي ازعل عليها هلمره ....
قؤل انا الي معي حق ازعل مو انتي؟؟!
البيت مو مثل اول......

اذا قلتلك زعلتي واذا سكت
اهملتي....
تبين اساعدك ابساعدك !
لكن الوضع كذا مو مريح اي شخص انه يجلس ببيت كذا مهمل ومو مرتب ...
نفسيا ماارتاح ّ!

خل اسلؤبك حلو ويتخلله كلمة حببيبتي او يالغاليه ...يعني باسلؤب تتقبله هي .....

وصدقني بينفع !
واذا سكت !
فصدقني بيجيك لحظه وتكره حياتك من اهمالها ,,,,,,

__________________

أخصائية التجميل : HANDEA

سبحانك اللهم وبحمدك ..

محلله نفسيه هلا فيك اختي كلامـــك عيــن الصواب هي تتهرب دوووم من مواجهتي ومن أول ما أتكلم بالموضوع تتضــايق .. , هــمـس مشكــوره ع ردودك والله يخليلك زوجك ,أنا بعض الاحيان اذا طلعنا بسياره نتمشى أو مطعــم وبتكلم بمشاكلنا ع طول تغير الموضوع وتزعل وتقول هذا مو وقته حنا بنبسط انت ليه تحاول تخرب علينا أنا عارف ان كلامها صح بس متى نقدر نتفـاهم ؟؟ همس انا بعض الاحيان ارفض اتغدى وازعل ماكلمها وتجي تترجاني وترفض تاكل لين انا آكــل ؟ وتروح تقول انا وحيده أنا متغربه وانت تزيد علي هي نفسيتها تعبانه مادري ليه ومتغيره عن أول واسلوبها اذا معصبه مو زوجتي اللي اعرفها , هي تحبني بس نفسيتها متغيره , أقول يمكن جانا حسد لان أول ماتزوجنا الكل يمدح فيها وماشالله عليها نشيطه وحيويه وحبوبه واسلوبها حلو مع الكل ..
ع قولتك انا خايف من الحاله تستمر ومااقدر اتحمل انا من الناس اللي ماقدر أطنش .
أنا أقولها ارتاحي وغير جو عند اهلك واهلها بعيدين شوي تزعل بقوه وتقفل الباب وتقول انت بترتاح مني
انت تطردني ماأدري ليه اي كلام اقوله تتحسس مني , بصراحه ولا تزعلـــون مني يالبنات أنا احس
الرجال يمسكون غضبهم عند العصبيه اكثر منكم والمفروض العكس ,ع طول تبي اهلها؟؟؟؟؟؟؟؟؟؟؟؟؟؟؟؟؟
اختي هانديا كلامك حلو بس بشرووووط ؟صعبه ماراح تتقبلها
هي مشكلتها تخلي الاغراض لين تتجمع تاخذ يومين بعدين تصحى بعد ماأعاتبها ..
مشكورين ع ردودكم وع مروركم والله يحفضكم من كل شر

حاول
وحاول

وحاول

اعرف اول سبب تغيرها من ناحية الاسلؤب ؟؟؟
اطلب وقت محدد للنقاش ؟؟؟
وهي الي تحدده

وقؤل نسمع لبعض ونحل امور بعض

اما التهرب وهلاشياء ماهي بصالحك ابد ..بتسكت وهي بتتمرد وتتساهل اكثر....وتنفجر وتخرب كل شيء..
واذا تهرب
فحاول تعيد المووضوع ..بطريقه حلوه ...

واضح من كلامك انك تحب زوجتك وهي تحبك بس فيه بعض الامور البسيطه اللي انت ذكرتها هي اللي مسببه هالفجوه اللي بينكم عالعموم انا عندي لك حل اتوقع انه بيريحكم اثنينكم وش رايك تاخذ لك اجازه اسبوع اتوقع انها كفايه وبتكلفك تقريبا حوالي من 4-5 الاف اذا دلعتوا نفسكم فيها وتروحون لاحد دول الخليج وتخليها مفاجاه لها ماتقولها عنها الا قبل السفر بيوم مثلا عشان يمديها تجهز اغراضكم وعيشوا فيها فترة شهر عسل جديد وشوف زوجتك انا متاكده انكم اثنينكم راح تنبسطون والافضل تخلون الصغير الله يخليه لكم عند اهلها او اهلك عشان تجددون فيها شوي وراح ترجعون وتدعون لي

مشكــوره همس وجزاك الله خير وان شاءالله اني بحاول
هواها شمــالي كلامك هو اللي أفكــر فيه هالحين بس المشكله عملي صعب اتركه بالوقت الحالي بس ان شاءالله تنحل وتتيسر قريـــب

زوجنك تعاني من اكتئاب مابعد الولادة صدقني انا جاني وغيرنا كثيييييييييييييير نتغير بعد الطفل الاول خاصة اذا كانت الوحده مغتربة ووحيدة صدقني لاتزيد عليها همها ساعدها بالمدح وبدون منة وهي شوي شوي بترجع ونصيحة مني خليها ترقي نفسها يمكن فيها عين ويمكن اكتئاب وبالرقية بيروح واذا تقدر توديها عند طبيب نفسي يمكن يساعدكم

__________________
اللهم لك الحمد حمدا كثيرا

الله يعينك و يعينها ..

بداية الحياة دائما فيها صعوبة ..

زوجتك يبغالها تنظيم للوقت ..

يعني بعد الغدا على طول ذكرها بأن تغسل الصحون حتى يسهل عليها تنظيم نفسها.

وبعد شرب الشاي ذكرها بغسل الفناجين .. وهكذا .

وممكن يدخل معها شوي من العقاب اذا مانفع معها الطيب ..

يعني لو كانت تريد الخروج من المنزل فأخبرها بأسلوب لطيف ..

أكيد حأجي من عملي و ألاقي البيت نظيف وبعدها نخرج .

ولو مالقيتها منظفة .. فأمنعها من الخروج ذلك اليوم .. لعل هذا الأسلوب ينفع ..

بس لا تشد عليها مرة .. لأن بيبي و بيت وغسيل ملابس و كوي .. حالة صعبة و الله.

الليه يسهل أمركم .

__________________

تحملها أخوي وناقشها فمشكلتك وحاول تطلعوا مع بعض ، تتمشوا ، وأكيد بترتاح وبتتغير ، وحاول تساعد فشغل البيت إذا كنت فاضي تراه ما عيب والله .

طيب القلب هلا فيــك كلامك كله صح ابحاول اسوي الي تقوليه
بس بعني الاكتئاب بعد الولاده يستمر كثيــر أوكيف؟؟؟؟؟؟
اختي loloy يعطيك العافيه سويت الي قلتيه بس هي ماتبيني اذكرها بشي وطنش
انا مره كنا بروح السوق فجأه دخلت المطبخ ولقيته فوق بعضه ورفضت اوديها لين تغسلهم صح انها غسلتهم بعد ايه ؟؟؟؟؟؟؟
حفيدة الصحابه هلا فيك ومشكوره ع المرور